بسم الله الرحمن الرحيم
روايه عندما يعشق الجاسر
البارت التاسع عشر
وبعد سبع شهور علي موت جاسر وسيف مي عندها حاله نفسيه مش بتطلع من الاوضه والياس بيحاول يجيب خديجه واتواصل مع لميس وهي قالت بلاش يخدها و تالا بقت في الشهر التامن والحمل تاعبها وكريمه بتخلي بالها منها هي حامل في ولد وخديجه حامل في الشهر الخامس بس مش بتطلع من الاوضه خالص قاعده لوحدها علي طول
عند خديجه في الليل كانت نايمه لكن حست انها تعبانه جامد قامت حطت ايدها علي بطنها اللي كبرت شويه
خديجه بعييط: حبيب مامي أنت بابا عايش أنا حاسه بيه والله بابا راجع ي حبيبي
وقامت صلت وقعدت تقرا قران
____________
في مكان مجهول
فرانكو مربوط في سلاسل حديد من ايدو ورجلوا ومرفوع من علي الأرض ووشو كله بينزل دم
مجهول بخبث: ها الاقامه عاجبه حضرتك
فرانكو بتعب: لن اتركك لن ارحمك
المجهول: ههههه مش هتلحق اصلا باي باي ي فرانكو
وطلع المسدس وضرب طلقه في قلب فرانكو
المجهول: تاخد الجثه توديها علي فيلا الزعيم يلا
الحارس: تحت امرك سيدي
مجهول بخبث: الحساب قرب ههههههههه 😈
___________
في فيلا الالفي
الياس راجع من الشغل هو وياسين
احمد بحب: عاملين ايه
ياسين بتعب: أنا فاصل عاوز انام موت
كريمه بحب: اطلع ريح ي حبيبي
ياسين بحزن: هطلع اتطمن علي مي وانام بعد اذنكم
وطلع
الياس: تالا فين ي ماما
كريمه: فوق ي حبيبي
الياس باس ايد امو وابوه وطلع لي مراته
----------
في اوضة اليأس وتالا
الياس دخل لقا تالا قاعده علي السرير
الياس بحب: عامله ايه ي حبيبتي
تالا بغضب: كنت فين يلاه ها رد عليا كنت بتخوني مع مين
الياس بضحك: هههههه نفسي اعرف ام الهرمونات دي هتروح امته بس
تالا بدموع؛ أنت مش بتحبني صح عشان بطني كبرت وشكلي وحش
الياس بضحك اكتر: ههههههه بتعيطي ليه بس دلوقتي ردي عليا وبعدين انتي بطه عسل
تالا بضحك: بجد
الياس: اه والله تعالي ننام يلا عشان أنا فاصل
واخدها في حضنه ونام
___________
عند الزعيم
لقا صوت بره طلع يبص لقا واحد من الحراس شايل شوال
الزعيم: اي دا
الحارس: مش عارف ي باشا حد رماهو وطلع بي العربيه بسرعه
الزعيم راح فتح الشوال لقا فرانكو مقتول رجع ورا
الزعيم بصوت جمهوري: لميس ي لميييييييس
لميس بخبث: تحت امر الزعيم
الزعيم: اتصلي بي جاك يجي دلوقتي
لميس بصت علي الجثة وشهقت؛ حاضر
الزعيم لي الحارس: شيلوا من هنا يلا
الحارس: تحت امرك
دخل الزعيم ولميس الفيلا
الزعيم: اطلعي اطمني عليها
لميس: حاضر
وطلعت عند خديجه
دخلت لميس لقيت خديجة قاعدة بتعيط
لميس بحزن: اهدي بلاش عييط عشان الولد
خديجه بعيط وصويت: اطلعي بره اطلعي بره مش عاوزه اشوف حد اطلعي
لميس بخوف عليها: حاضر اهدي
وطلعت
الزعيم بقلق: في ايه
لميس: مش عارفه بتصرخ جامد وقالت اطلعي بره
الزعيم: سيبها شويه
لميس: حاضر
تاني يوم الصبح
لميس دخلت عند خديجة
لقت وشها اصفر وباين عليها التعب
لميس بخوف اكتر: انتي مش بتاكلي ليه حرام عليكي اللي في بطنك
خديجه بعيط وتعب: اطلعي بره والله العظيم هرمي نفسي من هنا لو حد جيه هنا تاني
لميس بخوف طلعت بره الاوضه وعدا يومين ومحدش عارف يقرب منها ولا حتا الزعيم
بالليل في اوضة لميس
لميس بهمس: تعبانه جامد
المتصل: ازاي
لميس بخوف: الدكتوره كانت هنا النهارده وقالت لو فضلت كدا ممكن تتسبب في موت الام والابن
المتصل بفزع: اي
لميس بعييط: والله حاولت معاها كتير
المتصل: طيب اقفلي الاوضه بتاعته فيها كاميرات
لميس باابتسامه: لا
المتصل: تمام وقفل
____________
في فيلا الالفي
في الصالون
كلهم قاعدين لقوا مي داخله عليهم وهي بتعيط وراحت قعدت في حضن احمد ومسكت فيه جامد وبتعيط بصوت هز القصر كله
احمد بقلق: مالك ي حبيبتي
ياسين بخوف: مالك ي مي في ايه
مي وهي بتمسك احمد اكتر: مش تسبني ونبي ي بابا
احمد بصدمه: اي
مي بعيط: ماعدش ليا حد غيرك انت وماما كريمه
احمد بدموع وهو بيخدها في حضنه: حبيبت بابا انتي بلاش تعيطي
