''عندما تموت الحياة داخلنا لن يصبح هناك معنى من سيموت أو من سيبقى .!''💔🖤
.
.
.
سأگتم مايؤلمني ، حتى ينتهي او انتهي انا...💔
كاتبه نرجس السعيدي
______________
اريد امي اخخ يالموقف لي اني بي
سمعت الشيخ يعيد بالعقد
جانت يمي طوعه وبسمه
طوعه: ولج احجي شبيج
جمرة: بصوت يرجف وغصه كلت نعم وانت وكيلي
الهلاهل كامت وبيبي باستني
وطوعه وبسمه يهلهلن
شويه وكالو طريق خلي يدخل الشيخ
يمه كلبي كمت ارجل خوف وتوتر اخخ يمه وينج
حسيت تورطت مدري 😭
شيخ حمزه: احم يا الله
ام حمزه : هلا يمه كلوووش
جمرة: مدنكه راسي حسيت قريب عليه
حمزه: مريتي وشيخه كلبي ما اشوف عيونها رفعي راسج يجمره
جمرة: رفعت راسي واني دمعه بعيوني تقرب عليه وباسني براسي وكلي
حمزه: الف مبروك مريتي
جمرة: الله يبارك بيك
حمزة: تدرين شودي
جمرة: شنو
حمزه: احوي ولج بدلي اشرد بيج ومحد يمنه
جان كلش جري يعني كل كلمه غزل وجريئ
احسيته لمن يلبسني الحلقه
جان شلون الحلم لي ما بي روح وكنما لعابه تحركين جان لا حساس ولا مشاعر اتجه حمزه ابد
رغم لمن دخل الهيبه وجمال وشخصيه حلوة بس لاسف ما حرك شعره من كلبي
ولا عندي رغم بي ابد طلع وصار المغرب سبحت وصليت ودعيت ربي يدخله بكلبي وكون تكون بدايه حلوه وارتاح بيه وكلت افتح صفحه جديده وانسى الماضي واحاول ابدي حياة جديده وبلكي ارتاح وياا حمزه
مرات الايام وجان مستعجل حمزه على العرس وكال مجهز كلشي واني ما عترضت
لي تفاجئت بي ان صكر خلال هالمده صار نار ما يتحاجه ابد واذا دخل الغرفه يعيط ويهز البيت هز بصياحه
وخطيه بسمه ترجف رجف منه وتخاف كلشي جهز بس هوو
يدور حجج وانه ادري عمود لان كرب عرسي
اخخخ هم لي شايله بكلبي اتمنى مصار لي صار بيه
والله مريت باشياء تعب وتعبني
حمزه: بعد الخطوبه اجه مرتين بس جان جريى بمعنى الكلمه يعني احسه ما يستحي ابد صح هو. رجال وعادي عدهم بس مدري اكو شيء بداخلي غريب
عيونه وكحه وحركاته جريئه كلش ضجت واتنفرز منه اذا تقربلي
مرة لمن يجي كلت لحسين يكله تعبانه ماريد اروح يمه
حسين: تخبلتي انتي شني لزلمه جاي يشوفج وانتي مابيج شيء . سودنتي
جمرة: فدوه حسين معليك بس كله مريضه والله مدري شبيه مالي خلك
كمت اتوسل بحسين ودخل صكر ظاهر جان يسمع
صكر: شكو
حسين: تعال اسمع شتكول متريد تدخل شوف زلمه جا مو عيب
صكر: ليش متريدين دخلين
جمرة: دنكت راسي كتله احس نفسي تعبانه ماريد احجي وبعدين هسه كملت تنظيف لازم اروح اسبح وابدل مالي خلك
صكر: صار مثل متريدين
حسين: صكر شتكول
صكر: شني جا هي جبر مالها خلك وانت لا تدخل
حسين: خوش روح انت وحاجي
صكر: جا خايف منك هسه اروح وخلي يفتح حلكه بكلمه
