بعد ما جاسم فطر و قعع فطوم.....ولدي روح لي للخضار جيبلي شلاط و قزبر و بطاطا جاسم....داكوغ ماني و باسها من راسها لبس جاسم قشو و خرج رايح للسوق الشعبي تع القرية وهو في طريق ماشي دخل بين شجور حب يستنشق شوي هواء حتى تشوفو نجلاء و جاتو تجري نجلاء.....اوووو واش راك دير هنا جاسم.....واش دخلك 🙂 نجلاء.....واشبيك هكاك غير سقسيتك جاسم.....صاحا تهلاي جاء رح يروح حتى شداتو وهنا في هاد اللحظة جات جايزة ياسمين حتى شافتهم خزرت فيهم بنص نظرة و راحت جاسم دز نجلاء في تراب جاسم......ردي بلاك تزيدي تحطي يدك عليا عند ياسمين بعد ماشافتهم هاك راحت تجري ياسمين.....بلاكي تبكي ديجا وقتاه عرفتيه واش دخلك فيهم اووووف دخلت لبلاصة دجاج حطت لهم الماكلة و خرجت تجري جاسم......ياسمين ياسمين استناي ياسمين زادت السرعة جاسم تبعها حتى وصلت لبيتها وقف حداها جاسم.....واشبيك؟ ياسمين..... واش راح يكون بيا و ابتسمت ابتسامة مزيفة جاسم.... اللي شفتيه.. مخلاتوش يكمل كلامو ياسمين ...وانا واش دخلني؟ ضرك بعدني خليني نجوز مانيش حابة الجيران يخرجو هضرة من عندهم جاسم.....وانا واش عندي فيهم كيفاه وليت لباس؟ ياسمين....الحمد لله و دخلت و غلقت الباب و راحت ديراكت للشمبرة تاعها و حطت راسها على المخدة و رقدت رقدت جازو سوايع و هي راقدة فاقت 2 تع لقايلة ياسمين...اويلي رقدت قدهكا بزاااف اوووف ناضت دخلت غسلت دخلت للكوزينة دارت شخشوخة و بما انها وحدها ماقدرتش تاكل بزاف ياسمين....اوف انا واش جا موكلني هاذا نروح ندي شوي لماني قلعت شوي و دارتو في طبسي سقمت شعرها و رطبتها شفايفها دوك الغوز يهبلو و قعدت تخزر في المرايا ياسمين....زعما لمن راني نتزين اويلي و قيلا هبلت لبست نعالتها و خرجت رايحة لدار فطوم طبطبت حلت لها فطوم فطوم....هلا ببنتي كيراكي كيفاه وليتي رحتي بلا ماتقوليلي ياسمين....ماني تعرفيني نحبك بصح حبيت نروح للدار و راكي عارفة الهضرة تع الجيران فطوم.....معليش بنتي ادخلي قعدي ياسمين....هادي شخشوخة لي تحبيها فطوم....شقيتي روحك بنتي دخلو للصالون و قعدو يدو و يجيبو في الهضرة ياسمين تفكرت جاسم حتى قالت راكي وحدك؟ فطوم ....لالا ابنتي جاسم راه راقد ماحبش ينوض كي لعادة شوي جا داخل هيثم جاسم....خسارة عليك فطوم فطوم....اويلي جيت ربحت العيب جاسم.....كي العادة الحاجة ماتحطيلناش نفطرو فطوم.....راهي جابت ياسمين واحد الشخشوخة واش نقولك جاسم.....راني تشهيت جات الخدامة قالت لها راني وجدت الطابلة راحو ياكلو فطوم....كولي ابنتي ياسمين....والله كليت راني شبعانة فطوم.....لالا والله ضوقي الباقي ياسمين هزت الفرشيطة.وقعدت تاكل السلاط جاسم يخزرلها بنص عين جاسم.....ماني راني بعد يومين نرجع للمدينة ياسمين حطت الفرشيطة و خزرو فيه قلبها وجعها فطوم.....كرهتني وليدي جاسم.....خسارة عليك عندي خدمة في فرنسا ضروري نطلع فطوم.....معليش اوليدي معايا ياسمين ياسمين.....ربي يخليك ماني فطوم.....انا نروح لعند سامية بنتها ولدت تقولك ماجيتهاش ياسمين ماتروحيش اقعدي اليوم تباتي هنا ياسمين....صاحا ماني ماخبتش تراطي على الاقل تشبع من جاسم خرجت فطوم و خلاتهم مزالهم فوق الطابلة فات الصمت بينهم ياسمين قعدت دايرة يدها على خدها و تلعب بالفرشيطة حتى هضر جاسم جاسم..؟واشبيك ماكشي على بعضك ياسمين....والو جاسم...كيفاه والو و علاش ماكيش حابة تخزري فيا؟ ياسمين........ جاسم....اهضري اخزري واش بيك ياسمن هزت الماعين وراحت للكوزينة تبعها جاسم جاسم....علاش راكي تتجاهليني مانت راح تدور لقاتو حك يدو على بوطاجي وحاصرها جاسم...واشبيك ياسمين هنا تفلقت ماقدرتش تشد روحها عينيها دمعو جاسم شاف دمعتها قلبو وجعو ياسمين....علاش رايح جاسم فوت يدو على دمعتها و مسحها جاسم...هاذا قع حق راني رايح همم ياسمين دزاتو بصح ما قدرتلوش جاسم....نجي مارحش نكول 15 يوم برك ياسمين......هبطت راسها جاسم شد ذقنها و طلعهلها راسها جاسم.....شوفي فيا ارواحي نديك لبلاصة تعجبك واش رايك ياسمين.....وين جاسم....ارواحي داها لشمبرتو و حل واحد الباب
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
