رموش عيني

Part3

رجعت للبيت ضليت شوي يم اهلي انوب صعدت لغرفتي لكيت مسج من علي

علي ، اشتاقيتلج توت
وتين ، تشتاقلك العافيه ما صار ثلاث ساعات من شفتك
علي ، انا باجر اسافر
وتين ، اوك
علي ، ما تردين تعرفين وين
وتين ، لا
علي ، وتين
وتين ، هاا
علي ، راح تحبيني غصبا عليج
وتين ، ماكو مشاعر تجي غصب
علي ، انا اي شي اريده يصير
وتين ، لا تصير مغرور هوواي وانا مو اي شي راح اتعبك
علي ، هيه لمشكلة مو كيفج اذا تردين نوصل حت اخطفج
وتين ، ما تسويها
علي ، انتي حابه تنخطفين ؟
وتين ، لا والله جنت اشاقه
علي ، امشي عدل
وتين ، خوش راح انام
علي ، نوم العوافي اميرتي

بوڤ وتين ( م جاي اعرف شعوري صح هو ما يتعوض وبس اسمه كافي وابوي شلون يحبه بس هو كلششش عصبي والله ما اعرف شسوي ياا نسيت اصلي خلي اكوم اصلي وانام)
صليت ورجعت لفراشي م اجاني نوم
دزيتله مسج الساعه ب ١ و ربع
وتين ، وين راح تسافر
علي ، ليش لحد هسه كاعده ؟
وتين ، ما اجالي نوم
علي ، اروح ل دبي اسبوعين واجي
وتين ، وياك السكرتيره
علي ، اي
وتين ، وشمعنئ بنيه ليش مو ولد
علي ، تغارين بابا ؟
وتين ، وع شنوو اغار بس مجرد فضول لا اكثر
علي ، نامي توت نامي واتغطي زين
وتين ، خوش

صار الصبح بسرعه لزمت الفون عبالي دازلي صباح الخير لو شي بس ماكو اي شي نزلت يم اهلي اتريكت وسولفنه
ام وتين ، اذا اجة خطبج توافقين لو لا
وتين ، لا شبيه مخبله
ام وتين ، وليش بلا
وتين لان...اتصل رقم وانا جاي اسولف وي امي

وتين ، الوو
... اني نور اخت علي
وتين ، هلا عمري هلا بيج
نور ، حبيبتي شلونج شخبارج
وتين ، الحمدالله بخير
نور ، دومج ان شاء الله اكلج حبيبتي احنا باجر طالعين واريدج تجين وياي علمود اشتري كم قطعه ملابس
وتين ، تمام حياتي اسئل ابوي واردلج خبر
نور ، تمام بس ضروري
وتين ، اوك عمري سهله

حجيت وي ابوي وقبل كالت نطلع ب اربعه ونص كملت غداا ورحت لبست قميص وردي وهاينك اسود وابيض وبنطرون كابوي وحجاب ابيض يعني لبس كاجول ومريح
اجت هيه وبنيه اسمها اسراء

نور ، هلا عمري شطالعه
وتين ، حبيبتي مو بجمالج
اسراء ، هيه هاي الماخذه عقله ؟
نور ، اسررراء شبيج بصوت ناصي
وتين، العفو ؟
اسراء ، اني بنت عم علاوي وصديقته الوحيده همم
وتين ، ههههههه الله يحفظكم
اسراء ، حجيت شي يضحك
وتين  ، هو اكو شي ما حجيتي ما يضحك
نور ، بنات باجر عرس صديقتي واريدكم تختارون بدله حلوه الي
وتين ، تمام عمري
اسراء ، تعرفين ذوقي بعد

اسراء (بنت عمه عمرها ٢٧ ضععيفههههه حيل وطوييله شفايفها كبار شوي ومسويه تقويم تحب علي كلش هواي وامها وام علي يحبوها )

وصلنه للمحل ونزلنه واي شي اختاره ل نور اسراء تكول مو حلو وشنو هلذوق
وتين ، نور هذا يجنن يطلع عليج
اسراء ، ايعع شنو هذا ذوقج
وتين ، ترا كافي مصخيتها سكتتلج بس طلعتي ما تستحين كلش
اسراء ، لا بالله عبالج هلسلوب يخوفني مثلا
نور ، بناااات الله يخليجن سكتن
اسراء ، ع شنو اسكت ما تشوفيها شلون ضايجة مني مبينه تغار من جمالي وتغار لان انا وعلي مرتبطين
وتين ، اشو ما تستكين ترا خبصتيني ب علي و علي ما عندج غيره وبعدين وين جمالج جنج ابن عمي محمد بدون شوارب بس طولج كافي جنج فزاعه نور انا رايحة وبعد م اطلع وياج اذا هاي الحيه وياج
اسراء ، انا حيه يا متستحين

