ڪانَ الأمر أشبـه بشـعُور قاضـي يَنصِفُ العدل بِأعدام ابنه الوحـيد..💔
.
.
.
.
.
”سأكتفي بوحدتي، لن أزعج أحد بعد الأن....
_____________
دخل والكل كامت تهلهل ويهوسن وكولات مثل اي خطوبه
كعد وهي بصفه لزم ايدها
اني هنا ماعرف صار بيه احس ختنكت شكد حاولت ما ابين وشكد ضغطت على نفسي بس مو بيدي
عيوني مترمش باقيه صافنه عليه
ماعرف شنو حجه وياها هي ضحكت وهو ابتسم لبسها الحلقه وهي هم لابسته الحلقه
اني احس هنا انتهيت اذا اكلكهم اصعب من الموت جذبوني
حسيت بخنكه مو طبيعية حسيت الدنيا صارت صغيرة بعيني اذا ابقى دقيقه يمكن اتخربط لو يصير بيه شيء
طلعت من الغرفه ورحت لمطبخ دموعي على خدي بسرعه مسحتهن اخاف احد ينتبه
ما اكدر ابقى اخذت كلاص مي شربته وحاولت ما ابين اجت طوعه لمطبخ
جمرة: طوعه اني اروح لبيت جدي كطيف اجه خالي كال تعبان
طوعه:يا شبي
جمرة: ماعرف شبي اني اروح خوش خاف احد يسئل عليه
طوعه: خوش روحي بس متحتفلين ويانا اليوم
جمرة: ما اعتقد اكدر جدو محتاجي اكثر.
جذبت عليها السلف بعيد واني ادري ما جاي جدي اعتذر من ابوي خليت عبايتي على راسي وخليته نص على وجهي بس عيوني مبينه لان زلم بره والدنيا مكلوبه
كوة طلعت رحت لبيت امي طوعه. اي بس هذا المكان لي يعرف بي العشق هناك محد يجي
مسافه ربع ساعه تقرييا كمت امشي بين البساتين وعيوني صب ودموعي على خدي ختنكت ساعه اركض لو اكعد يم شجرة لحد ما وصلت لمكان واني احس بريحه امي اخخخخ يطوعه لو ما حاجيتلي احسن لو ماجايه لهذا المكان احسن
ولج يمه طوعه راح اموت بعد ما اكدر تعبت ليش هيجي يصير بيه اخخخخ ريتني ما اجيت هنا ولج طوعه يمه بنتجت مختنكه
ياريت ماجبتيني لدنيا ياريت ماعرف اهلي لو ادري هيج يصير بيه فلا تخطيت خطوة لهنا والله متندمه
اخخخ يمه طلعي حاجيني ولج يمه راح راح
يمه صار صدك اخويه يمه فدووة شلون اعيش بعد
طوعه اكعدي حاجيني
يمه يضحك وفراحن وكدامي يمه طلع جذاب اخخ يمه خلاني اعشكه وضحك عليه
ليش تعلقت بي إمداني إمداني ساعه السوده لجين بيها هنا ليش حبيته ليش بنيت احلامي ويااا
ليش اخخخ كسر كلبي يمه
شلون انسى وهو كدامي ماريد ارجع ماريد اشوفه ماريددد
جانت عيونه بحر لمن اشوفه جنت اكول بس صكر هو ليه ما اجنت اتوقع يروح
تعبت اصيح وابجي ومحد يمي
ليش جبتيني وحيدة ليش
اخخخ يمه جنتي خايفه منه صار يمه
يمه ابشرج عرفت المج وكعت بانسان لا مشاعر ولا حساس وكعت بحب شخص مو إليه
بس اني صوجي ما جنت ادري والله ما جنت ادري اخخخخخ يطوعه اخ يمه ولج يمه كلبي يوجعني يمه
هذا الحجي المغرب غربت الدنيا واني باقيه بمكاني
وبعد ما حسيت بنفسي
خنجر : زينب زينب
زينب: ها بويه
