جتني واعره منك 💔🔥

جتني واعره منك 5

الحلقه الخامسه:

لرواية : جتني واعره منك 💔🔥

للكاتبه : بنيت بنغازي 🔥

_______________________

وصلو حمزه و اصحابه و حط حمزه يده ع الوريد و كانو متفاجئين كلهمم😨😨

كوكا : و نا طبعا من كثر خوفي عليه كنت مسيبه الخط بيني و بينه مفتوح ف الوتس عشان اي حاجه تصير نعلم بيها

حمزه : ي كوكااااا مؤيد مزال عايش

كوكا : م حقيت شي قدامي و قعدت نسجد و نشكر ف ربي عشان حافظلي ع الإنسان يلي حبيته❤

خذو الشباب مؤيد و شالوه للمستشفى طول و محدش كان متوقع بعد الدم يلي شافوه انه يرد حي ؟
بعد ساعه بزبط انتضار مؤيد يلي كان ف العنايه المركزه طلع الدكتور

حمزه : ي دكتور شن صار فيه ؟؟

الدكتور : حمدالله الشاب كويس و تخطى مرحلة الخطر حاليا درنالا غسيل معده و مزال تحت تأثير البنج و انديرولا كشف اخره عشان نطمنو عليه

حمزه : تمام صحيت دكتورنا

الدكتور : ولو واجبي

كوكا : كنت رانه ع مهند ( صاحب مؤيد ) و كان يقولي كل شي لحظه ب لحظه و كأني كنت ف وسطهم و هضا الشي يلي ريحني❤

كوكا : عرفت ان مؤيد مزال عايش فرحت فرحه جيت بنزغرت شطح فيا مهند قالي قاعدين ف مستشفى وطي صوتك ي حنه😂💔

《بنيت🔥 بنغازي 》.
《بنيت 🔥 بنغازي 》.

كوكا : الفرحه مش سايعتني خصوصا بعد الدكتور قاللهم ان تقدرو تخشوله توا ،،،، كانت الساعه 3 و ربع ليل و اول م خش مهند و عطا النقال ل مؤيد نا فتحت المكالمه فيديو لأني مقدرتش نمسك اعصابي من الفرحه😭❤

مؤيد : طبعا كان مستك بعد حقني فتحت الكاميرا و يبحت ف شكلي و يضحك كيف كنت لافه الوشاح عوج و نصه طايح و نا بعد نبكي يقعد وجهي اصفررر و خشمي حمر ونا نرعش و التلفون ايهز معايا😂

كوكا : فجأه لقيت أصحاب مؤيد كلهم زاقبين في المكالمه و يبحتو فيا نا حولت وجهي و قلت احم احم 🙂

مؤيد : بحت تلاه لقا الدنيا ملتمه و يبحتو فيا ،،،، بحت فيهم اطلعو ي انعنبو اصلكم زاقبين ف كل حاجه🙂

الشباب : 😂😂😂😂😂.

حمزه : هي اطلعو ي خروات خلو مؤيد مع مراته🙂

مهند : باهي نا نبي تلفوني🙂

مؤيد : اتفووو ي صاحبي عليك اطلع مفيش تلفون😂

مهند : به و طلع😂

مؤيد : توا ي تيسه نا ليا فوق من ال شهرين قريب نبوس كراعك عشان تفتحي مكالمة فيد شن خطرها توا🙂

كوكا : نبكي و نضحك ،،، تي خطاني والله حرام فيك هي تو نصكره الفيديو😒

مؤيد : انبصر ي بنت الناس و انتي راكبه فيا🙂