رتآب القلب هوجاس ورعش الجسد مر طيفات

11

دخلت الغرفه وهو دخل وراها ونطق بحده : قلت لك اتركيه بحاله يرضى من نفسه
طنشته وصارت تنادي باسمه : تيم تيم وانتبهت لطرف لبسه تحت السرير نزلت له ونطقت بحنيه : حبيبي تيم تعال شفيك جالس تحت
تيم ببكئ : مابي اروح عند ماما مابي
رغـياب تنهدت : وليه ياروحي
تيم : لانها تضربني وتهاوشني مابيها ماحبها ماحبهاا وضمها انا احبك انتي ابيك انتي امي
رغـياب مسحت على راسه بحنيه : يـ عيوني بس هذي امك اللي حملت فيك وتعبت بحملها فيك وجابتك على الدنيا لازم تحبها مايصير
تيم شد عليها وبكى : مابيي مابييي اروح قولي لبابا مايرسلني لها لانها شريره اكرها ماحبها
تنهد وهو يناظره : تيم
تيم بعد عن حضن رغـياب وراح له : هلا
عزام شاله وراح جلس فوق السرير ورغـياب قامت وراه وجلست جمبه : قولي ماما اماني وش تسوي لك
تيم : تهاوشني دايم وتقول انت طالع على ابوك وتضربني بعد تيم رفع كم يده وبان اثر ضرب رغـياب سحبت يده بسرعه : هذيي من وين جت
تيم : انا ما اخليك تلبسيني عشان ماتشوفينها وتزعلين
رغـياب باست يده : يـ روحي انت
عزام بهدوء : وش سوت بعد
تيم بطفوله : تخيل بابا تخليني انام بالارض وجوعان بعد بس ماما رغـياب لا شفت انا ليش ماحبها ورفع راسه على صوت عز اللي يناديه وقام بسرعه : عمو عز يبيني بروح اشوفه
رغـياب ناظرته بقهر : ولسه مصر ترسله لها
عزام : ماكنت ادري
رغـياب : هذي وحده مجنونه ما تخاف ربها تسوي كذا بالطفل اخخخ بس
عزام رمى نفسه على السرير : مو وقت الثرثره واطلعي اكلي تيم وخليه ينام الوقت تاخر
رمقته بنظره وطلعت
_
نزلت من الدرج وتاففت لمه شافت ارياف قاعده في الصاله ترضع ولدها ارياف ابتسمت لها : اهلين
وجن سفتها ومشت
ارياف تنهدت وهي ودها تقول لها كلشي بس سياف منعها والمشكله هي ماتقدر تروح مكان ثاني لان ماعندها احد غير سياف رفعت نظرها لـ الباب على دخوله وقامت له : نورت
سياف ابتسم واخذ براء منها : النور نورك يزين اللي واحشني صرت احب الاطفال من بعده
ارياف ضحكت على كلامه بخفه
كانت واقفه قدام باب المطبخ وتناظرهم وعيونها مليانه دموع تنهدت بضيق على حالها وطلعت غرفتها بس قبل لا يشوفها
_
_
صباح جديد
فتحت عيونها وهي مرتاحه بالنومه معد فيه احلام تزعجها او خيال يطفشها بس عقدت حواجبها من الاصوات اللي جايه من تحت شباكها قامت ولبست شبشبها " اكرمكم الله " وفتحت الشباك وانقهرت وهي تشوف مارينا لابسه لبس ضيق وتسوي  رياضه مع عز : اوف يارب ذي من وين طلعت لنا بعد وبعدين انا ليه مقهوره يعع مالت عليهم ولفت على عذاري اللي دخلت بسرعه : رتآببب قلبييي
رتآب بخوف : شفيه
عذاري ابتسمت بخجل : اعترف اخيراا
رتآب بفهاوه : مافهمت