طلعت واخذت تكسي ورجعت للبييت سولفت لامي كلشي
ام وتين ، ختولي تلحك جمالج تغار منج ولان علي هيج كاتل روحة عليج
وتين ، لا تخليني ابدي ب علي
صعدت لغرفتي
خابرني علي
الو
وتين ، شكوو شتريد
ليش طالعه بدون ما تكولين
وتين ، وانت منووو علمود اكلك علي اللله يخليك عوفني بحالي يوميه تغصبني ع شي لو مسويلي مشكله
بهدوء حجة وياي
علي ، ليش طالعه بدون ما تكولين
وتين ، شبيك انت
علي ، ليششششششش طلعيييييييييين بددددون عللللللللميييييييي ليشششششش ما تاخذين كلمتتتتتتتتييييي
وتين ، عبالي تقبل لان وي اختك ترا ماله داعي تصيح عليه كل ما شفتني وصيحيت
علي ، انتي ماشية عدل وانا مصيح عليججججججج هااااا
وتين ، تراااا ما يصير هيجيييي
علي ، شنووو ولج شنو هلصوووت ولججج وتين تعلين صوتج عليههههة
وتين ، واللله راح احجي لمحمد ع كلشييي سويته وشوف
علي ، اهخخ لو انا ب البصره بس المشكلة مسافر جا علمتج شلووووون تهدديني
وتين ، دروووح ترااا لا اخاف منك ولا شي بس جنت محترمتك لخاطر ابوي ومحمد بس بعد منا وهيج م احترمتك ولا شي
سد الخط بوجهي
وتين شبيج هيجي حجيتي بس لا تخافين هو ب دبي ما يكدر يوصلج
صار الليل ورحت نمت بس حيل ما مطمنه م اعرف ليش
جان اسمع هوسه بيتنة اكو ولد ثنين متعاركين وي ابوي لبست حجابي ونزلت ف رحت كتلهم
وتين ، خير خير شكو وخرررررر
...نطلب ابوج دين
وتين ، شنو شهلحجي بابا شكد الدين ؟
...خمسه واربعين مليون
وتين ، لا هلحجي جذب
...وانتي شكو تلاسنين
...ليش ما ناخذها بدال الفلوس
ابو وتين ، لا لا الله يخليكم اخذوني انا بس لا تاخذون بنيتي هاي قطعه من روحي والله
...اخذها
اجالي واحد حط مدري شنو ع حلكي واخير شي اتذكو واحد منهم ضرب ابوي ب بطنه

كعدت وجانت الدنيا حاره مخليني بسياره سوده مضلله
وتين ...احنا وين
... راح نوصل يا حلوه
وتين ، امك الحلوه
...ضغط ع ايدي كلش قوي شنو شكلتي
وتين ، اهخخخخخخ ايددددي وخرررررر عني

وصلنه نزلوني ب بيت وسط مزرعه جبيره دخلوني وقفلو الباب
وتين ، مااماااااا اريددد مامااااااا

...ليش ترديها مو ما تخافين ؟
وتين ، علــي
اجة يمي اتقرب كلش حصرني ع الحايط
علي ، عيون علي
(دنگ راسه وضل صافن ع ملامحي ويلعب ب شعري وانا رافعه راسي لان فرق الطول كلش كبير بيناتنه )
وتين ، يعني انت كل هذا سويته
علي ، بعدج ما شايفه شي مني 30سنه محد علئ صوته عليه تجي وحده مثلج تعلي صوتها عليه
وتين ، الله يخليك كلشي تريده اسوي بس عوفني بحالي
علي ، انتي
وتين ، شنو انا
علي ، اريدج
وتين ، بس انا م اريدك ولا اريد اي شي منك
علي ، الجماعه الي اجو بارحة لابوج اذا ما يدفعلهم ابوج ينقتل
وتين ، لا تجذب
علي ، هلمره سماح مره ثانيه م اريد اسمعها
وتين ، وشنو لازم اسوي
علي ، اتزوجج !