في منتصف الطريق

الباࢪت الثاني 2

لستُ مِثل سائر الفتيات 
التِي تستند عائلتهم بتعليمهم ونصحهُم
كانت عائلتي غير مألوفة، مُبهمة
كُل مِنا يعيشُ فِي عالمهِ المُختلف رُغمًا إنني الفتاة الوحيدة لعائلتي
اخي الاكبر كان مهوسًا بخيال فاختفى
اخي الاصغر كان مجرمًا بريئ
مجرمًا بسبب الإهمال، تعلق فٍي كُل ماهو حرَام
بريئ لأن السبب كان عائلتي
اخي الصغير كان بمثابه وطني الاصغر ،كل شي لي لم يكن فقط اخا
اما انا كُنت "مُلقى"
اداة غير مرغوبة، لا احد بانتضاري ،لا احد هُنا سِوَي

فتحت عيوني بنعاس الضوء المعكوس ع برده متحول لضلام غمضت عيوني اتذكر  من تمددت جان اكو ضوء شكد صار لي نايمة حركت راسي لانحاء الاستقبال لمحت اسراء نايمة من جهة ووردة من جهة

غمضت عيني مطمئنة سحبت فوني من جوا مخدتي لكيت رسائل من اسامة ، سالم ،ماما غلقته وخليته ع صدري للفجر سمعت صوت طيارات جان الصوت مرعب

وهنا بدت عمليات تحرير الموصل انجمعنا بغرفة وحدة فراس وفيصل كاعدين يشربون جاي كلمن يكول يله ايمت نخلص من داعش

للثمانية ندك الباب طلع عمو عماد ومنع احد يطلع ورا فيصل وفراس يريدون يطلعون وعمة نادين مانعتهم غصب  شوية ورجع وجهلي الكلام

-بابا اخوج بالباب كومي

اخذت عباتي سلمت وطلعت لكيته اسامة مناشير الجيش جانت بكل مكان حرفيا قطع الصمت اسامة

-حلمت باحمد

دحكت عليه مبهوته
-بي شي راد شي ؟؟

-لا بس جان يدورلج

-اني ؟؟

-امم

سكتت ماعرفت شنو اجاوب من وصلنا تفرقنا كلمن لغرفتة مرت فترة التحرير الحمدلله تحررنا بدون ضرر 
القوات العسكرية بكل اصنافها منتشرة  وبيوم
-10- 7-2016

تم اعلان تحرير الموصل

- مآب ليش نايمة هيج حبيبي ركبتج راحت

طفرت حضنته حط ايده ع ظهري يمررها بهدوء

-صار اكثر من مرة اشوف بيدج هاي المذكرات

حجيت واني اترب  شعري بايدي
-خصوصية حبيبي شنو السالفة

ضحك وحجة بعد ارتياح
-ماعاجبني وضعج بس راح اغلس

مشيت ايدي على شعره وحجيت
-عفية حبيبي الشاطر

نزل ايدي وكام ما عاجبه الوضع تركته براحته ما حبيت اضغط علي ركضت للمغسلة غسلت وجهي وبللت شعري
فتت للغرفة لكيته مبدل مشطت ورحت يمه
- هاي المذكرات احمد جابيلي همه لذلك احب اقراهم