#ڪابوس
بقلم: زينب ألــ تميم💕
لاتنسون التصويت+تعليق
قراءة ممتعه ✨
♡࿚↝ــــــــــــــــــــــــــــــــــــ↜♡
- طلعتني برا واشوف احمد واخواني يلعبون طوبه بالشارع وكلتلي تعاي ويانه نلعب واحمد يباوعلي ومبتسم ستحيت بالبدايه وردت ما العب بس هيه لحت وياي وكلت مادام اخواني موجودين كلت خلي العب وهم هاي مو اول مره العب بس كتلهم اني الحارس .....
- لعبنه ورجع ابوي اليوم كله ماشفته مدري وين يروح وما هتميت كملنه وبقينه لليل نتمشى بالمنطقة نسولف لحد ما صاحولنه للعشه حضرت وياهم العشه وتعشينه او ساعدت البنات شوي بالتنظيف ورحت لريان ابن آيات لأن ضل يبجي ويريد امه وهيه مشغوله وكل شوي اني وسجى نتعارك عليه هيه تكول اني عمته اولى بيه واني اكول ابوي يصير جده وخال امه واكبرر منج اخر شي انطيه الهه لأن ادري بيهه ما تتحمله ورح تمل وتشمره عليه وصدك سوتهه وكعدت العب وياا او اباوع ويا افلام كرتون لحد ما خلصت امه اخذته وراحت للغرفه حتى توكله واني بقيت اباوع واجت سجى ......
سجى: شبيجج صغيرونه مكابله سبونج بوب كوميي يلاا
زينب: اوكفيي هااي الحلقة احبهاا
سجى: ولجج كوميي ياا حلقه
زينب: معليج بيه والله هسه بس تخلص اجيي ورااجج حبابه مابقى شيي .....
سجى: يوووو طبجج مررضض همم صوجيي
- طلعت وضحكت عليهه وع روحي عود اني الجبيره وهيه الصغيرة صاير خلل بالاعدادات ......
- خلص وكمت لكيتهم ملتمين بالديوانية واحمد بيده ريان بس شافني كام يبجي وهوه ضاج منه وشمره عليه بس شلته سكتت ....
احمد: اياا خايسس يطرب ع بنات
زينب: خليي يطرب انته شمحصلل منكك لاا تعرف تلعب وياا مثل الاوادم ولاا تسكته بس شوي بجه شمرته ....
احمد: يي خووشش احنه مانعرف شي بس انتن تعرفن
- اني غلست عنه وكعدت العب وياا رياان كزكزتت ع خدوده وريحته .......
- اجت سجى جايبه تلفون امهه وتلعب وكل شوي يجره منهه ريان وهيه تعضه ع ايده واكلهه عوفيي وكوميي مناا لحد ما بجته خلته يفرفح من الصريخ واني عضيتهه همم وطيحت حظها وكومتهاا غصبن ما عليهه
واريده يسكتت ماكوو .....
احمد: هاا الأم الشاطره ما تسكتينه .....
- كال هيج واني اصلا جنت ضايجه من سالفه سجى ومحتاره بهاذ خزرته وطلعت برا بلكي من اطلعه وافتر بيه يسكت لأن هوه يحب الطلعه وصدك سكت....
- جان ابوي برا واكف ويا رجل عمتي وابو ريان ...
ابوي: هاا جدوو هااي شصاير بيه من البجيي بعد هسه زنوبه لكتت جاهلل بدهه هسه تاخذه الهه
- اني بتسمت وباوعتله بسته ع خده
زينب: غيرر هوه ماينشبع منه
- وضحكو كلهم ...
ابو ريان: ههههههه اخذي الج مانريده
زينب: خوش لعد
-دخلت جوه بعد سكت وكعدت وياهم بس ماحجي وياا احد بس اباوع واضحك ع سوالفهم ....
- دخل ابوي او ولد عمتي ورجلها اني كبل دخلت جوه واخذت ريان وياي واجت وراي سجى وديت ريان لأمه تنومه ولكيت عمتي فارشتلنه اني غسلتت ورحت انام واجت يمي سجى ضلينه نباوع ونسولف لحد ما نمنه ......
