جتني واعره منك 💔🔥

جتني واعره منك 10

الحلقه العاشره :

لرواية : جتني واعره منك 💔🔥

الكاتبه بنيت بنغازي 🔥

الحلقه الاخير بأذن الله ح تكون اللقطات طشه بس المقصود من الحلقه ح تعرفوه و نتمنى كل بنت تحط روحها مكاني انا( كوكا ) و تحس ب اللي نا حسيته🔥

_______________________

قاسم : هوا بروحه جا يجري اول م قتله ع الموقف امتاع الامتحان امس

كوكا : مبرد وجهك ي ربي عليش قتله شن يلي ح يتغير

قاسم : اسكتي بدا الامتحان

كوكا : بهه ،،،، عطتني الابله الورقه حطيتها ع الجنب لأني مش قاريه و قعدت نبحت ف الروشن لقيت مؤيد يبحت فيا  و مبتسم رديت وجهي ع الدرج

قاسم بحت فيا : تحبيه ؟

كوكا : لا

قاسم : انصدم😐
.ّ
كوكا : منحبش ،، لكن نموت فيه و نموت ف اللوطا يلي يمشي عليها❤

قاسم : واعره الكبد😔💔

كوكا : مجربها شكلك😔؟

قاسم : اههههه ي كوكا اهه قتلتني و نا حي

كوكا : احكيلي

قاسم : بدا يحكي ف قصته و كانت توجع القلب بس هما مسيبوش بعضكم هيا جاها السرطان و ماتت💔

كوكا : الله يرحمها تتلاقو ف الجنه انشاء الله

قاسم يمسح ف دموعه : امين ي ربي ،،، خلينا ف قصتكم انتو ،،، متبيش ترديله ؟؟

كوكا : كان ع قلبي مشغير يبي يردله و كل يوم يمشي بدونه نموت فيه الف مره

قاسم : رديله عليش تعذبي فيه و ف روحك

كوكا : هوا يلي اختار طريقه و ربي يهنيه كلا نا وصلت حتى ل عائلتي كلها علاقتنا و منقدرش ندير شي💔

قاسم : كان في نصيب بينكم تو تردو حتى بعد 50 سنه💔

كوكا : انشاء الله، ،، تضايقت صبيت عطيت الورقه للابله، ،، بعد م حلتها ليا (أروى صاحبتي) و طلعت للساحه حقيت مؤيد

كوكا : بحتت فيه ب نص عين و قتله : مانك لي و مانك هاين ،،،، هن الاثنين عليك كواين🔥

مؤيد : اخخخ ي كوكا وخلاص و قالي : ايش حالك اليوم بعدي ي قرعتي اللي م طلتها 💔 و طلع من المدرسه

كوكا : روحت تاعبه حطيت راسي ع المخده و قعدت نتذكر ف المواقف يلي صارن اليوم و كيف كان شكل مؤيد متبهدل  و تحت عيونه سواد و باين انه عاش زي م عشت انا و من كثر م فكرت ليين رقدت بدون م نندري و كانت ف قلبي غصه و حتى مؤيد كانت حالته نفس حالتي و محدش قادر يكلم حد عشان العيله كلها قعدت مركزه فيهم و شاكه يعني معنديش اي حاجه انديرها عشان نحكي معاه 💔

كوكا : كملناها هوا يوم ف اسبوع يخش يسأل عليا و نسأل عليه و مره مره نمشي للمحل يلي يشتغل فيه عشان نحقه و قاعده كل يوم نموت بدون و من كثر م عشت بعده ف عذاب حاولت حتى ننتحر لكن اهلي شالوني لمستشفى و رديت عايشه بس ميته ف نفس الوقت💔

نهاية رواية جتني واعره منك ❤🔝

قصتي هذي لها 10 شهور و 3 ايام 💔

اكيد قلتو بعد يلي داره فيها مزالت تحسب في الأيام يلي عدن بدونه ،،، بس نقوللكم يلي يحب من قلبه مستحيل ينسى لو بعد 50 سنه فراق💔 مش قادره نبحت ف غيره و لو جبتولي احلى واحد ف العالم ح انشوف مؤيد احلى منه و ح يكون نور عيوني مهما بعدتنا الظروف💔.

بنيت بنغازي : نصيحه ل كل اب و ام و اخ هدرزو مع بنتكم او اختكم هدرزو و اضحكو و اشكو ل بعضكم خصوصا الاب و الام ديرو حتى ساعه ف اليوم اجتماع للعائله تتلمو و تهدرزو و كل حد يحكي كيف كان يومه خير م البنت تدور حنان و حب من شخص تاني عشان يهدرز معاها و يحسسها بالأمان   زي قصة كوكا ❤❤ .

كوكا : صح غلط نا يلي درته و نادمه بس مهما كان ممكن الفراغ العائلي و المشاكل العائليه كانن السبب انني اندور حد برا نحكي معاه💔

《 بنيت 🔥 بنغازي 》.

《 بنيت 🔥 بنغازي 》.

كوكا : ع فكره القصه هذي متكرره الايام هذينا و العلاقات زايدات و الحب و انتي صغيره يعتبر قلة ادب و كان يحبك صاح ايجي ل باتك و يخطبك ،،، و عارفه كم بنت مرة ب قصتي بس ممكن ليا 10 شهور و مشقادره ننسى يوم من اللي عشتى مع مؤيد و هوا نفس الشي و يلحق فيا من مكان ل مكان و كل م نحقه عيوني يدمعن و هوا نفس الشي و مزلنا نحبو بعض وهذي يلي أثرت ع نفسيتي زياده و خلتني نكتب قصتي ع هيئة روايه  عشان تكون عبره لكل بنت تحاول تحب و اتدير علاقه و الحق نحس ف روحي بعد حكيت قصتي تريحت شويه❤

انشاء الله قصتي تعجبكم و يكون فيها تلميح ع المشاكل يلي توا صايرات ف مجتمعنا و ان الشي هضا غلط ❤

بنيت بنغازي : م حسه غير اللي ذاقه ،،، مر و شين عزيز افراقه🔥👌

كوكاا : باي و نتلاقو ف روايه جديده

كوكا : اسمعوووو هذ

الجمهور : شن

كوكا : درت غلا م داره والي ،،،، لكن ضروني عقالي
كوكا : نارين ايميني و ايساري ،،، هك عزيز و هك اكباري

نتمنالكم قراءه ممتعه حبايبي و سامحوني كان ذكرت اي حد ب حاجه او موقف و بكيته و اسفه عشان النهاية كانت نكد و كانت قصيره ❤. و احتمال يكون في جزء تاني

《  رواية بنيت بنغازي 》.                     
《 رواية بنيت بنغازي  》.
                          
شكرا لأبطال الروايه منهم ،، حمادي و سلومه و حمزه و ناصر ساعدوني و حكولي كل حد كيف صار معاه و كيف عرف ب علاقتي جمعتهن كلهن ب فضل ربي بعدها ب فضلهم كملت الروايه ع خير ،،،، تم إكمال الروايه بتاريخ2022\8\21
و تم تعديلها و التدقيق عليها بتاريخ 21\9\2022

كوكا : نحب نقول كلمة اخيره ل مؤيد حياتي❤

جتني واعره منك ي مؤيد و ربي يهنيك و انشاء الله اي ألم ح تحس بيه انت ربي يحطه فيا نا لأني منتحمل فيك شي يعلم ربي عوزتني ي عيوني💔🔥

بنيت بنغازي : باي نتلاقوو ف روايه جديده حبايبي❤

                              .🔥     The End    🔥.