" قتلـوا فينـا كُـل حُـبٍ فـي الحيـاة ، تركـوا
بصمـةً تظهـرُ كُـل ليلـة ، ذنبهُـم عظيـم 💔 "
.
.
.
''أحياناً تظن أن العالم كله اتفق أن يُبكيك .....💔
________________
جمرة: اتمنيت يطلع حلم يارب كون مو حقيقه بس الواقع دوم صعب محد يحس بيه لا المجرب اخخخ ياربي شسوي مسحت دموعي وقويت نفسي ساكته وهو احسه نارر صاير
رجعت ولكيت بسمه ماكو دخلت لغرفه نزعت العبايه واني كوه مصبرة على نفسي
اجت طوعه تطمئن عليه كتلها لا صرت احسن بس اريد انام
طلعت واني نمت وهالنومه نومه حسيت على بابا يمسح على شعري كعدت
خنجر: ها بنيتي شلون صرتي سولفلي صكر
جمرة: ها شكال
خنجر: كال بس تبجي مالها خلك حاولت اعرف شبيه محجت
جمرة: والله خوش يجذب
خنجر: احجي شبيج ليش هيج سوين
جمرة: مدري احس مختنكه ومالي طاقه احجي
خنجر: شتريدين كولي شني لي يريحج
جمرة: تقبل اروح لبغداد يم خاله تسواهن
خنجر: لا
جمرة:😔
خنجر: بنتي ما يصير عيب بيت غريب ولد بي زحمه
جمرة: لا تكول هيج هم جانو أقرب شيء عليه اني كبرت ودرست بغداد جان على الولد فهما اخواني ماعدهم شيء وياي وجان على خاله تسواهن فأنت تعرفها وهي مثل لاخت لامي وعمو مصطفى ماكو منه مثقف وحباب
فإذا رحت راح يفرحون لان أغراضي وغرفتي موجوده
خنجر:زين ترتاحين هناك
جمرة: اي لان اذكر امي كل مكان لها بي شيء فكلش محتاجه اروح إذا توافق أما إذا لا فما ازعل .
خنجر: هههه توقعين أنه ارفض طلب جمرة كلبي أنه اي شيء يريحج اسوي
جمرة: جعل ما انحرم منك يا شيخي وهيبتي وسندي وبدونك اضيع .
خنجر: هههه هاا كل هالغزل لي
جمرة: جا اني شعندي غيرك هو انت بس بالدنيا ،
خنجر: جهزي نفسج وصبح أن شاءالله اخلي الولد يوصلونج
جمرة: حضنتها وكمت ابوس بي وهو يضحك هههه فدوة لكلبه صدك حنين
طلع واني دموعي على خدي وكلبي ينزف وجع مو طبيعي اخخخ يا الحلم الي جنت عايشه بي اخخ
ربي فدواتك يا الله نسيني يارب كون وياي
انتي الوحيد تعرف بداخلي شنو
مسحت دموعي كمت حضرت جنطتي واني كلما اخلي لبسه بالجنطه اموت الف موته وين جان يوم واحد وارجع احس سنين فاقته اخخ سويت بيه
ما نمت واني دموعي على خدي
وصدك صبح الصبح واني حضرت جنطتي وبوست بيبي خطيه هم تعودت عليه وطوعه وطلعت ولاكاني صكر
صكر: صباح الخير
جمرة: صباح النور بايئس 😔
صكر: هيج اسمع هسه بالخبر شني تريدني مادري بروحتج
جمرة: صارت على السريع
صكر: ها على السريع موو كولي تريدين تشردين مني
جمرة: اني اشرد من نفسي لان حتى الدمعه لي توكع من عيني لازم ابرر ليش وكعت وجان خبرك كلش صعب يحتاجه وكت يالله استوعب لي اني بي
صكر: احلفج بطوعه إذا تحبيها لا تبجين ولا تعبين نفسج جمرة والله ما غفت عيني مدري شلون راح تروحين هسه مكدر صدكيني ولج عيونج جبده صايرة
