فصليتي بغداديه

البارت الرابع عشر والاخيرر

انفتح الباب دخل سند شعل الضوة وكف ع المراية ونزع الجفية وكعد ع القنفة وضل يبجي من شفته هيج انقهرت عليه كلش واول مرة اشوفة يبجي هيج جان خال ايدة عله وجه ويبجي وخرت الغطة وكمت من الجرباية ورحتله

شام : سند كافي تبجي الله يخليك

سند : شااام راح العزيز رااااح اخخخ ياربيي انكسر ظهري ولك بوووية

متحملت اشوفة هيج وضليت ابجي ويا شبكني حيييل

سند : لا تعوفيني خليج وياي لا تركيني ابد لان اني

شام : انت شنو سند

سند : ماكو شي بس حضريلي ملابس اريد افوت للحمام اسبح

وخر من يمي وكام عسريع دخل للحمام اني ضليت صافنة شراد يكلي بس تراجع بهذيج اللحظة رحت حضرتلة ملابسه ورجعت كعدت ع الجرباية

شام : بالعافية

سند : الله يعافيج بوية

شام : جوعان؟

سند : لا كلشي مااريد بس اريد انام لان احس جسمي مكسر

شام : عله راحتك

درت وجهي عله الجهة الثانية ونمت.....
_____________________

كعدت الصبح الساعه ب ١١ ونص هااي شنوو ليش هيج نايمة عزة شكد عيب ونوب عدنه عالم جوة كمت عسريع وفجاءة دخت وكعت بالكاع ضليت شوية كاعدة ونوب كمت  دخلت للحمام سبحت كلت بلكت اتنشط شوية سبحت ونفس الشي راسي كلش يوجعني بيه مابية بدلت ملابسي ولبست شالي ونزلت

لكيت البنات كاعدات ومسويات ريوك للعالم دخلت للمطبخ وكلهن يباوعن علية كون مال فكس لعيونهن عفتهن ورحت يم البنات واني بعدني دايخه كلش

ريهام :شبيج خية شو مو عله بعضج

شام : لا مابية شي بس راسي يوجعني

ريهام : امشي اكلي شي حته تشربين حبوب يله

راحت ريهام سوتلي لفه وكلاص جاي اكلتهن ومعدتي كامت تكلب رحت ذبيت من راسي ما حسيت بنفسي اله واني بالمستشفى
كال الدكتور المرض منتشر بجسمي كله ف سند مقبل كبل كال اوديج خارج العراق تتعالجين وطبعا اهلي كلهم درو بالموضوع وحته اهل سند المهم اخذني لتركيا
اني ٣ سنين اتعالج هناك وطبعا خلال هاي الثلاث سنين بديت احس بمشاعر تجاه سند وهو هماتين ومن كملنة العلاج والحمدالله تعافيت من المرض
وقررنا نرجع للعراق ونكمل حياتنه هناك

من رجعنه للعراق طبعا الجده توفت الله يرحمها وكسرتلي ظهري وعمتي بعدها مو زينه وياي ساعه زينه وساعه لا بس اني احبها والله

ويمان ونيرمين حبو بعض وصار عدهم ولد اسمه ليث

وزينه وهشام تزوجو وهمه حاليا بشهر العسل

وخواتي تزوجن كلهن وصار عدهن اطفال

واني ضليت احب سند وهو هم يحبني وصار عندي ثنين اطفال منه عندي ولد اسمه علي والبنية اسمها زينب

وبس عشنه حياة سعيدة وكل واحد عايش حياته وهاي قصتنه انتهت وياكم اليوم .....