القروية الجميلة🕊️❤️

05

في طريقها للبيت تلاقات بنجلاء
نجلاء.......بسسسس
ياسمين.........بسم الله منين خرجتي نتي كي الجن تظهري في اي لحظة
نجلاء.......غير لخير شفتك مع هداك
ياسمين........اممم هداك ولد ولد فطوم جاسم
نجلاء......هممم حبت نقولك راني فسخت الخطبة
ياسمين....شوالا نجلاء الخطبة مش لعبة تحبسي كيما تحبي
نجلاء........اوووف مليت و كرهتو
ياسمين..........استغفر الله وقتاه ترجعي لعقلك نتي
نجلاء........باركاي ماتبدديش في التعقاد نتاعك
ياسمين.......صار هكاك انامعقدة
نجلاء............هممم يعني كدبت خلين ندوروها بهداك ولد فطوم يعني صراحة عجبني
ياسمين.......ربي يهديك انا نروح
راحت ياسمين منرفية من طبع نجلاء صح هي صاحبتها لانتيم مي ماتحبسش التخلاط و عينها كل يوم على واحد
دخلت ياسمين نحت لبليغة منرفيا
ياسميين........اووف ضرك من بين كل الاولاد بان ليها غير جاسم هيه وانا واش دخلني
طاح الليل راحت تكسلت على البونك وكي جات تغمض عينيها جاتها صورة جاسم بين عينيها
ياسمين....اوووف وانا علاه راني نخمم فيه
عيات تتقلب باه رقدت
اشرقت الشمس على ابطالنا
كل واحد دار روتينو المعتاد
جاسم بعد لي ناض خرج يدير سبور في القرية
لبس سرفيتمو مفصلة كل على بدنو هبط صبح على فطوم و خرج دار كتمان و بدا يجري
عند نجلاء
كنت نوكل البقر حتى نشوف هداك لي كان الخطرة الفايتة مع ياسمين يتمشى يعني زل بمعنى الكلمة درتو في  اسي رحت قربت منو
نجلاء......سلام
جاسم قلع الكتمان ......غير الخير
نجلاء....همم شفتك الخطرة الفايتة مع ياسمين   انا نجلاء صاحبتها
و مدت يدها
جاسم مامدش ليها يدو
جاسم........متشرفين
و رجع الكتمان لودنيه و قلع يكمل يجري
نجلاء.......هيه يعني ماتحلبش يا سي جاسم مي ماتعرفنيش مزال خخخخخ
عند ياسمين
ملي نضت الصباح و انا نحس راسي ثقيل عليا بزااااااف رحت و كلت الجاج و قضيت صوالح و رجعت لدار مدوخة بزااااااف بسيف باه قدرت نخدم شغل طيبت حاجة خفيفة فطرت بيها و تكسلت على البونك حتى داتني عيني جات العشية وعيت و انا مزالني مدوخة و  نحس وجهي رايح يطرش من السخانة جبت باراسيتامول و كليتها لعلها تخفف ليا الالم درت تيلي و قعدت نتفرج حتى المغرب صليت و تكسلت في الفوتاي صاي عضامي حسيتهم تكسرو ماقدرتش نطيب حتى العشاء
عند جاسم
بعد ما دار سبور راح دوش و هبط
جاسم..........واش افطوم واش درتيلنا الفطور
فاطمة.....اتزوج و جيب لي تطيبلك ديجا درت بركوكس
جاسم.......واش دخل الزواج في الموضوع هههههه
فاطمة........معلاباليش كول كول اوليدي مدامني حية نقلشك
جاسم ...... ربي يطول في عمرك وليدي
فطرت و طلعت للبيت نصلي و رقدت طبعا حتى جات في بالي ياسمين يعني اليوم ما جاتش غمضت عيني و رقدت
طاح الليل باه نضت رحت هبطت خجت شريت عشاء خفيف هنا مكاش مطاعم كلاس ولا بزااف با تشري كاين ياربي 3 ولا هاك شريت ماكلة من برة و حطيت باه نتعشاو
