فصليتي بغداديه

البارت الثاني عشر

شام _ طبعا بعد ما سهرنة البارحه اني والبنات واكلنه وضحكنه وكل وحده راحت لغرفته واني هم صعدت لغرفتي وسند رزلني لان شافني حضنت اخويه يمان بعدها ردت انام بالكاع ومخلاني كال تنامين يمي خلاني بحضنه من انام بحضنه احس نفسي بعالم ثاني ومااعرف شنو يصير بيه المهم غفيت بحضنه
وكعدت الصبح جانت الساعة ب٩ ونص ردت اكوم وسند شابكني حيل وخرته عني وكمت من مكاني ورحت للحمام غسلت وجهي وفرشت اسناني وطلعت لكيت سند كاعد هستوة

شام: صباح الخير

سند: صباح النور شعندج كاعده هسه ترة بعد وكت

شام: بعد فزيت ومكدرت ارجع اغفه هسه انزل والكه الجده كاعده حته اسويلها ريوك خطيه

سند بأبتسامه: عله راحتج بويه

رحت للكنتور داطلع ملابس سند وطخيت ايدي الي البارحه صار عليها البخار ..

شام: اخخخ ايدي
اجه سند ركض عليه .

سند: هاي شبيها ايدج

شام بخوف: البارحه واني داسوي بالمعكرونية ورفعت القبق وصار البخار عله ايدي

سند بعصبيه: لا اله الا الله شلون بيج اني كم مرة حذرتج وكتلج ديري بالج عله نفسج لا تأذين نفسج يا بويه

شام ببجي: اسفه لانو مكتلك والله

سند: تأذيج ؟

شام: اي شويه

راح جاب مرهم ولفاف واخذني كعدت ع جربايه ودهن ايدي بس الوجع يموت ونوب كمل ولفاها بالفاف

سند: خليه هيج وماريدج تأذيه ولا تأذين نفسج مرة ثانيه زين وهسه يله امشي ننزل حته تاكلين وتاخذين العلاج يله

شام: ماشي

بدل ملابسه واني هم بدلت لبست سويتر يوصل للركبة وجوا ستريج بس مو من هذا الخفيف ولا ضيك لا لبسته زين لان سند ميقبل البس هيج
وشمرت شالي ونزلنه

شام: صباح الخير جده

الجده: هلا يمه صبحج الله بالنور بعد شيبي

سند وهو يبوس راس حبوبته: صباح الخير جده شلونج

الجده: هلا يا بعد هلي وطوايفهم بخير انه اذا انت زوين

سند: انه بخير جده

شام: جده تريكتي لو بعدج

الجده: اي بنيتي اكلت وشبعت الحمدالله

شام: هاا بالعافيه عله كلبج جده اني اروح انضف

سند: ديري بالج زين

شام: انشالله

رحت للمطبخ اخذت وصلة المسح واسمع الجده تحجي ويا سند

الجده:يما سند اريدك تدير بالك عله مريتك ولا تأذيه هيه بنيه حبابه ومبينين اهلها ناس اجاويد والبنيه شايله البيت كله فوك راسه