[Completed] ပထမဆုံးဒိတ် (ဘာသာပြန်)

ပထမဆုံးဒိတ် (Uni)

"နောက်ဆုံးတော့ မင်းနိုးလာပြီပေါ့"

"မရဘူး! ငါ့ကို လွှတ်ပေးစမ်း! ငါ့ကို ထိခိုက်အနာတရဖြစ်အောင် မလုပ်နဲ့နော်! ငါက အန္တရာယ်မပေးပါဘူး! ငါ့ကိုသာ အလွှတ်ပေးသရွေ့ ရဲ လုံး၀ ခေါ်မှာမဟုတ်ဘူး! မင်းဘယ်လောက် လိုချင်..."

"ပါးစပ်ပိတ်ထား"

"ငါကြောက်တယ်လို့! တကယ်ကြီး ကြောက်ပါတယ်ဆိုနေ! အခု ငါဘာလို့ မူးဝေနေရတာလဲ? မင်း လုပ်ခဲ့တာမလား? ငါ Gymရုံမှာတုန်းက ရေတစ်ဘူးသောက်လိုက်တာ မှတ်မိသေးတယ်... အိုး မြတ်စွာဘုရားသခင်? မင်းငါ့ကို လက်ထိပ်ခတ်ထားတာလား? မင်း ဘာလုပ်ချင်တာလဲ? သရုပ်ဆောင်တမ်းဆော့ချင်နေတာလား? လာစမ်းပါ... မင်းရဲ့ရည်ရွယ်ချက်က ဘာဖြစ်ဖြစ်၊ သေချာစေ့စပ်ညှိနှိုင်းပြီး ပူးပေါင်းဆောင်ရွက်နိုင်ကြလိမ့်မယ်လို့ ငါ ယုံကြည်တယ်! တကယ်ပြောတာ! ဘယ်လိုဆက်ဆံရေးမဆို ကောင်းကောင်းမွန်မွန်စတင်ကြရမယ်လေ၊ ငါတို့ အေးဆေး ဒီအကြောင်း ပြောကြတာပေါ့..."

"မင်းက ဘာအကြောင်းပြောချင်လို့လဲ?"

"ဂရမ်မီဆုရှင်တွေဆိုတာ သေချာပေါက်ကို အကောင်းဆုံးဂီတဆုရှင်တွေအဖြစ် အသိအမှတ်ပြုခံကြရမှာလား? သူတို့နောက်ကွယ်မှာကျ အနုပညာရှင်တွေ ဆေးသုံးကြတဲ့အပေါ် မင်း ဘယ်လိုမြင်လဲ? အဲဒါထက် ကောလိပ်တွေနဲ့ တက္ကသိုလ်တွေမှာ ရှိတဲ့ တိုင်းရင်းသားလူနည်းစုတွေ‌အပေါ် ညီတူညီမျှမရှိကြတာ မတရားဘူးလေ၊ ဟုတ်တယ်မလား? သိပ်မကြာသေးခင်တုန်းကပဲ ရဲတပ်ဖွဲ့က တိုင်းရင်းသားဆယ်ကျော်သက်လူငယ်‌လေးတွေကို ပစ်ခတ်မှုအကြောင်း မင်းကြားမိလား? မင်းရော ဘယ်ဘက်ခြမ်းကို ပါတာလဲဟင်?"

".....ပါးစပ်ပိတ်ထားစမ်း!"

"မပိတ်ဘူး! မပိတ်ဘူး! မင်းက ပြန်ပေးဆွဲတဲ့သူလေ၊ မင်းသာ ငါ့ကို ဆူဆူညံညံမလုပ်စေချင်ရင် ငါ့ပါးစပ်ကို ကာထားသင့်တာပေါ့၊ မင်းက ဘာမှ မလုပ်ထားဘူးဆိုတော့ ငါနဲ့ စကားစမြည်ပြောချင်လို့လေ၊ ဟုတ်တယ်မလား? ဒါနဲ့ စကားမစပ် မင်းက ဘယ်သူလဲဟင်? ဂြိုလ်သားတွေ ငါ့ကို ပြန်ပေးဆွဲတဲ့ ဖြစ်နိုင်ချေကိုတော့ ငါ ထည့်မတွက်ပါဘူး..."