خنجر: ندهيلي جمرة
زينب: امرك رحت ادور بين النسوان واباوع ماكو
طوعه: شعلامج تعاينين على النسوان
زينب: خايبه اريد جمرة وينهي
طوعه: شتريدين منها
زينب: ابوي يناطر بره
طوعه: خلج انه اكله
زينب: جا هي وين
طوعه: بعدين رحت ها بويه
خنجر: وين جمرة خلي تجي جدها ينطرها بره يريد يسلم عليها
طوعه: هاا يا جد 😰
خنجر: شعلامج ولج جدها الشيخ كطيف روحي ندهيها بساعج
طوعه: بس بويه جمرة مو بالبيت
خنجر: شلوووون ولج جا وينها احجي
طوعه: والله بويه جانت تبجي ولمن سئلتها كالت جدي مريض وخالي اجه ياخذني وراحت
خنجر: شني ولج وين راحت
طوعه: والله بويه مادري هيج كالت
خنجر: وين راحت
طوعه: يمه وين راحت اختي ابجي على صياح ابوي كلها اجت لمطبخ وابوي راح
نجمه: ولج شمالج صاير احجي
طوعه : يمه اختي
نجمه: ولج شبيج
طوعه: يمه جمرة ماهيه كالت تروح لبيت جدها وابوي اجه حسباله هنا يريدها جدها
صكر : بيوم الملجه بعد ما حجينه بالديون واجه شيخ ملجت على بسمه وأنه بالي يمها اخخ جمرة كلبي سوولي طريق ودخلت اول مدخلت هلاهل وهوسات دخلت كعدت يم بسمه لازمت ايدها عمود اابسها الحلقه هنا نسوان مستمرات بالهلاهل اول مرفعت عيني اجت عيني بعين جمرة احس عيونها تريد تطلع وكلها دمع لا اضل اباوع اعرف نفسي اخرب حاولت اغير الموقف بسمه لزمت ايدي قوي حجيت بهمس ( ايدي اريدها )
بسمه:هههه
زينب: يالله لابسته الحلقه
صكر: لابستها ولبستني رفعت عيني ادور بالوجوه ماكوو. جمرة وين راحت هاي استغفر الله هاي وين راحت هسه اضل اعاين على النسوان حتى فشله بيها بنات حاولت اكوم ما اكدر خالاتي وتعرفون المجتمع العراقي بهيج مناسبات شصير.
ضليت فوك الربع ساعه ماكوو المهم خلصت روحي كوه كمت لديوانيه هناك الربع ما خلوني يباركون ولد العم وشيوخ لتهيت بالجواء بس بالي مو صافي
جنت احجي وياا حسين خوش ولد ابن الشيخ كطيف وحمزة صديقي هم سوالف وضحك
شويه وابوي دخل لبيت وطلع عيونه بكصته انه دريت اكو شيء استئذنت ورحت له
صكر: خيرك شيخ شعلامك
خنجر: مصيبه
صكر:خير. بويه
خنجر: تعال غاد لا احد يسمع
صكر: بويه وكعت كلبي شعلامك
خنجر: ولك جمرة
صكر: لمن كال جمرة هنا وكع كلبي كتله شبيها 😰
خنجر: مدري كايله لطوعه اروح لجدي تعبان وعلى اساس خالها يوديها
صكر: شني يا خال منهم
خنجر: خايب مدري هي هيج حاجيه والشيخ هو كلي اندهلي جمرة يريد يشوفها
صكر: بويه انه هسه شسوي وين ولت وين ادور
خنجر: اسمع ماريد احد يدري بالسالفه شيوخ وزلم عيب خاف يطلعون حجيه
صكر: جا شلون
خنجر: اسمع بس شيخ كطيف نبلغه واشوف خاف علي بن اشيخ ماخذها وانت واخوتك دور عليها خوش مو احد يسمع
