فصليتي بغداديه

البارت الثالث عشر

عظم الله اجورنا واجوركم بحلول شهر محرم الحرام شهر مصاب ابا عبدالله الحسين...
_____________________

نزلنة اني ونيرمين ونسمع صوت صياح رحنه نركض عسريع اني كوه امشي حسيت بنفسي ثكلت اشوف الجده تبجي وام سند تبجي لا ياربي بس لا الي ابالي رحت ركضت عله زينه ونسرين والبنات

شام بصياح : ولجننن شكوو شصاير احجنن

نسرين : .....

احجي وياهن وهنه فاقدات بس يبجن رحت عله الجده وعمتي

شام ببجي : جدده الله يخليج بس كليلي شكو شبيكم عمه كليلي عمههه

الجده : يمههههههه يمه وليدي ولج يمه راااح مني

ام سند : ولكك ابو هشام ليش هيج تسوي بينه ليششش

ضليت مصدومه شنوو عمو مات لا مستحيل ماات لا لااا

شام : لا لا تكوليها عمه جده شتحجي عمتي صدك هذا الحجي هاا ولكم كلوليييي شبيكمم ساكتين

نسرين بصريخ : ولججج شاام ابوي مات ماااات يمههه اخخ يمه

انهد حيلي كعدت بالكاع ضليت ابجي كللش انقهرت صح هو مجان زين وياي بس الرجال سمعته حلوة وكلها تحمد بيه وبولده اووف يالله .. ورة اشوي واجن خواته واخوانه والبيت انكلب صريخ وعياط ونيرمين تخربطت وحرنه شنسوي رحت اركض صعدت فوك جبت شالي وعباتي لبستهن وطلعت للشارع اصرخ وادك والطم

شام : ولكم الحكوليي الله يخليكم الحكولي ماكوو واحد ساعدونيي

واني جاي اصيح والطم اجن ٣ سيارات ونزلوا سند وهشام وجمال ولد عمامهم وبالسيارة الثانية نزلوا ابوي ويمان ويوسف اجه ركض عليه سند ومبين عليه جان يبجي ولاف الجفيه عله راسه هو وهشام وكلهم تعبانين المهم اجه عليه

سند : دخيللل الله انتي شعدج برة دخلي يا حرمة

ضليت الطم عله وجهي وكتله

شام : سندد نيرمين تخربطت وكعت علينه عفيه خل ناخذها للمستشفى

سند : امشي دخليي جوة هسة جاي وراج انه

دخلت اركض اباوع لكيت الجده  هم متخربطة انهد حيلي ضليت اكمز رحت جبت مي وخليته عله وجه وكلشي ماكو

شام : سند سنددد الحكليييي

دخل سند شاف نيرمين والجدة ثنينهن متخربطات كام ميعرف شيسوي راح طب للمطبخ ورجع طلع وطب للغرف ومدري شيسوي رحت عليه لزمته من وجه وكتله

شام : سند سندد بس باوعلي خلي ناخذهن للمستشفى يله الله يخليك

حجيت ويا وهو بعده حاير نوب راح عله الجدة شالها وخله بالسيارة ورجع عله نيرمين واخذها ردت اروح ويا ما قبل كال ابقي يم امي بقيت يمها واني كاعده بس احوس شوكت يجون وهذن بنات خوال سند ونسوانهم اكلني اكل بنضراتهن استغفرالله مالي علاقه بيهن