رموش عيني

Part9

زهراء ، عندي خطه
وتين ، شنوهيه
زهراء ، ليش ما نحاجي محمد كلشي وبلكي يسوي حل
وتين ، لا يابه شبيج اتخبلتي خوما اتخبلتي
زهراء ، هههففففف والله اكررررههههه

مرت الايام عادي ضل علي يوميه يجيبلي هدايا
ام علي اتصلت عليه ، اليوم راح اطلع وياج نروح نشتري جهازج
وتين ، ما حاجة حبيبتي اروح انا وامي
ام علي ، وشنو تردين اضل ع ذوقج
وتين ، وشبي ذوقي هل ابنج اخذني وميت عليه
ام علي ، اي هذا من سوء حظه
وتين ، انتي ليش تكرهيني شمسويتلج انا
ام علي ، هيج ما مسويتلي شي واكرهج وم اتمنى تتزوجون انتي وابني
وتين ، والله ما اعرف شكلج بس اذا عندچ سلطه ع ابنج حاولي يخليني انفصل منه
ام علي ، وشنوو تتباهين ابني يحبج اليوم انا وعمة علي نجي ناخذج

دزلي رساله علي
علي ، راح تتصل بيج امي روحي وياها
وتين ، 👍🏻
علي ، لبسي لبس مستور
وتين ، اوك
علي ، احبج

شفتها وم رديت عليها.
وتين ، اجو عليه لبست عبايه خليجية تجننن
عمة علي ، مبين عمرج ٣٠ بهيج لبس
وتين ، يلا ولا البس ملابس مال عشرينات وانا عمري ب الاربيعين
ام علي ، وتيين
سكتت وم حجيت شي
دخلنه محلات كلشش هووواي واشتريت وكلشي ع حسابي ياخذون قطع الي ويكلولي دفعي
خلصنه ورحنه لبيتهم
وتين ، ما تكدرون توصلوني للبيت
ام علي ، لا ما نكدر
وتين ، تمام خاله

======== وصلنه لبيت ابو علي
اجة علي جان لابس تراك اسود باسني بخدي وباوع لعيوني
علي ، مشتاقتلج حبيبي
وتين ، اي وخر شوي
لاحضته ضاج مني راح وگعد رجل ع رجل
بقيت واگفه بالباب
علي ، تعاي يمي گعدي
رحت وگعدت
ف علي گام يجيبلي ماي
ف اسمع عمة علي تسولف لسراء كاعده ع طاوله الطعام قريبه عليه

عمه علي ، شوفيها چنها حيه سودا
لسراء ، شوفي شراح اسوي بيها هاي
عمه علي ، ما متربايه يدورن ع الفلوس هيه وامها

علي جابلي الماي گمت ذبيت الماي بوجهه
وتين ، جان استحيتي تحجين ع اعراض الناس وعندج بنية
عمة علي ، ههءءء بصدمه يا يمه شسويتلج
علي ، وتييييييين

غورگن دموعي وباعوتله
علي ، امشي صعدي لغرفتي
عمه علي ، هذا الي كد...
علي ، اشششش اعرفج واعرف اسوالفج تگدرون ترحون للبيت انتي وبتج

صعد واجة يمي
علي ، شبيج بابا
وتين ، يحجون عليه وع امي واليوم طلعو روحي
علي ، شنو شبيهم،
وتين ، ياخذون ملابس وما يكلولي عجبنج لو لا حسب ذوقهن ومن يطلعون يعوفوني ويكلولي حاسبي
علي ، صدك تحجين ؟
وتين ، والله العظيم
علي ، ولا يهمج حبيبي لا ضوجين روحج بسببهم يولون هاي عمتي طردتها وامي هسه راح احجي وياها بس لا تزعلين
وتين ، اريد ارجع للبيت
علي ، اخذج للمطعم
وتين ،لا ما اريد شكرا
علي ، ليش
وتين ، ما اشتهي
علي ، ليش هيج صار اسلوبج وياي من ورا سالفه الشقه
وتين ، لا
علي ، چا اسلوبج شبي هيج جاف
وتين ، ما بي شي
علي ، بابا باوعيلي