الحلقه السابعه :
لرواية : جتني واعره منك🔥💔
للكاتبه : بنيت بنغازي 🔥
_____________________
و قعدنا نا و مؤيد زي السمن ع العسل و احسن من قبل❤
يوم من الايام كنت ماشيه ل حوش جدي و جو تمام
كوكا : بننزل نولع السياره
صالح : عدي نلبس كاويشي و نجيك
كوكا: تممم ،،، نزلت نجري ع الدروج و تكردمت و حقني بات صاحبتي و قعد يضحكك😂😂 مشيت منحرجه ولعنا السياره و عدينا وصلنا للحوش
كوكا : خويله شجو
عيشه خالة كوكا : حمدالله خشو خشو
كوكا : زيزوووووووووووو
زيزو : كوكا هبي ( كوكا حبي )
كوكا : الله ع السماحه ايوه ديما قول هك
زيزو : كوكا تيسه
كوكا : اتفوووو عدي ي بارد
منعم خال كوكا : عيب اتعلمي ف الولد التفال و حبي و مشعارف شن
كوكا : خشيت قالي ي تيسه هوا متعلم من ربي نا مدخنليش
كلهم : هههههه😂😂😂😂😂😂
خشينا هدرزنا و فجأه اتضبح خالتي ،،،، كوكااااا
كوكا : نعم؟
سميره خالة كوكا : تعالي سلم بنيتي
كوكا: جيتك ي خويله .
سميره : عندي صاحبتي بنتها عندها امتحانات الاسبوع الجاي و مشعارفه مسائل ف الحساب و هيا نفس عمرك
كوكا : كملي؟
سميره : نبيك تحليهن لها
كوكا : حاضر ،،، خذيت نجاوب ع مسائل الحساب و نا نحسب خالتي حطت يدها ع يدي
كوكا: بحتت فيها و استغربت من اللقطه و قعدت ساكته
سميره : نبي نحكي معاك ف موضوع عادي؟ .
كوكا: نرعش ع بعضي لأن معمريش حكيت مع خالتي هذي جديات!!! ،،، تفضلي
سميره : بدون خوف هوا موضوع عادي وبنسألك فيه بس
كوكا تنهدت بصوت واطي : تفضلي؟
سميره : تعرفي حد اسمه مؤيد ؟؟
كوكا : فتحت عيوني زيييين، ،، اااا مممؤيد مننن؟
سميره : خليني نحكيلك ،،، احمد ولدي صاحبه داير علاقه مع وحده و قاله تسكن ف ...... و ف نفس شارعكم
كوكا : وجهي قعد اصفر و يديا يرعشن والدنيا غبشت قدامي و حسيت الدنيا برمت بيا ،،، معقوله مؤيد ؟ مستحيل لالا ؟ كيف يعدي يبص ل اهلي ؟ في حاجه غلط لالا متأكده انا
أنت تقرأ
جتني واعره منك 💔🔥
Teen Fictionالمقدمه : بسم الله الرحمان الرحيم طبعا هذي اول الروايه انا نكبتها و هيا قصة حياتي و كل شي ح ينكتب صار معايا فالواقع و انشاء الله تنال اعجابكم 🔥روايه ليبيه🔥
