"ကဲ ဆိုပါဦး သခင်လေးပတ်ဂျုံဆောင်းရဲ့"
"ကိုကိုကလည်း"
"ဘာမှ ကိုကိုက မလည်းနဲ့ ကျောင်းပြေးပြီး ကစားကွင်းရောက်သွားတဲ့ကိစ္စကို ခုရှင်း"
"အဲဒါက ဆောင်းဟွန်းခေါ်လို့ ကိုကိုရဲ့"
"မင်းတို့ကွာ မကြီးမငယ်နဲ့ ငယ်ငယ်တုန်းက gameဆိုင်ခိုးသွားတယ် ဟော ခုအထက်တန်းရောက်တော့ ကစားကွင်းခိုးသွားတယ်"
ဟီဆွန်း တကယ်ကို သွေးတက်နေရပြီ
ပြောင်းပြန်တလွဲတွေလုပ်ပြီး ၂ယောက်ပေါင်းလောင်းကျော်နေတဲ့ ထို"ပတ်ညီနောင်"ကို ဟီဆွန်းလည်း ကြာလေ ထိန်းလို့ မနိုင်လေကို ဖြစ်နေပြီ
"ကျွန်တော်လည်း မသွားဘူးလို့ ပြောပါတယ် ကိုကိုရယ် ဆောင်းဟွန်းကိုက သွားချင်နေတာ"
ဆောင်းဟွန်းကို လွှဲချနေတဲ့ ဂျုံဆောင်းကြောင့်
"ကောင်းပြီ ကိုကို ဆောင်းဟွန်းကို ခုဖုန်းဆက်မေးကြည့်လိုက်မယ်နော် ဘာလို့ ကစားကွင်းကို ဇွတ်သွားချင်နေတာလဲ သွားတာကိုလည်း တစ်ယောက်တည်းမသွားဘူး ကိုကို့ညီ အလိမ္မာတုံးလေးကိုပါ ဘာလို့ ဆွဲခေါ်သွားတာလဲလို့"
ဟီဆွန်းက ထိုသို့ပြောတော့ ဟီဆွန်းရှေ့က ဂျုံဆောင်းက နှဖူးက ချွေးကို မသိမသာ ခိုးသုတ်သည်
"ဟီး ကိုကို အဲဒါကလေ"
"အင်း ဆိုပါဦး"
"ကျွန်တော့်သဘောလည်းနည်းနည်းပါပါတယ်"
"နည်းနည်းပဲပေါ့"
"ကိုကိုရယ် ကျွန်တော်ငယ်ငယ်တုန်းက ကိုကိုမှ ကျွန်တော့်ကို ပို့ဖို့ အချိန်မအားတာ"
"ငယ်ငယ်တုန်းက ကိုကိုမအားတာနဲ့ ကြီးလာတော့သူငယ်ချင်းကိုခေါ်ပြီး လစ်လိုက်တယ်ပေါ့"
"အဲလိုဖြစ်သွားတယ် ကိုကိုရယ်"
ခပ်ချွဲချွဲအပြောနဲ့တူတူ ဟီဆွန်းရှေ့မှာ ချွေးပျံတာ မပျောက်သေးတဲ့ဂျုံဆောင်းကို ဟီဆွန်းမျက်ခုံးပင့်ကြည့်မိသည်
YOU ARE READING
𝚂𝚊𝚏𝚎 𝚉𝚘𝚗𝚎
Fanfictionကိုကိုက မင်းအတွက် "Safe Zone"လေး ဖြစ်ပေးမယ် 𝐄𝐭𝐡𝐚𝐧 𝐱 𝐉𝐚𝐲 𝐌𝐞𝐝𝐢𝐚_𝐜𝐫𝐝
