قيود الحب

قيود الحب بارت 14

الصباح

دلهام: كعدت ساعه 5 الفجر تصلو عليه من المركز كالو لازم تروح لديالى تبقى 6 ايام
نزلت جوه اشوف تاليها ويٰ‏ عمي شنو

دلهام: صباح الخير

محد رد عليه بَسہ امي

ام دلهام: صباح النور

دلهام: يابه اجاني اتصال من المركز يوردوني ساعه 1:00 باليل اطلع لديالى ابقى 6 ايام

ابو سجاد: اي كعد الكل منا للعصر نكمل ڪُݪشي وتوكل

دلهام: بس عمي مو هل شكل لازم اعزم جماعتي ويجون. الشيوخ مايصير هيج سكته والبنيه من حقهى تتزين

ابو سجاد: ماكو داعي اعقد عليها وروح ومن تجي عود تاخذها واحنا نرجع للبصره هسه عمتك و امك ياخذنها للصالون وسوو ڪُݪشي بيناتكم ماكو داعي عزيمه

ابو دلهام: هـَآي ۿيهَ ابو سجاد صار
دلهام اذا ماعندك شي امشي عدنه طلابه بالمضيف

دلهام: منو مسوي طلابه ؟

ابو دلهام: ابن ابو فيصل متعارك بالمعارض وصايرين بوكسات واهل الولد هادين علا بيت ابو فيصل لان مكسر الولد ويردون فصل وطلبو المكده بمضيفنه

دلهام: بويهہَ هاي سۉالفہ هاشم ماكو غيره هـَآي السوالف والطلابات هوه يجيبهن فيصل و ابو فيصل دره وما يوم سمعنه عنهم شي قبل شهر لكيته بالسوك هوه وبنيه ايد بايد ويتعارك وي ابو المحل بايك منه ذهب اني حليت السالفه ودفعت فلوس الذهب ودزيت البنيه الاهلها وخذيته طيح حضه كدامي بس هوه ذيل الجلب اجل السامع حطو ببطل وما نعدل

ابو سجاد: هوه بس هذول الثنين عنده مو سمعت ثلاثه

ابو دلهام: اي خويه ثلاثه ولده فيصل ونمر وهاشم نمر استشهد الله يرحمه وعاف مرته وجهاله ابنه الجبير عمره 20 وهاذ هاشم عمره 25 الزغير ويوميه جايب طلابه الابو مايكف الله يساعد اهله عليه لو ابني افصمه فصم

دلهام: بويهہَ وداعتك هاذ ما شاف خوف من اهله لو مخوفينه ما صار سرسري هيج ودايح ويشرب اشكال الوان ويبات بالملاهي

ابو سجاد: استغفر الله الله يبعدنا عد هيج نماذج دخل سجاد

سجاد: صباح الخير

الكل: صباح النور

سجاد: شٰصايَݛ منو متعارك

ابو دلهام: تروح ويانه انت و اسر وتعرف

سجاد: وين أُرِو‏ཌ مالي خلك اطلع

ابو دلهام: جنب شنو مره 24 ساعه كاعد بالبيت حسو بالمسؤليه شويه اريد اطلعكم اكعدكم وي الزلم الكبار والشيوخ بلكي تعقلون شويۿ تفهمون

دلهام: اي امشو ويانه صيرو زلم

سجاد: شنو قصدك اني مو زلمه

دلهام: الحليم تكفيه اشاره طبعا سجاد اكرهه من قبل لان خله سلار تجرجر بالمحاكم من ذاك اليوم اني كوه حامله