جمرة: احاول
صكر: لا تروحين ابقي جمرة
جمرة: ههههه
صكر:عليش ضحكين
جمره: اضحك على الحلم لي عيشتني بي
صكر: لا سوين بيه هيج جمره لا تخليني احجي لشيخ والله
جمرة: إذا حجيت حتى رجعه ما ارجع واني كد حجايتي وراح شوف خليت ورحت صعدت بالسيارة وطلعت وشويه وكف
خنجر: بويه محسن هالله هالله بالسياقه عاد ما أوصيك امانه بنيتي
محسن: صدك جذب شيخنا جا هي غير اخيتي
خنجر: بنيتي ديربالج على نفسج
جمرة: أن شاءالله خوش ولد محسن صدك اخو خيته ما فتح حلكه بكلامه ولا يباوع
اني طول الطريق واني بالي يمه اخخخخخ ولك ليش سلمتك كلبي لك هاي جزاتي
بقيت اباوع على الطريق ومحسن كال شيخه محتاجه تنزلين أو تأكلين مثل متعرفون من العمارة لى بغداد طريق طويل
منزلت ولا أكلت شيء وصلنا لبغداد وصلت لبيت خاله تسواهن اخخخخ هذا البيت لي عشت احلى ايام بي جنت مرتاحه وماعندي وجع ولا افكر بشيء جانت أيام تخبل
امي عايشه ومحد غيرها بكلبي اخخ يطووعه وينج دموعي نزلن دكيت الباب وجان ياسر بالحديقة فتح الباب
ياسر جمرة جابج انتي شنو دا احلم
جمرة: لا حقيقه
ياسر: ولج شبيج احجي تعالي فوتي جوه
جمرة:دخلت وجانت تسواهن بالدوام وبس ياسر
وأيسر جان طالع
وعمو مصطفى بالدوام
ياسر: ولج احجي صاير شيء الشيخ بي شيء
جمرة: لا كلهم بخير بس اني
ياسر: احجي ولج وكعتي كلبي
جمرة: مكدرت احجي شيء بس كتله مختنكه ولمن شفت البيت ذكرت امي ومشيته عليه
مستحيل اكدر احجي شيء رغم جنت محتاجه احد يسمعني بس مكدرت حسيت عيب احجي هالسوالف
بعدين دخلت سبحت ونمت كعدت المغرب خطيه لكيت الكل موجود لمن نزلت سلمت عليهم
تسواهن: بنيتي ولج مشتاقتلج
جمرة: حضنتها وكمت ابجي والولد يضحكون علينا هههه كعدنا كمنا نسولف وهي حست اكو شيء حاولت ويا محجيت شيء
احلى ذكريات واحلى ايام عشتها بالبيت
بيومها طلعنا فترينا بغداد وأجواء جانت حلوو اجذب إذا كلت مرتاحيت
الاهتمام والحب والاخوه لي عند ياسر وأيسر مستحيل يجي اخو بمكانهم
صح تعرفت على اخواني الحقيقين بس يبقون ايسر وياسر هما اعز شيء عندي
ومرات الايام وتقريبا بقيت اسبوع جنت مرتاحه شويه بس بنهار بس ليل جان اصعب عليه بحيث كل يوم أتوجع أكثر واحس روحي دور عليه مشتاقتله
اريد يمي صوته حجيه عيونه كلشي بي حلوو كل يوم جان قبل لا انام احجي واسمع غزله وكلامه وحجيه صوته عيونه وهو نعسان اخخ يكلبي
صح اني تقريبا نهيت علاقتي بي مستحيل يصير لي بس قلبي يحجي بي ويريده
خابرو على عمو مصطفى وباجر يمر محسن ياخذني
جنت ضايجه بس ماكدر احجي لان أبويه اكيد اشتاقلي واني ادري مايقبل ابقى أكثر
هواي ضاجو عليه ومرادو اروح بس ماكدرت وصح صبح الصبح ورجعت لعمارة
