#عذاب الشمس
#الكاتبة: تبارك صلاح
«لو كان للجمال دولة لكانت عيناك عاصمتها» 💙🦋
ـــــــــــــــــــــــــــــــــــــــــــــــــــــــ
مريم: تزوجنة واخيرآ بقيت اول شهر اسمع سوالف وتصير مشاكل وياية وية اهل امير بس اني اطنش وامير جان يمي يحبني ويهتم بية
فد يوم جنت راجعة من بيت اهلي الظهر جنت قبل يوم بايتة يمهم رجعت شافتني عمتي وكالتلي اغسل المواعين وامسح البيت اني مسحت البيت غسلت المواعين ورجعت لغرفتي سبحت وبدلت وامير بالدوام دامشط ودخلت ام امير علية فزيت وكمت من مكاني كلت عمة خير شصاير
ام امير: وينج صار ساعة اصيح عليج
مريم: عمة شوكت صحتيني هسة سبحت وجيت للغرفة
ام امير: اسكتي ولج لا ترادديني اني مو كلتلج اغسلي المواعين
مريم: عمة غسلتهن كلهن
ام امير: لا تجذبين شنو هاي المواعين الوصخة البالمطبخ كومي يلة
مريم: تعالي عمة اشوفج اني غسلتهن كلهن ونظفت المطبخ طلعت من الغرفة رحت للمطبخ واشوف جدور ومواعين وكلاصات وصخة نصدمت كلت والله اني غسلتهن جانن واكفات ليلى وزهراء واني قبل لا ادخل لغرفتي من سبحت شفت زهراء راحت للمطبخ..
عمة اني غسلتهن وهاي اكيد البنات عافن مواعينهن وراحن
زهراء: ولج الجذابة الوصخة شوكت غسلتيهن اني شفتج مسحتي البيت وعفتي هاي الهوسة ورحتي سبحتي
مريم: لا تجذبين ولا تكولين وصخة فهمتي
ام امير: ولججج لا تكولين على بنتي جذابة دتعالي اربيج
مريم: لزمتني وجرتني من شعري وضربتني وبعدين سمعت صوت سيارة عافتني وراحت يم الباب تصيح
ام امير: سمعت صوت سيارة امير ورحت ركضتلة ولك يمة شوف هاي مرتك هاي الي ردت تكتل نفسك علمودها ولك تكول علينة الوصخات واجتي تريد تضربني
امير: شنووووو ولج مريييمم لزمتهة كتلتهة وجريتهة من شعرهة سحلتهة لغرفتهة
مريم: امييير والله ممسوووية شييي ولك عوفني،، يجرني من شعري واني ابجي واصيح واكولة كافي وداني لغرفتي وسد الباب علية ومن يومها بلشت المشاكل كل يوم يلفقون تهمة علية ويخلون امير يضربني وجنت ارجع لبيتنة ووجهي وجسمي مورمات من الضرب وجانت امي تكولي هذا اختيارج هذا الردتي وتركتي كولشي علمودة واني ابجي وارجع لبيتي تحملت القساوة والضرب وايام ابقى بلا اكل بسبب كرهم الي اهل امير،، ورة فترة امير قرر نطلع ببيت لوحدنة حتى يخلص من المشاكل بس ابو اعترض وطلع امير غصبن عنهم وابو خلة اخوانة وعشيرتة كلهم يقاطعو هنا امير ترك الشرطة وصار يشتغل حارس بوزارة المالية براتب قليل صار على زواجي سنة
واليوم ام امير اجت لبيتنة جيت اسلم عليها دارت وجهة عفتهة وكعدت جان امير بالدوام
أنت تقرأ
عذاب الشمس🤍
Romanceليش احب غيرك بدنيا انتة بيها!! الى الروح الاحب الى قلبي... ❤ سأبقى احبك حتى وان لم اراك دائماً فالمسافة لن تغير بقلبي شيء وستبقى عالق فيه للأبد،،، فمنذ ان عرفتك حتى اليوم لم يسرق قلبي شخص مثلك،، ولن يتمكن احد من الوصول الى داخلي مثلما فعلت انت🤍 ...
