القروية الجميلة🕊️❤️

04

سمحولي على الروطار راكم عارفين العيد و شغل الدار مهم
.
.
.
.
.
طلع الصباح في القرية و كل اهل القرية يخدمو كل واحد فاش لاهي هادا فلاح هادا خضار هادا يبيع البساطة لي عايشين فيها ماكاش ختها و النسمة الجو مع الصباح تهبل فاقت البطلة تاعنا على صوت نبع الحنان
راحت غسلت  و هبطت تتقهوا
جميلة........رانا رايحين لدار جدك ودي روحك
ياسمين.......باركاي ماما تعرفيني مانحبش نروح لتم غير المشاكل و يضلو يجبدولي على الزواج بفففففف
جميلة......واش ا لالة وين رايحة تقعدي
محمد.....وي بنتي ماعندك وين تروحي  و مانقدرش نخليك لهنا و حدك واش رايحين يقولو الناس
ياسمين........اوووف بابا همكم غير هضرة الناس واش رايح يصرالي مثلا نقعد نورمال و خطرة على خطرة نروح عند فطوم واش فيها زيد قع الجيران حدايا ما تخافوش عليا
جميلة...........واللهي لا غاية تقعدي وحدك
محمد.....خلاص ضرك نخبر  سي علال و فؤاد يعسوها
ياسمين.......هكاك بباتي نحبك
جميلة.....حابين تهبلوني انا نروح نخمل القش و روحي نتي وكلي الدجاج راهي ماكلتهم حطيتهالك تم
ياسمين........صاحا ماما ومن التم نروح لفطوم
خرجت راحت لمكانها كي العادة و راحت توكل في الجاج غسلت يديها و راحت ديراكت عند فطوم طبطبت حلتلها فطوم
فاطمة...........احلى من يزورني مرحبابنتي
ياسمين..........قلت خلي نفوت عليك واش كيراكي لغالية
فاطمة.........الحمد الله كيما راكي تشوفي
ياسمين.......هيه وين راهي الخدامة راحت
فاطمة.....عطيتها اجازة تع سمانة عندها عرس
ياسمين.........معناها انا اليوم نتهلى في الحاجة ياخي هكاك
فاطمة........علاش تعبي روحك
ياسمين.......واشمن تعب ربي يهديك و زيد ماما و بابا رايحين ليوم لدار جدي في العاصمة  ماحبيتش نروح
فاطمة.......اخلايا على بنتي و تقعدي وحدك
ياسمين......نورمال
فاطمة.......تعالي تسكني عندي
ياسمين......نوو ماجياش اكي عارفة هضرة الناس و زيد عندك عازب يعني تخرج هضرة عيانة
فاطمة........خليهم يهضرو واش عدنا فيهم تجي ماتناقشينيش
ياسمين........ربي يخليك فطوم ما ضغطيش عليا و الله منيش حابة نزيدك هم
فاطمة..لا اله الا الله واشمن هم
ياسمين......صاي فطوووم
فاطمة........ديجا روحي نوضي هداك الهايش من البارح هو راقد و انا مانقدرش نطلع اكي عارفة و الخدامة مكاش
ياسمن...صاحا صاحا ضرك نروح نعيطلو
طلعت لطابق الفوقاني بقات  زوج شنابر و راحت للشمبرة لي على اليمين حلتها لقاتها  فارغة  راحت للتانية لقاتو خارج من الدوش ولاف سربيتة على روحو وشعرو يقطر
ياسمين.......احم جيت نوضك مي.....