- يوم الثاني نفس الشي ورا ما كملتت رحت الم الفراش وجان طالع بالتلفزيون قصيده يا قارورة لباسم الكربلائي احبه واحب قصايده وبالاخص هاي القصيده وذكرتني بأمي وبيتنه لأن أمي هم تحبهه ودائما تخلي هاي القصيده بيتنه بمحرم نقهرت وافكر شوكت ارجع ويمكن مارجع اصلا حصرتني البجيه بس كدرت اسيطر وما ابجي كملت ورحت يم اخواني وسجى واحمد بلكي التهي وانسى وصدك لتهيت وياهم وكضيت اليوم اسولف وياا عمتي وجناتهه او ساعدهم شويه وشويه اروح يم اخواني وسجى واحمد نسولف ونلعب ابوي نتبهت عليه هواي يطلع ونادر اشوفه سألت عمتي كالت راح اذا طلگو يجيب باقي ملابسه وغراضه كتلهه واحنه؟؟ كالت اذا تبقون وياا هم يجيب غراضكم سكتت وعفتهه
هم رجعت ضجت بس بقيت متفائله ويصير الي كاتبه النه رب العالمين لليل رجع ابوي وجايب بس ملابسه واغراضه وموو كلهن بس الي يحتاجه لأن احنه من طلعنه ما جابله شي .....
- يوم الثالث نفس الحاله ما صار شي ونتبهت ع احمد مضلوم ودائما رجل عمتي او ولدها يصيحون عليه ويضربونه وهوه متحمل لأن ماعنده احد وهمه الي متكفلين بيهم وخفت اذا رح نبقى هنا يعني حتى اني واخواني رح يسوون هيج بينه .....
- لليل كعدت ويا بنت عمي ايات اخذتني لغرفتهم وكعدت تسولفلي عن BTS معجبه بيهم وعن الكيدراما وبوكتهاا اني شفت مسلسل كوري وهم حجيتلها عنه وعن الفرق الي جنت اتابعهاا وكالت انو رجلها منعها من الكيدراما ومن BTS معرف ليش ستغربت او شوفتني تلفونهاا شصاير بيه وملزكته كوه نقهرت عليهه شكد تحملت هاي العائله ومثل امي حالتها بعدين طلعنه وكمنه نسولف عن المسلسلات الهنديه وكل وحده شنوو تحب وعن حياتها ومندمجين وبنص السوالف جان يجي احمد ....
احمد: كومي حضري غراضكم رح ترجعون لامكم
- اني وايات نصدمنه
زينب: تحجي صدك؟؟
احمد: يي والله توه عمي ابو سامر كلي
- باوعت لآيات مصدومه هاي هيه رح نرجع وبعد ما نشوفهم وللصراحه نقهرت لأن بعدنه ما كملنه سوالف ههههههه وبنفس الوقت فرحانه لأن رح ارجع لأمي حضرت او ودعت آيات او كعدت البس حذائي وجان احمد وآيات واكفين يمي
احمد: رح ترجعين ونرتاح منج روحه بلاا رجعه كون
زينب: شنوو كاعده ع گلبكك
آيات: نجبب شهلل حجيي
احمد: ههههههه اشاقه يابه
زينب: عابتت
كملت وكمت طلعت وياا احمد جان ينتظرني وطلع وياي لأن اكوو زلم واكفين بالباب ولد عماتي وكرايبنه كلهم جايين ودعت عمتي او جنتهه او ودعت سجى لحد ما طلعت برا بالشارع احمد كال هذاك ابوج واخوانج روحيلهم لمن رحتلهم هوه رجع للبيت ودعنه ابوي وكال صعدو بهاي السياره جان بيهه رجل بنت عمتي الثانيه مو الي بقيت عدهم سلمنه عليه وحجالنه شنو صار او ويامن رح نبقى وشنو يصير ....
- كال امكم وابوكم اطلگو بعد بس طلاگ سيد مو محكمه او رح تبقون عند امكم بس ابوكم يكدر شوكت مايريد ياخذكم عنده فتره ويرجعكم كتله تمام وسكتت ....
- الطريق كله اني فرحانه وبس اريد نوصل واخيرا امي واحنه رح نرتاح من مشاكل ابوي ومعقوله هاي هيه صدك اتطلگوو؟؟؟
- وصلنه للبيت ما نزلنه امي اجت صعدت ويانه او اخذنه لبيت جدي ........
♡࿚↝ــــــــــــــــــــــــــــــــــــ↜♡
لاتنسون التصويت+ التعليق بين الفقرات❤️🔥
يتبعع✨ ......
🥹🫶🏻
أنت تقرأ
ڪابوس (متوقفه)
Ficción General- كابوس لا أستطيع الاستيقاظ منه| قصه فتاة عراقية ادركت ان حياتها كابوس لا ينتهي بسبب والدها وادمانه على المخدرات لاا تعرف مصيرها وهل تستطيع ان تبقى متفائله بأن هناك يوم ينتهي به هذا الكابوس؟! اتركم مع احداث القصه ملاحظة /القصه واقعيه كابوس بقلمي✍🏻 ...