مي بعيط اكتر: مش هتسيبني
احمد: لا ي حبيبتي مش هسيبك
الياس بحب: مش تعيطي تاني ي حبيبتي
ليلي وهي داخله عليهم: هاي
محدش رد عليها
ليلي بعصبيه: انتوا خرص
ياسين بعصبيه لي أول مره: اطلعي بره مااشوفش وشك هنا تاني غوري
كريمه: ياسين عيب
الياس: لا ي امي مش عيب دي واحده ماتستاهلش تكون هنا
ليلي: ههههههه بكره تعوزني هنا
الياس بستغراب؛ ازاي
ليلي طلعت الفون بصوره لي خديجه وهي حامل وتعبانه جامد
الياس بصدمه: اي دا
تالا بشهقه: اختي
ياسين بعصبيه: هي فين اخلصي
ليلي بخبث راحت قعدت علي الكرسي وحطت رجل علي رجل: اتجوز الياس الاول
نزل عليهم الخبر زي الصاعقه
الياس ضحك وطلع من جيبه جهاز تحكم قفل كل شبابيك الفيلا والبوابات
الياس بضحك: كدا اللعب احلو
احمد؛في ايه مش فاهم
الياس راح علي ليلي وضربها علي دماغها واغمى عليها
الياس طلع التلفون بسرعه
الياس؛ الو
المتصل: الو
الياس: خديجه تعبانه مالها
المتصل: عرفت ازاي
الياس حكاله اللي حصل
المتصل: اللعب بدا ليلي ماتطلعش من القصر فاهم
الياس: ماشي
وقفل
احمد: في ايه فهمني
الياس: مفيش ي بابا دي شغاله مع ناس مافيا
كريمه: يالهوي
الياس: ماتخافيش بس ماحدش يقرب منها ولا ليه دعوه بيها
الجميع: حاضر
____________
عند خديجه
قاعده علي حرف السرير وايدها علي بطنها
خديجه بعييط: مامي مش قادره علي كدا ي حبيبي مامي تعبت من غير بابي تعبت اووي أنا مش عارفه هطلع من هنا ولا لا بس مش عاوزاك تعيش هنا ي حبيبي
وحست بوجع جامد في بطنها
خديجه بعييط: وحشتني ي جاسر
وفجاه جيه صوت من وراها: وانتي كمان ي قلب جاسر
خديجه بصت بصدمه وجسمها بيترعش: جا ج جاسر
جاسر قرب منها: اه ي قلبي
خديجه بصدمه: لا انا بحلم صح
جاسر: لا أنا معاكي
خديجه بعيط بعدت عنو: ابعد عني بكرهك هونت عليك تسبني لواحدي دا كله
جاسر خدها في حضنه وهي مسكت فيه جامد
جاسر بحب: وحشتيني اووي
خديجه مسكت في رقبته جامد: أنت بجد صح مش هتسبني تاني
جاسر بحب لف ايدو حولين خصرها: لا ي روح وقلب وعيون جاسر وبعدين انا معاكي علي طول
خديجه بعيط: وحشتني اووي أنا تعبت اوى في غيابك
جاسر بحب: أنا اسف ي ست البنات
خديجه حست بدوخه مسكت في جاسر جامد
جاسر بخوف: حبيبتي انتي مالك
خديجه بتعب: تعبانه اووي
جاسر قعدها علي السرير وجيه يمشي مسكت فيه
خديجه بعيط: لا مش تمشي
جاسر بحب: ماتخافيش هجيب حاجه من هنا ثواني
وراح في اخر الاوضه جاب كيس كبير وراح عندها وقعدها في حضنه
جاسر بحب: يلا عشان تاكلي انتي مش بتاكلي ليه
خديجه بصت في عيونه وعيطت: وحشتني اووي
جاسر بحزن علي حاله: أنا اسف والله يلا كولي
وبدا جاسر ياكلها وهي كانت جعانه جامد واكلت وخلصت
جاسر بحب: الف هنا ي قلبي
خديجه مسكت فيه بخوف: أنت مش هتسيبني صح
جاسر بحب باسها من شفايفها وبعد عنها لما حس إنها محتاجه تتنفس
جاسر بحب: هاجي ليكي علي طول والله
خديجه مسكت ايدو وحطيتها علي بطنها
جاسر بخوف: دا بيضربك
خديجه بضحك: اه فرحان عشان شاف بابي
جاسر:مش عاوزه تعرفي نوع البيبي ليه
خديجه بحزن: كان نفسي اروح معاك
جاسر بحب ملس علي بطنها: بتوجعك
خديجه: اه بتوحعني اوي
جاسر بحب: معلش ي روحي حقك عليا انا
خديجه بعييط: جاسر سيف فين
جاسر بحب: ماتخافيش ي روحي هو كويس
خديجه حضنت جاسر جامد: كنت بموت كدا بس كنت بحس انك معايا انا بحبك مش تبعد عني تاني
جاسر اخدها في حضنه اكتر: وأنا كمان بحبك ي روحي والله وبعدين انا لازمن امشي كمان ساعتين
خديجه بدموع: ليه
جاسر بحب: حبيبي أنا ماينفعش حد يشوفني هنا واوعي حد يعرف اني جيت هنا اصلا
خديجه: ماحدش هايعرف والله بس تيجي تاني
جاسر بحب نام وخدها في حضنه: هاجي كل يوم
خديجه مسكت القميص بتاع جاسر وقعدت تشم فيه
جاسر بستغراب: في ايه
خديجه: مش عارفه ريحتك حلوه اوي عاوزه اشم فيها
جاسر بضحك:: هههههه شمي براحتك ي روحي
خديجه مسكت فيه جامد ونامت
روايه عندما يعشق الجاسر
بقلم الكاتبه
منه علي