فاطمة.........اااا ياوليدي  ماكلة هنا بنينة
جاسم..........ماحسبتليش انا حقرت بزااااف
فاطمة.......يخااااااه  حسبتلك توع لهيه ماكلة قد الظفر و الدراهم حمراء و مش بنينة
جاسم..........ها والله
فاطمة.......اليوم ياسمين مجاتش طلت عليا يعني علاه تكون بيها حاجة ولا
جاسم.......يا ماني كون بيها شي كون عرفت غير صباح شفت صاحبتها ولا معلاباليش هيه نجلاء ماقتليش انو بيها شئ
فاطمة........نجلاء! و نا منين تعرف نجلاء
جاسم......مانعرفهاش هي كي شافتني عرفتني و قاتلي اناصاحبة ياسمين
فاطمة....اووووف يعني صح صاحبتها بزااف مي مانرتاحش ليها
جاسم........صراحة مام انا مارتحتش ليها مهم فطوم انا نروح نرقد
طلع جاسم مي  جات في بالو ياسمين
جاسم.....يعني صح ما بانتش و كون تكون صراتلها حاجة
هبط خطرة تانية لقى جداتو تقرا في القران خرج ديراكت لقى روحو حد ادار ياسمين
جاسم........زعما تكون رقدت مي الضو راه شاعل
طبطب الباب بعد شحال من الطبطيب جا رايح حتى تحل الباب
ياسمين يصوت مبحاح........هااااا شكاين
جاسم....مالك ابنتي شوفي حالك واش صرالك
ياسمين........شوي راسي يوجعني
جاسم.......ماتتمسخريش بيا شوفي عينيك كيفاه راهم حمر
مسها من جبهتها لقاها تطرش بسخانة
جاسم.....يابنت راكي تغلي ادخني نشوفلك دواء
ياسمين........نننن مانقدرش يشوفونا يقولو هضرة من راسهم وي........
ماكملتش الهضرة حتى طاحت
جاسم....ياسمييييييييييييييين
هزها و سكر الباب وراح دايها لدار فطوم  على رجليه  مزية ولا حد مكش نايض ولا شافهم حل باب بالمفتاح و  دخل شافتو فاطمة هازها
فاطمة.....واش بيها وين لقيتها ارواح حطها فوق الكنابي
حطها
فاطمة بدات تمس في جبهتها لقاتها تغلي
فاطمة....ابنتي واش صرالك
جاسم.........ماني انا نروح نشوف كاش صيدلية  نجيبلها حوايج و كاش طبيب ولا
فاطمة........واشمن طبيب ضوكا حاسب هاديك المدينة اوليدي جيبلي ما بارد و كمادات
جاسم....داكور ماني
راح جاب ليها واش طلبت حطتهم ليها على راسها  و كل دقيقة تديرهم ليها
جاسم..........ماني روحي ترقدي خليني انا نطل ليها ما تخافيش
فاطمة.........ربي يعيشك وليدي
راحت فاطمة ترقد و قعد جاسم يبدلها في الكمادات حتى هبطت لها السخانة و صلت 2 ناضت ياسمين فتحت عينيها لقات روحها في دار فطوم
يتسمين....واش جابني هنا اوووف
حتى تشوف جاسم داخل
جاسم........واش نوضك ارجعي لبلاصتك
ياسمين.....واش جابي لهنا
جاسم.........مرضتي و دختي و انا جبتك ضرك ارجعي لبلاصتك
ياسمين....راني  مليحة  ضوك
جاسم........ماتتمسخريش بيا قتلك اركحي
جبدها جاسم من يدها و حطها على الكنابي و رجعها حط يدو على جبهتها لقاها شوي  هبطت السخانة راح يجيب ليها الدواء حتى..............
.
.
.
.
.
.
يتبع..............