جمرة: راحو بس اني بين لي فرحت لان هيج حجه صكر وبين لي حزنت شلون اكمل ويا انسان مالي نفس بي هذا عمر شلون اتاقلم ويا
وبيومها ليل ما نمته وطلعت افتر بلبيت وصكر بالديوان
صكر: بعدج كاعده شعجب
جمرة: اريد اشرب مي
صكر: ترة ادري بيج اعرفج تفكرين هواي
جمره :سكتت
صكر: لا جبرين نفسج على انسان متكدرين تعيشين وياا بعدلج وكت
جمرة: صار زوجي وان شاء الله بمرور الوقت اتعلم عليه كلشي بالبدايه صعب
صكر: صح قبل لا انسى حدد ويا ابوي موعد زواجكم الخميس الحنه والجمعه الزفه
جمرة: حسيت بكلبي وجع ابوي شكال
صكر: كال حلالك باي وقت تاخذها
جمرة: خوش دخلت لغرفه كبل عيوني نترسن دمع ربي يسر امري وخفف عني يارب مالي غيرك
ومرة الاسبوع بالهوسه واجت خاله تسواهن وجان ابوي ماكو واجه ويا خاله تسواهن ايسر هم خطيه رحت سلمت عليه وتخبل لمن شافني كال ضعفانه وصاير بيج وحاول يحجين بس محجيت شيء
وخاله تسواهن تخبلت وخاصه لمن شافت نجمه وتعاملها وخطيه علمتني وتوصيني بس اني شبعت بجي ذكرت امي كل بنيه تحتاج امها بيوم عرسها
خاله تسواهن ما مخليه شيء ما جابته من بغداد من ثياب نوم وملابس بيت وعبايه جديده وفستان ومكياج وعطور خطيه جهاز كامل
جنه بالغرفه ودك الباب ابوي وجنت اني وخاله تسواهن
خنجر: ام ياسر شلونج
تسواهن : خنجر
خنجر: وين رجعتيني
تسواهن: شلونك
خنجر: طوعه مالخت بيه لون
تسواهن: كبران هيج حبك يسوي
خنجر: هدت حيلي طوعه
تسواهن: حقك طوعه ذهبه وحبها حقيقي وفت بحبها لاخر يوم بحياتها وفركها كسرنا
خنجر: ما مقسومه كلشي بالدنيا قسمه
تسواهن: بس الله رزقك منه بنت تسوه الدنيا جمره ماكو منها واخذت من امها كلشي
خنجر: جا هو شني لمعيشني ولصبرني على فراكها جمرة بس مدري شلون اتعود لمن تزوج
تسواهن: هي هاي القسمه
خنجر: اي القسمه بيد ربج شلون ابو ياسر
تسواهن: بخير انسان ونعم منه ما مقصر بشيء
خنجر: الحمد الله بس انه بكلبي سؤال بس لا تفهمين غلط
تسواهن: لا تحجي اعرف سؤالك لا عبالك نسيتك جنت احلى ذكرى بحياتي ولحد هسه ما اكرهك الماضي محد يكدر يغيرة ولازم الانسان يتعود يتاقلم بحياته احنى خطار هنا واليقسمه ربك احلى شيء
الحمدلله كملت درستي وتوظفت وانسان يحبني وما مخلي شيء بنفسي وانت الله رزقك بطوعه لي اخذت كلبك ورغم زوجت نجمه بس مجرد حياتك تمشي عرفت اخبارك
خنجر: اخخ يا سوها والله وتغيرتي بس كلامج صح اني حبيت طوعه
جمرة: واني شنو بيناتكم 😂 شيطان كاعده
خنجر: هههههه شتحجين وياها بلسانها هذا
جمرة: هههه والله لا تخليني افتن عليك واكل لنجمه اخليها تخبل
خنجر: تهدديني
تسواهن: هههه ولج جا احنى شعنده استغفري ربج تره اني مزوجه عيب هالحجي
جمرة: اسفه والله
خنجر: ام ياسر لبيت بيتج اخذي راحتج
جمرة: طلع ابوي واحس تسواهن خجلت
