رموش عيني

Part4

وتين ، علي الله يخليك ما عندك غير فكره انا اول بارحة عرفتك شنو اتزوجك !
علي ، وشنو من كل عقلج انا راح اخليج لغيري ؟
وتين ، وهيه تبجي بس انا م اريدك
علي ، من تبجين تصيرين حلوه
وتين ، علي الله يخليك انطيهم الفلوس
علي ، بمقابل شنو
وتين ، هيج ثواب بوجهه الله
علي ، وتين فهمي انتي الي وبعمرج وحياتج ما راح تصيرين لغيري
وتين ، انا مرتبطه بغيرك
علي ، شنووووووووووووو
وتين ، ويحبني وانا احبه
شفت علي عيونه صارن حمر وصار نار من العصبيه
علي ، شنووووو هلحججججججيييي كليلييي منووووو
وتين ، اذا كتلك تعوفني بحالي ؟
علي ، هم لا انتي لو متزوجة هم اخذج
وتين ، الله يخليك عوفني والله جاي تخوفني منك
علي ، كليلي منووو منوو الي تحبيييي
وتين ، محد والله محد بس علمود تعوفني
علي ، استغفرالله ربي راح ارجعج لاهلج يومين واجي اخطبج وتوافقين وسالفه الدين يمي انا احلها متفقين ؟
وتين ، بس انا ما احبك ليش ما جاي تفهمنييييي
علي ، انتي شبيجج ليش ما جاي تحسين بيه انا ميت بيججج بابا احب كلشي بيجج عيونج شعرج تخيلي جنت ب دبي ورجعت لان اشتاقيتلج انتيييي وين لاكيه واحد يشمر شغله واهله ويجي يمججج وانتي تكولين م احبككككككك ولا تحبيني لغيري حلم تصيررررين فهممممتي
من اكلج فهمممتي تكولين اييي
وتين ، اي دنگت راسي

رفع حنجي بيده وباس الشامه الي يم شفتي
وتين ، غمضت عيوني حاولت ابعده عني بس ما كدرت هو اضخم مني بهووواي
علي ، مرات اريد ابوسك لاكن احتار اذا كلك خدود منين تنباس
وتين ، اريد ماما
علي ، وانا ما ترديني
وتين ، ليگول هيه بيدي
علي ،عدلي روحج وخلي نطلع

ف من طلعنه لكيت الي بالسياره يكلي هسه نوصل يا حلوه
وتين ، علييييي هذا يكلي يا حلوه وضغط ع ايدي قوووووووي
علي ، صدك تحجين ؟
وتين ،والله العظيم كتله امك الحلوه
علي ، عفيه بابا روحي صعدي بالسياره  ولا تنزلين
رحت وصعدت وهو راح يمه حجة ويا شوي وضربه ع خشمهه وع بطنه ولوه ايده وهو ضل يصيح اجة صعد يمي بالسياره

وتين ، يااااااا ليشش هيج سووويت
علي ، هذا شي بسيط بعدهم الولد ما بادين ويا وطردته من الشغل
وتين ، يا شغل ؟
علي ، وانتي شدخلج يعني ست توت
وتين ، علي احنا وين
علي ، شكد حلو اسمي بلسانج
وتين ،انا خايفه
علي ، شنو ! تخافين وانا موجود يمج ترا زحمه شوفي تأكدي ولا يوم راح اذيج او اضرج بس صيري حبابه والي يتقرب يمج اگلب الدنيا فوگ راسه والله
وتين ، حجيت بكلبي( م اعرف ليش ارتاحيت احس بشعور غريب يمه ) شكرا
علي ، بخدمه الحلوين

مشت السياره وانا نمت كعدني وهو يطبطب ع خدي بصوره لطيفه
علي ، كعدي بابا توت كعدي
وتين ، هممم اريد انام
علي ، ما تردين عصير كيكه
وتين ، لا اريد انام

بوڤ علي
( طول الطريق وانا متأمل شلون نايمه ملامحها الطفوليه عيونها رموشها الطويله اريد اضمها بكلبي من شفتها وانا ما اريد اعوفها ثانيه وحده احبها اكثر مخلوق بالكون كله احبه )
وصلنه وكعدني ونزلنه
علي ، اهلا ابو وتين
ابو وتين ، هلا هلا استاذ هلا وووتين حضني وضل يبوس بيه بصوره هستيريه
وتين ، بابا حبيبي ما بيه شي
اجت امي تبجي حضنتهم وضليت ابجي
علي ، اطمئنو ان شاء الله خير حليتها
ابو وتين ، شنو استاذ شلون حليتها
علي ، هاي هيه حليتها وان شاء الله خير