جاسم بعياط .......ماتعرفيش  دقدقي الباب كي ناس
ياسمين.......حسبتلي راقد علابيها
جاسم....اممممممم  اخرجي
هبطت ياسمين شادة قلبها
ياسمين.....اووف واشبيك نتا تاني لا لا ماتغلطش  الله يهديك غير البارح عرفتو اووووووف واش  حاسب روحو يعيط و يعاود ياخي خرا تفووووووو
عند جاسم👨🏻
من البارح و انا راقد يعني ماعرفتش واش ندير الخدمة مكاش نرقد و ناكل و نصلي نفس الروتين نضت اول حاجة درتها دخلت دوشت و خرجت لاف سربيتة حتى تقابلني ياسمين يعني هاد البنادم ماتعرفش طبطب الباب كي العباد مي شغل جاية طفلة مميزة و زيد لون شعرها مخليها تكون مميزة خخخخخخ معلاباليش واش راني نخلط واش يهمني فيها انا رحت للديسيرنغ جبدت سرفيتمو و هبطت قابلتني ماني
فاطمة....علاسلامة نضت اوليدي
جاسم....تعبان ماني الله غالب وينها الخدامة مكانهاش
فاطمة......عندها عرس عطيتها اجازة
جاسم قعد يحوص بعينيه
فاطمة......واش بيك
جاسم...وينها ياسمين
فاطمة...لاه تسقسي
جاسم......ياخي هي جات للشمبرتي و ضوك اختفت كيفاه حابيتيني ما نسقسيش
فاطمة.......راهي تطيب في الفطور
جاسم.....ماني و علاه راكي تعدبي في الطفلة 
فاطمة....هي وحدها حبت ماشي  انا  و زيد ماماها و باباها رايحين لدار جدها و هي ماحبتش تروح معام
جاسم....احم يعني رايحة تقعد وحدها
فاطمة........هيه و قتلها تجي تسكن معانا مي ماحبتش راسها خشين قاتلك ياخي هضرة الناس و ماجياش تقعد  في دار فيها عازب
جاسم........نروح لكاش بلاصة نقعد ماشي مشكل نكري دار ولا
فاطمة.........بوووه على  وليدي ماعندك وين تروح و زيد علاش راك مهتم هممممم
جاسم......يعني نتي الواحد كيف ماهضر معاك ما يسلكش سقسيت برك
بعد قصرة مع جداتو جات ياسمين
ياسمين ولات حمرة كي شافت جاسم تفكرت الصباح
ياسمين......فطوم ني درت الفطور انا نروح اتهلاي
فاطمة....اقعدي تفطري ابنتي
ياسمين.....لالا ماني يكثر خيرك والله لازم نروح
فاطمة......جاسم وليدي وصلها
ياسمين...لا لا خلي نروح وحدي ماشي الليل هادا
جاسم..هيا قدامي
سبقها و راحت وراه
جاسم......احممم سمحيلي على الصباح عيطت عليك ماقصديش
ياسمين.........ماسمعتش مليح نتا تطلب السماح
جاسم........واش حاسبتيني ماعنديش قلب راني انسان  نورمالمون
ياسمين........حسيتك متكبر مانكدبش عليك يعني
جاسم......صار هكاك يعني ربحتيلي  العيب ديراكت
ياسمين..........يعني توما تع المدينة و زيد مرفهين باينة تجو هكاك
جاسم........راكي غالطة انا اكثر انسان متواضع غير ماتعرفينيش مليح  و القرية هادي حبيتها جاية كالم و ناسها طيبين و مكاش مشاكل البروبلام الوحيد راه حاكمني الفيد مكاش وين نروح وانا موالف نسهر
ياسمين....و ضرك راه حاكمك
جاسم.....بزااااف ضرك نوصلك و نروح نرقد ديراكت
ياسمين جبدتو من يديه
جاسم....وين
ياسمين ..........ارواح معايا الواحد البلاصة نوعدك ماتزيدش تقول انو مليت هياااااا
جاسم تبعها مشاو بزاف حتى وصلو لواحد الجبل خضر يهبل طلعو فوقو قعدو في بلاصة تشوف انواع المناظر
جاسم..........واااااااااااو مشاء الله جامي ضنيت انو كاينة بلاصة هكاك شابة
ياسمين.........هادي اجمل بلاصة في القرية مالقري فيها بزاااااف بلايص شابين
جاسم..........نحب الهدوء انا
ياسمين........مام انا وين يحكمني فيد ولا نكون زعفانة نجي هنا
جاسم.......بصحتك انا غير نروح نسهر مين داك   مع صحابي
ياسمين.......وعلاش جيت لهنا يعني ادا ما عندكش مانع تحكي
جاسم......اكي عارفة الحاجة فطوم حبت و انا جيت و اصرت نجيها
ياسمين.....امممممممم هيا  نروحو
ناضو بخطر و هبطو للقرية و كل واحد راح في طريق و هي دخلت للدار