- كابوس لا أستطيع الاستيقاظ منه|
قصه فتاة عراقية ادركت ان حياتها كابوس لا ينتهي بسبب والدها وادمانه على المخدرات لاا تعرف مصيرها وهل تستطيع ان تبقى متفائله بأن هناك يوم ينتهي به هذا الكابوس؟! اتركم مع احداث القصه
ملاحظة /القصه واقعيه
كابوس بقلمي✍🏻
...
♡࿚↝ــــــــــــــــــــــــــــــــــــ↜♡ -ماا توقعت هاذ الشي من امي لمن اتصل وكلهاا ابوي جاي تبجي احجي وياها تريدج تكله تتعاير كلشيي مابيهه ابوي كلي اخذي احجي وياها حجيت جان ترزلنيي وتحجي نفس حجي اخواني ما كدرت اتحمل نطيت التلفون لأبوي وطلعت اغسل رجعت جان يكلي ابوي هاج تريد تكلج شي أخذته جان تبشرني بالرسوب اول مره بحياتي اطلع دور ثاني ونقهرتت بعدد اكثر جانت اسوء فتره بحياتي صارت شغلات ماجنت متوقعه تصير ...... -يوم الثاني رجعنه للبيت جانت امي وبيبتي استقبلني بالرزاله وخلوو لوم الرسوب ومستواي النازل هوه الحبب نسوو اليي جان يصير والسبب الأساسي وحتى اخواني نزل مستواهم منن هااذ السبب وهوه طلاگهم وكل يوم يجي ابوي ياخذنه وكضيناها تأجيل وما نكدر ندرس بس لاا صار السبب هوه التلفون بعد المهمم هاي الفتره كضيتها نوم وشغل ودراسه حتى ممنوع اطلع للحديقة وبين فتره وفتره يجي ابوي ياخذنه لحد ما اجت امتحانات دور الثاني وجان شهر محرم بوكتها امتحنت وحاولت شكد ما اكدر ادرس واجاوب بس بالاخير هم رسبت وعدت السنه اول مره اطلع دور ثاني واعيد السنه وحجي الناس ماا خلصتت منه ابد الي يكول بالثاني رسبت الثالث شون لعد خلي تبطل احسلها والي يكول بسبب التلفون كلشش تعبتت ..... - ضليت اشوف كوابيس دائماً احس خنكه بالبيت وابوي كثرت جياته ويتوسل بأمي ترجعله وكلشيي حاول حتى ترجع اهلي احسهم تغيرو اخواني همم ويوم من الأيام امي جانت تنضف الحديقه ولكت علاگه مدفونه بالتراب وداخلها عقده بيهه رمل ابيض وشعر يخوف ماعرف مال شنوو عرفت سحر وفكته ..... - اجت السنه الجديده وبدت المدارس اخوي رضاا تغير وصار يريد ابوي مايرضا يرجع واختار يبقى يم ابوي وامي محتاره وخايفه عليه خاف يصيرله شي او يمشي يتعلم منهم ويمشي بطريق الغلط ماكوو احد يدرسه يحضرله يغسله ملابسه نهمل نزل مستواه بالمدرسه وصار يرسب واختي هدى هم نفس الشي بس لأن صغيره بالعمر ما قبلت امي تخليهه عند ابوي بس كل مانروح عند ابوي بالكوه نرجعها ويانه للبيت تضل بس تبجي وتصرخ مانعرف شصار وياهم فجأه كامو يحبون ابوي وبدون سبب ..... - امي جانت صاعده بالسطح حتى تنضفه وجان تشوف تاير ما تتذكر جان موجود هنا من قبل شجابه وماتدري صارله شكد رفعته حتى تذبه وجان تلكى نفس العقده الي لكتها بالحديقة وداخلها رمل ابيض امي هاي المره ضمتها حتى تعرف شجابها وشنو هاي بيتنه محد بيه ومحد يجيلنه شوصلها اكو علويه يمنه امي دزت عليهه وشوفتها هاي العقده وكالت اخوها يعرف يفك السحر اخذتها حتى يفكها السيد او نصحتهه تروح لسيد معروف حتى تعرف شوصلها وشنو هاي راحت امي للسيد وكال طفل صغير ناطينه فلوس ومخلينه يضمها وجاي يتجدد كل ما نفكه بس ماعرفنه هاذ الطفل وكلنه يمكن هاذ السحر الي خله اخوي واختي يحبون ابوي فجأه وبقوو ع هاي الحاله ورضا مستوى كلشش تعبان بالدراسة وكلشيي وامي تخاف يتعلم شي منهم واذا تكبر اختي هم تروح فماكو حل غير ترجعله وختارت ترجع للضيم حتى تأمن علينه وع اخواني وعالساس شرطو ع ابوي ما يمد ايده عليها وإذا نعادت تطلگ وما تكدر بعد ترجع اله تتزوج ثاني رجعوو بالبدايه زين ابوي ما شفنه منه شي والسنه بدت تخلص ودرجاتي ومستواي صار احسن ما ارسب وبدينه نبني بيتنه حتى بالعطله نشيل من هاذ المكان ونرتاح خلصت المدرسه ونجحت ما طلعت دور ثاني والبنيان مستمر ورا ما ستلمت نتيجتي وتأكدت ناجحه دخلت دوره للثالث متوسط وجانت يم بيت جدي وبيبيتي اداوم وياي فبقيت اول شي بيت جدي بس بيبيتي جانت عايشه بيت خالي وبيت خالي كلش قريب ع بيت جدي اخلص واروح بيت خالي اطلع ويا بيبيتي وبعدين كعدت بيت خالي لأن صارت مشاكل ببيت جدي اداوم يومين بالأسبوع ويوم الثالث او الرابع ارجع لبيتنه ولمن يبدي الدوام ارجع لبيت خالي وجنت ادرس وياا بنت خالي وصرنه قريبات اكثر بهاي الفتره لأن دائما وياها ضليت تقريبا شهر وياها وكلشي نسوي سوه وبدت ثقه اهلي بيه ترجع كلشيي صار يتحسن ورتاحيت خلصت الدوره وبنفس الوقت كمل بيتنه واجه الوقت انشيل صح جانت شويه صعبه عليه لأن رح اترك صديقاتي ورح ارجع وحيده مثل قبل بسس رح نرتاح من هاذ المكان وان شاء الله يتعوض الباقي باليوم الي جان هاذ اخر يوم النه بهاذ البيت اجت صديقتي حواء حتى تودعني جانت هاي الدقايق الاخيره النه سوه مارح ارجع اشوفها تمنيت نبقى وقت أكثر ونسولف بس اجت السيارات ورح نطلع بعد ودعتها ورجعت للبيت واحنه طلعنه جان اخوها كاعد برا وهم ضايج لأن صديق رضا ويحبه وما ودعا ....... - وصلنه للبيت الجديد وعدنه هواي شغل وما كدرت انام بالليل من كد التفكير ومحد كدر ينام من عدنه تغدينه وكملنه بس الأساسيات ونمنه بس بقه امي وابوي يشتغلون كعدنه العصر تقريبا كلشي كامل امي ابوي كعدو بعد ما يكدرون تعبو وكملنه الباقي يوم الثاني ورتاحينه البيت حلوو والمكان هم ما جان اكوو اي مشاكل ......
يتبع ....✨🤍
لاتنسون التصويت+ التعليق
تابعوني انستقرام♥️✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