وجنت افكر ماريد لاقتي ب د وكلت احاول اختفي من يمه واتفقت بيني وبين نفسي انسه شيء اسمه صكر بس مادري إذا اكدر أو لا
رجعت وشفت حسين وصكر واكفين هنا كلبي يدك سريع وحسيت راح اوكع اخ يا نضرة عيونه شلون يعاين عليه
نزلت سلمت على حسين وكلت شلونك صكر
صكر: يا هلا نورتي السلف
جمرة : عفته ودخلت وحاولت كد ما اكدر ما اباوعله بس سبحان الله لمن رحت طلعو مرتبين سالفه بسمه وصكر ومحددين يوم لخطوبه وكلمن حاير بروحها هنا صدك تاذيت
طوعه: ولج انه كمت الح على ابوي تدرين جيفن عرس صكر 😍 عاد جايبه شيء من بغداد لبس حلو
جمرة: ها اي بعدين بس شوكت
طوعه: بأجر ولج
جمرة : هااا بأجر
طوعه؛ اي يله رتاحي ترى ورنا شغل
جمرة: خوش دخلت لحمام شبعت بجي بأجر يصير مو الي رسمي يصير رجال مزوج اخخ يكلبي شلون راح تحمل الموقف جان كلش صعب بالنسبه لي
شكد ما أريد اوصف مشاعري وشلون تاذيت ماكدر
طلعت من الحمام وبلشنا تنظيف وترتيب البيت وكلها بلشت تجي واحس صكر كام يحوس بس يريد احجي ويااا بس اني اطنش واسوي نفسي ما منتبها بس جذب كلبي ويعيوني وراء أحسها
اجن البنات وبلش الحجي من بعد ٦ اشهر
واني جنت أتجنب كل شخص يدخل لبيت أو كل مناسبه وجنت بعيده عن هالامور جنت خايفه من الحجي
بس بنفس الوقت ما كدرت اروح لاي مكان لان خطوبه ولازم اكون موجوده كامن يجن الكرايب نسوان وهوسه وكلها تسئل ها هاي بنت طوعه خوش واخير شفنها .
نجمه: هههه خايبه لا ضحكينه جانت تهرب منجن لجن خايفه تواجهنا بحقيقه امها
: يا عود صدك خيه
نجمه: وداعتج كالت لبوها تروح لبيت جدها عشتو عاد مدري شلون جدها لا يكربها ولا شيء خيه استغفر الله لا تحمليني ذنبها
جمرة: سمعت. لجنت خايفه منه اي جنت اخاف اسمع هذا الحجي وسمعته و فوك هم صكر صار هالحجي احس ماعندي طاقه سويت عشه وعشينع الناس الي جايه بس هواي عبرت وهواي طنشت واكول خلي اسكت ماريد مشاكل
خلصت مواعين ويا طوعه وام سليمان وبنات هواي هم ساعدوني بس المشكل لي يساعد ما يسكت يحجن شلون شردت وليش يالله هسه رجعتي وصدك كعتي يم ناس ما تعرفيهم واشكال الحجي واني كوه اصبر على نفسي وافكر شلون اعيش وراح اشوف صكر وبسمه سوه
خلصت ورحت بالغرفه وتفاجئت اكو بنات نايمات وأطفال ما اعرف كم طفل وهذا يبجي وهوسه كبت وين اروح اريد انام اريد اشرد تعبت
شفت بيبي توضت وتريد تصلي بس غرفه بيبي محد يدخل عليها بيبي تنحس وغرفه الشيخه محد يدخلها لان بيها ذهب وفلوس وهسه صايره فرحت كتله
جمرة: بيبي
مليكه: ها يده كولي شمالج هيج متغيره
جمرة: بيبي تعبانه اريد انام بس لكيت الغرفه كلها موجوده بيها
مليكه: يا بعد كلبي تعبتي سوده عليه تعالي فوتي بغرفتي ونامي
جمرة: يبعد عمري بس عادي انام بحضنج
مليكه: تعالي حداي يبعد عيني جا اني شعندي غيرج