تسواهن: بنتي جمرة ترى الحجي لي صار يبقى سر وترى اني ويا ابوج ماعند شيء هسه اني مرة مزوجه وهو هم بس الماضي يبقى ماضي
وصدفه صعب وانت لو ما غالي جان ما اجيت بس وصيته امج هاي كالت اذا متت كبل عرسه امانه انتي زفيها بيدج والوصيه صعبه
واذا بقت عليه اني العمارة ما ادخلها
جمرة: مدري ليش ربطت سالفتي بسالفه ابوي وتسواهن معقوله ما انسى صكر كتله خاله
تسواهن: كولي حبيبتي
جمرة: لا تاخذينها بغير شيء بس شنو شعورج ولتقيتي بحبج القديم
تسواهن : اخخخ يجمرة صعبه لان الحب الاول صعب وخاصه اذا حبيتي بتعلق
بس الله شاهد ماعندي شيء وياا مجرد رجعني لقبل هيج عيونه وحجيه بس يبقى مجرد ماضي لا يغير شيء ولا يقدم شيء
جمرة: وهنا تاكدت ان الحب مستحيل يتغير وجذب اليحب يكول انسى مجرد لقاء يرجعك لوين وهنا تقويت ولازم ابتعد حتى لو التقي بصكر بس على اقل بعيده بلكي انسه
مثل ما تسواهن تاقلمت وتغيرت لاحسن
بعدها عن ابوي غيرها ثقفها وطورها وتعلمت تحجي وتلبس وثقافه ونزاكه وهلشيء حلوو
وفوكها عمو مصطفى مخليها اميره
بلكي يطلع حمزة مثل عمو مصطفى قنعت نفسي اجه يوم الحنه ورحت صالون خاله تسواهن هي لي تعلم بام الصالون لان يعني مكياجهن الفستان جايبته خاله من بغداد
وصارت الحنه هلاهل وركص وهالسواف وكلها تباوع وبيبي ملكيه وبيبي مرت جدو كطيف هم اجت ورحت لان كالت ماكدر خطيه
طوعه وزينب يركصن ويهوسن وبسمه فرحانه وبنات عمي هم اجن وكلها لتمت واني حلم افكر شلون بأجر بيه
وبيومها تعبت ونمت من وكت لان وراي غبشه وكعدت من الصبح كوه احس راسي يريد ينفجر ويوم ثكيل سبحت الصبح وصليت وقريت قران ودعيت اللله.
يتمم على خير وبجيت من كلبي اخخ يمه فدووة دعيلي يم ربج كون اتوفق بحياتي والله خايفه
مستقبل مجهول خوف كلبي دكاته سريعه رجال غريب ماعرف عنه شيء كلش صعبه 😔💔
ما اتمنها لاحد يارب يسر امري وان شاء الله بدايه خير يالله
مالي غيرك
دموعي على خدي واحس يوم ثكيل مسحت دموعي ونزعت حجاب الصلاة وطلعت من الغرفه كلها كاعده صبحت عليهم وخطيه بيبي كالت تعالي يمي كعدت هم خطيه توصيني وتدعيلي
اني ارجف
ملكيه: ولج يده شمالج تراعشين شجرالج
جمرة: هاا لا مبيه شيء بس خايفه
صكر: صبحكم الله بالخير.
ملكيه: صباحك نور يبعد بيتي
جمرة:. اريد اكوم
ملكيه: وين ولج ضلي كاعده لا توكعين
صكر: جا شبيها
مليكه: مابيها بس خايفه شوفنها مدري شمالها عيارة بنات
جمرة: يبوووي يابيبي نفضحت
صكر: لا تخافين ماكو شيء
جمرة: احس وجهي نار صار شكد خجلت يبووو
أنت تقرأ
جمره (قسمة شيخ ) الجزء 2
General Fictionمكمله لقصه قسمه شيخ الجزء الاول ناشرة بصفحتي الجزء الثاني تحجي عن بنت طوعه الكاتبه نرجس السعيدي
