بسم الله الرحمن الرحيم
ـــــــــــــــــــ
🌺صلى على محمد 🌺
༺༽ﷺ༼༻
...الله اكبر...الله اكبر...لا إله إلا الله....الله اكبر...الله اكبر...لا إله إلا الله....كان هذه الكلمات تردد بالمساجد في توقيت صلاة العيد بمصر الحبيبة و كانت امة محمد جميعها كانوا يتوافدون بداخل المساجد لترديد هذه الكلمات و لتأدية الصلاة و حين انتهاء الجميع من الصلاة يبدأو بالذهاب للبيوت...نذهب الأن لأحد و التي كان بداخلها اهل البيت و يقفون بالمطبخ و نسمع صوت هذه المرأة و هي تنادي على ابنتها ذو الـ8 سنوات و هي تقول...
المرأة:يلا يا تمارا روحي و هاتي الاكياس البيضا و انتي يا جوري روحي هاتي الاطباق عشان نحط فيها اللحمه يلا مفيش وقت اعبال ما ابوكم و اعمامكم يكونوا خلصوا مع الجزار برا....
تمارا و جوري:حاضر يا ماما/خالتو..
نوران:متقلقيش يا اسيل كل حاجه هتمشي زي كل مرة انا و نورين هنجهز الرز الأبيض و نهى هتجهز الصلصة و ميرا و نور هيكسروا العيش المتحمص لما ادم و محمد يجيبوه و انتي جهزي التسقية بتاعت الفتة...
اسيل:تمام اوي تعالوا نجهز الماية عشان سلق اللحمه طيب عشان نفضى لتعبية اللحمة عشان الرجالة يبدأو يوزعوها على المحتاجين...اومئ لها الجميع و هنا تكلمت ميرا و قالت...
ميرا:صحيح يا اسيل متعرفيش الكبار هيرجعوا امتى...
اسيل:انا كلمت بابا و قالي هيرجعوا بعد عشرة ايام هو الباقي انتي عارفة بقى انه طلع يحج هو و ماما و باقي كبار العيلة...اومئت لها ميرا و هنا تكلمت رزان و قالت و هي بتقشر الثوم مع سيلا...
رزان:انا مش فاهمه في حد يعمل فتة الساعة 7 الصبح كده...هتفطرونا فتة...
نوران بضحك:ههههههههههههههه...يا بنتي دي عادة على اغلبية المصريين هنا تبقي ماشية في الشارع و تشمي ريحتها اسكتي بس و قشري التوم و انتي ساكتة...
اسيل:طلعي الزبدة من التلاجة يا ميرا....
نورين:نوران تعالي بالله عليكي شوفي مقدار الرز كده حلو ولا ازود...
نهى:حد يجي يساعدني في الطماطم دي معايا عشان اضربها في الخلاط....
ميرا:انا طلعت الزبدة فين الخل بقى عشان عاوزاه يا بنات....كانت النساء يعملون على قدم و ساق لتجهيزات...و كان المطبخ يعم بصوت الحلل و السكاكين و المرح و الضحك بينهم....بقلم/شيماء أشرف...
......🎉في الخارج عند الرجال🎉.......
كان الرجال مجتمعين خلف البيت و يقف معهم رجل و يدل من ملابسه انه الجزار و كان ايان يتكلم معه هو و اسر...
ريان:انتَ طبعاً عارف يا سيد هتعمل ايه زي كل مرة هتدبح العجل النهاردة و بكرة هتيجي بأذن الله على الضهر تدبح التاني...
أنت تقرأ
يوميات العيد
Humorنحن غرضنا من هذه المحتوى هو الضحك و الفرفشة و المتعة فقط لكي ننسى هموم الحياة هنا سوفه ترون تقاليد العيد المصري و العادات التي نتمثل بها...غرضنا هنا ان نذكركم بجميع ابطال روايتكم المفضلة من كتاباتي.....