جمرة: وجنت صدك محتاجه احد يحتويني ونمت بحضن بيبي بيومها عابلك ميته كلش تعبانه جنت ونوم نومه ما حسيت بنفسي ابد
صكر: دخلت لغرفه جدتي وتفاجئت بجمرة شلون نايمه وجانت شيخه ملكيه ماكو
تقربت عليها وخرت شعرها اخخ حسيتها تعبانه بس تفاجئت ما حست عليه ابد مسحت على شعرها جان يوم صعب عليه كلش ناس تبارك وأنه بغير عالم طلعت بسرعه لا احد يجي وكبت الهلاهل
جمرة: كعدت على الهلاهل حسيت سهم ودخل بكلبي جانت افكر يهللون النا اني ويااا بس سمعت الهلاهل له وشخص ثاني
اخذت حسرة وكلت الله يهنيهم وصدك كعدت غسلت وجهي وبدلت خاله تسواهن اشترتي اشياء كلش حلو وملابس بغداد كلهن حلوات
حاولت اغير من نفسي واقوي نفسي لبست وردي ورفعت شعري ونزلت خصل على وجهي طلعت حلوه اول مطلعت حسيت يباوعلين عليه بيبي فدوه لكلبها كامت صلي على النبي وتقراء عليه صبحت عليها وصبحت على الكل رغم لي سمعته البارحه حاولت اليوم أبدي من جديد حتى لو اجذب على نفسي بس المهم احاول
دخلت لمطبخ وساعدت طوعه وام سليمان بالريوك وزينب وكم مرة ما عرفها بس ام سيلمان كالت يمه لبسي شيء ازرق من العين
ودخل حسين خطيه جان فراج يكول خلي يزوج بلكي أني وراء وكام يشاقه وياي حباب كام يتغزل كتله ولك اختك اني شبيك عاد طوعه وام سيلمان يضحكون وهو هم كال خفن ايدجن
وصدك ريكنه الكل واني ما اشتهي اي شيء بابا ما شفته جان يوجب بالناس
حتى ما صبحت عليه بعدين كفظه الريوك وبلشنه بالغداء الزلم يطبخون براء واني وام سيلمان ونجمه وزينب وطوعه وام خالد وحده عجوز ذب سم ام وليد اسمها 😏
هاي نسوي غداء لنسوان هواي أجن ناس كومه ولي تستغرب مني وكلساعه وحده تسئل منين هاي
والحبايب يسولفن على القضى والمضه
اسمع واحاول ما احجي
اي ياا خيه جا ما تدرين غير طلعت بنت الشيخ اخر وكت اي والله يخيه شني خيه أنه ما صدكت شلون تقبلها شيء اخافن وحده استغفر الله
جمرة: نار بكلبي واني اسمع يطعنن بيه واشكال السوالف انتو اعرف بالمجتمع شلون يحجي
اني ذبيت نفسي على الطبخ ويا ام سليمان لان ماريد اسمعهن وين اروح وراي وراي
خلصنا غداء وشلنا الموعين وغسلناهن على السريع وكلمن راحت تلبس وتلبس جهالها وسحبتني طوعه
طوعه: ولج يالله ماضل وكت بسرعه خلي نبدل ادري هواي حجي سمعتي بس خلي يولن هذا عرس اخونا لازم نفرح
جمرة: طوعه داست على الجرح اخونا اخخخ اي منا وهيج صدك يصير اخويه كوه عليه رحت بدلت ومارت اطلع حاولت رغم كلساعه وحده جايه يالله راح يدخل صكر 😔💔
يتبع ...
يالله حبايبي خلوا تصويت +وعلقوا
كاتبه نرجس السعيدي
أنت تقرأ
جمره (قسمة شيخ ) الجزء 2
General Fictionمكمله لقصه قسمه شيخ الجزء الاول ناشرة بصفحتي الجزء الثاني تحجي عن بنت طوعه الكاتبه نرجس السعيدي