عذاري سحبتها وجلستها معها على السرير : تعالي اقولك يلا وش صار معنا امس " فلاش باك "
كانت مندمجه في الرسم ولا كان احد حولها وشالها طاح ولا حست فيه وشعرها صار  يداعب مع نسمات الهوا وهي ولا على بالها وتكمل رسم وجاهله الشخص اللي حفط ادق تفاصيلها الصغيره والبسيطه مد يده وحطها فوق يدها وهي لفت عليه بخوف : وش فيه
متعب ابتسم : ولاشي اساعدك بس
عذاري : امم صارت حلوهه صح
متعب : مثلك تماماً
عذاري بصدمه : هاه
متعب نطق بخفوت : معقول ماتفهمين وانتي مكمله الرسمه ما طلع لك وش ابي
عذاري صارت تتامل الرسمه لين فهمت مقصده وشهقت بخجل : ااءء يءعءني اءنت بعد
متعب بحب : ايه احبك
قاطع خيالها شهقه رغـياب : يصير كل ذا ولا تقولين لي
رتآب حطت يدها على خدها بشكل مضحك : الله يالدينا بس انتي عندك عزاموه وهذي صارت تحب وانا اقشر بصل لكم صح
عذاري ضحكت : مشكلتك والله
"
كان الكل متجمع على طاوله الاكل وما كان ينسمع على صوت طقطقه الملاعق بس قاطع هالصمت صوت هدى : عزام حبيبي انا برجع بكرا لان عندي كم شغله
اريام : ليه بكرا ماماا
هدى : قلت لك عندي شغله
عزام : تمام بحجز لكم انا
رغـياب كتمت ابتسامتها وقالت بهمس : اخيرا فكه
عذاري تاففت : يوههه وش ذا
عز ناظرها : شفيك
عذاري بقهر : مين مسوي هالبيض وحاط عليه فلفل اسود تعرفون ماحبههه
مارينا : اسفه انا سويته ما كنت ادري انك ماتحبينه
رتآب شرقت وهي تاكل مد لها كاسه المويه بخوف : شفيك انتي الثانيه بعد
رتآب دفت يده : مافيني شي
رغـياب بخوف عليها : حبيبي رتآب اذا ما عجبك الاكل اقوم اسوي لك شي تحبينه
رتآب هزت راسها بالنفي : لا يقلبي اصلا شبعت عافيه عليكم وقامت بطلع ارتاح شوي
عذاري بصوت واضح لـ الجميع : ماتحسين متغير شي
رغـياب باستغراب : وش
عذاري باهتمام : صار لها يومين ما تقوم مفجوعه من احلامها وتبكي بنص الليل
رغـياب تنهدت : ايه الله يحفظها بس
عز : عافيه عليكم عندي شغل بروح اخلصه
_
_
دخل غرفتها وقفل الباب وراه اما هي شهقت بخوف : هيه انت مجنون شتسوي هنا
ابتسم ونطق بخفوت : كنتي تحلمين فيني صح
رفعت حاجبها وقالت : شفيك مصدق نفسك
عز : نسيتي كلامك لي اول ما شفتيني
رتآب بكذب : ما قلت شي
عز جلس على سريرها وقال بكذب : تدرين مارينا حابتك مرهه امس طول الليل تسولف لي عنك وعن جمالك اللي مدري شلون شايفينه
رتآب تخصرت بشكل طفولي : يعني انت ما تشوفني حلوهه هاه
عز : ابدا مارينا احلى بكثير
رتآب رمت الكتاب اللي كان بيدها عليه : بعدين انت متى شفت مارينا بالليل
عز ابتسم بمكر : مسكينه خافت وجات نامت عندي
رتآب : هاه
عز قام و وقف قدامها : اتركينا من مارينا جاي بقول شي وابي منك موافقه ياليت يعني
رتآب تنهدت : وش
عز ببرود : ابيك تساعديني اءء*
رتآب نطقت بذهول : وشش