حبيييييت 👇
هتعرف انه كان يستاهل لما تشوف اول دبوس يتفك من شعرها ويطير قدامك ، لما اول مره تركن جزمتك جمب الهيلز بتاعها قدام باب شقتكم ، لما اول مره تشوف فستانها متعلق جمب بدلتك ف دولاب واحد🤠
هتعرف انه كان يستاهل ، لما هتنام اول يوم ف حضنك واول مره تشوفها بتلم بواقي عشاكم ف اول ليله سوا واول مره تستقبل انت وهي ضيوف في سبوع الجواز بعد ما كُنت انت بتروحلها ضيف ف بيتها ..
هتعرف انه كان يستاهل ، لما هتناولها رغيف عيش من جمبك على الفطار عشان تغمسوا من طبق واحد ، ولما تصوبلك فنجان الشاي بايديها الناعمه ، وتكويلك قميصك كل يوم الصبح وتعطيك بوسه على باب الشقة ..
هتعرف انه كان يستاهل ، لما تضيق بيك الدنيا وتلاقيها هي البراح ، ولما الفيلم اللي ياما شوفته لوحدك بقى احلى لو هي جمبك على كنبة انتريه واحده ..
كل اللي فات ده يستاهل انك تتعب عشانه وتحوش وتضغط ف جمعيات وتحرم نفسك من اللبس والخروج والراحة ، لان انت مش هتلاقي حاجه تعملها احسن من انك تتجوز الست اللي بتحبها😍✋🧡