صكر: امرك شيخنا. عيوني صارت بكصتي وين راحت كله مني ان صار عليها شيء عمري ما اسامح نفسي 😥 لا يكون شردت لا مسويها اووف فكره تاخذني وفكرة جيبني وانه ضال تايه صحت على حسين
حسين: هاا
صكر: ولك اختك ماكو
حسين: شني ولك يهي منهن 😳
صكر: جمرة
حسين: صدك شني وين ولت
صكر: صوتك لا احد يسمع الشيخ ما يرضه اسمع خبر الولد وكلمن يدور بجهة بلا حجي وكون محد يعرف من الزلم خوش
حسين: والله بس خلي الكها لا اطيح حظها 😡
صكر: اكسر ايدك اذا مديتها عليها فاهمه 😡 ادفنك وعلي لا تحجي.ولا تمد ايدك وخبر الولد خوش
حسين: صكر جا هاي سويه سويها خلي الكها وشوف شنو يصير. تعلمت على دياحه
صكر: حجي زايد ماريد وحجايتي وحد ما اعيدها والحمزه إذا ايدك مديتها عليه اكسرها وانت تعرفني
حسين: ولد العم هم نكلهم
صكر : مو كلكم عمود لا ينتبهون خوش ولو انه اوصي منا يطلع منا
حسين:صكر
صكر: دروح هسه راح حسين وانه كلبي ما مرتاح نظرته تخوف
خنجر: ها صكر
صكر: خبرت الولد وحذرتهم لا يحجون ولشيخ ميدري عنها
خنجر: لا وحسين لا صايحها ولا يدري. وهسه راوح كالو خاف صدك بالبيت
صكر: انه ادور بين البساتين بلكي الكاها
خنجر: صكر بويه اريدها ترد مو مثل امها 😔💔
صكر: ابشر والله لو باخر الدنيا لا اجيبها وانه ما ارد لا وانه وياها لا تخاف يشيخ
خنجر: اخخ انه رجليا ما يعينني
صكر: اكعد وادعي بلكي نلكاها يعني وين تروح
خنجر: أن شاءالله
صكر: انه اهون عليه وانه اريد من يصبر عليه صعدت السياره وافتر. بالبساتين وكلساعه الكه واحد من ولد العم وماكو وين تروح رجعت لبيت شيخ كطيف كالو ماكو وخطيه يدورون هم وافتر غربت الدنيا وانه ما لاكيها دعيت ربي كون ما بيها شيء ورجعت كلت بلكي لكوه خبر رجعت ولكيت ولد العم واكفين والشيخ والزلم رايحه نزلت ها بشرو
حنجر: شني ما لكيتها
صكر: لا انه رديت عبن كلت بلكي ردت
خنجر : لا وانه ابوك ماكو احخخ يجمرة وينج 😔
صكر:بويه على كيفك ان شاء الله نلكاها
خنجر: وين
صكر: كله تحجي وناس ترفع وناس تحجي من ولدنا هاي عود مدري شخلو لغريب اخخ انه بتعدت ورثت جكارة اخخ وينج ولج دنكت راسي وين تروح وين خرب جمرة وينج ولج
اي والله يمكن هناك هاي شلون فاتتني
رحت كبل لسيارة صعدت
خنجر: على وين
صكر: والله بويه جني عرفت وين بس مو اكيد
خنجر: جا انه وياك
صكر: يالله
خنجر: صعدت وياا وين رايح
صكر: احساسي يكول بالمكان مالك
خنجر: شني ليكون بيت طوعه
صكر' بالظبط انه ما رحت هناك
خنجر: هاا جا شيوديها بويه
يتبع
..
..
أنت تقرأ
جمره (قسمة شيخ ) الجزء 2
General Fictionمكمله لقصه قسمه شيخ الجزء الاول ناشرة بصفحتي الجزء الثاني تحجي عن بنت طوعه الكاتبه نرجس السعيدي
