تعرف إني نحبك لدرجة ناكل معاك مكرونه في وقت عشانا في الحوش عصبان🤍
نحبك لدرجة نقدر نتفرج معاك ع مباراة وقت يجي مسلسلي يلي انتابع فيه🤍
انحبك لدرجة نقدر نسمع معاك ل وليد التيلاوي وأني نحب نسمع ناصيف زيتون🤍
نحبك لدرجة نسيب لمة صاحباتي ونقعد وجهي فوجهك ونتعاركو🤍
نحبك لدرجة نقدر نتفرج معاك ع فيلم تاريخي ونسيب الفيلم الرومانسي يلي انتابع فيه🤍
انحبك لدرجة نقسم معاك التوكس طرف طرف ونخليك تاكل معاي التشبس🤍
نحبك لدرجة نشرب معاك عصير ونسيب القهوه🤍
نحبك لدرجة نقدر انوض السبعه الصبح لانك عازم صحابك🤍
نحبك لدرجة نتحمل وجع الجياب ع خاطر نولي ام صغارك🤍
نحبك لدرجة نقدر انوض فليل بيش نقليلك دحيه فوق مية تعب🤍
نحبك لدرجة نسيب داري وسريري وحوشنا ونرضى نسكن معاك في حوش صغير نكون فيه انا وياك
نحبك لدرجة نقدر انضم الحوش ونطيب الغدي واندير بالي من الصغار في نفس الوقت🤍
نحبك لدرجة نقدر مانشريش لبسة العيد لما يبدأ ما عندكش فلوس🤍
نحبك لدرجة نقدر نتحمل انك تجي وتفرغ غضبك كله فيا في الحوش وحتى لو مادخليش بموضوع تعصيبك ونقدر نمسك اعصابي🤍
نحبك لدرجة نقدر ما نفتحش نت يوم كامل لانك معاي🤍
نحبك لدرجة نسيب روايتي وانوض انديرلك ما تاكل🤍
نحبك لدرجة نقدر نتحمل تناشيب اختك وأمك وبرادة صغار خوك🤍
نحبك لدرجة نقدر نوتيلك عزومة ل عشره من صحابك في وقت مانعرفش اندير حتى عزومه بسيطه🤍
نحبك لدرجة نقدر انديرلك شاهي معدل لا تقيل ولا خفيف🤍
نحبك لدرجة نقدر ما نحرقش البيتزا🤍
نحبك لدرجة نقدر نخلي دبلتك في ايدي في وقت مانحبش نلبس الخواتم ديما 🤍
نحبك لدرجة نقدر نسمعلك وانت تحكيلي ع أنواع السيارات إلي ءنا مش فاهمه منهم شيء🤍
نحبك لدرجة نقدر انوض في رمضان بكري بيش نديرلك فطورك🤍
نحبك لدرجة نقدر نقولك انت احلى من تيم حسين🤍
نحبك لدرجة نرضى انك تاخد البطانيه كلها فليل🤍
نحبك لدرجة نقدر اندير منبه الساعه سته الصبح بيش انوضك🤍
انحبك لدرجه نقدر نسهر عليك الليل كله لما تبدى مريض في وقت نحب النوم ومانقدرش نستغنى عليه
انحبك لدرجة نقدر ندير معاك المستحيل🤍
نحبك بشعور ما حسيتاش قبل ، بقلب فارغ من كل شيء ، ومعبي بعيونك بس
نحبك مرتين، مره لانك حبيبي ومره لانك تستاهل تكون حبيبي🥺🤍
