الإختبار الجزء التانى

تنبيه هام

تنبيه هاااام  لكل متابعى الإختبار
***************************
السلام عليكم ورحمة الله وبركاته .. عاملين إيه يا حبايبى يارب تكونو كلكم بخيررر  
فى حاجه لازم الكل يعرفها ويكون على علم بيها بما إنك ماتبع رواية الإختبار .. أنا فى يوم من الأيام سألت سؤال حد قرء روايه دينيه وإيه محتواها .. كتير رد عليا وكانت أغلب الإجابه اللحيه والنقاب والغيره وهكذا ودا مش إلا أنا أعرفه فى دينى .. يعنى إيه روايه دينيه بتقتصر على المظهر فقط ؟
فين الباطن ؟
فين المضمون ؟
مع إحترامى الشديد طبعا وأنا لا أعمم زى ما فى واحده بنقاب محترمه فى واحده بنقاب مش محترمه ولاتعرف عن الدين أى شئ .. زى مافى واحده محجبه محترمه فى واحده محجبه غير محترمه ولاتعلم عن الدين أى شئ
زى مافى واحده متبرجه محترمه فى متبرجه غير محترمه ولا تعلم عن الدين أى شئ .. وهكذا بخصوص اللحيه مش كل من كان بلحيه رجل دين أو بذبيه صلاه  يبقى بيتقى ربنا سبحانه وتعالى .. دلوقتى بنشوف كم فتن ربنا عالم وحده أد إيه بقينا مرعوبين من المجتمع وإلا بيحصل له ولولادنا كلنا  .. فا المظهر مش كفايه أبدااا .. فى جوهر وبناء فكر وبناء عقيده ثابته مابتتأثرش بأى عوامل خارجيه مهما حصل .. إلا بيقع فيهم بيقوم بسرعه عشان عارف إنك كدا كدا بنى أدام هاتقع وتقوم وتغلط وتصلح إحنا إتخلقنا على كدا إمال ربنا عمل حساب وجنه ونار ليه لو البنى أدم نضيف ميه فى الميه هايعيش ويموت ويتحاسب ليه مايقعد فى الجنه وخلاص خلصت .. 
يعنى كل البشريه بتغلط الكمال لله ورسوله 
من يوم ما وعيت على الدنيااا وانا لما بسمع كلمه دين بيبقى جمبها شيخ الأزهر الفلانى وهكذا ..الأزهر منارة العلم فى العالم كله ماتسمعوش عن إلا يقولك الأزهر عقيده فاسده وعليك بالسمع والطاعه  أكتر من حد دخل قالى الكلمتين دول عشان فتاوى عيد الميلاااد إلا كتبتها عن لسان الدكتور محمد المسير الله يرحمه برغم إن أكدت على الضوابط الشرعيه يعنى مش بقول روحو أسهرو مع شباب وهاتو الخمر والميسر وقضو الليله فى أحضان بعض بعد الإحتفال .. أبدا أبدا والله .. سمعت أراء حرمته وأراء قالت لاقيمة له هاتعملوه ليه يعنى حاجه عاديه وأراء أجازته من باب إدخال السرور زى محمد  المسير مع الضوابط الشرعيه طبعااا كل واحد عارف الصح من الغلط وقادر يبعد عن الغلط وقادر يقع فيه يعنى الأراء مختلفه .. خلاص الروايه كلها ضاعت وبقيت أنا بنشر الفساد والتضليل والبدع  ..  عشان أخدت فتوى من دكتور وعالم أزهرى عقيدته فاسده  على خد قولهم !
طيب إلا عايز يتابع الروايه يكون عارف ومتأكد  إنى معترفه وبأكد إن الازهر منارة العلم والدين ومش معنى إنى ها أختلف مثلا على حد فيهم يبقى ها أشوه الأزهر كله إلا عايز يتابع على كدا أهلا وسهلا وإلا مش عايز براحته مش ها أجبر حد أبدا  وعلى فكره بسمع كل الأراء وبحكم عقلى وقلبى جدا وبدور كتير
ثانيااا فى مسئلة عليا السمع والطاعه
ربنا سبحانه وتعالى فى القرأن الكريم   ذكر كلمه ( يتفكرون ) ١٨ مره 
ربنا سبحانه وتعالى ميزنا بالعقل عن باقى المخلوقات .. إبليس ها يتحاسب عشان عقله طاوعه وعصى ربنا وإتحداه وقاعد يخطط ويدبر  ..
الجن كذالك ..  : { وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ }
يعنى الجن مطالب زى البنى بالظبط وله حساب زيك وبيحكم عقله والدليل قوله تعالى   : قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا)
أي: { قُلْ } يا أيها الرسول للناس { أُوحِيَ إِلَيَّ أَنَّهُ اسْتَمَعَ نَفَرٌ مِنَ الْجِنِّ } صرفهم الله [إلى رسوله] لسماع آياته لتقوم عليهم الحجة [وتتم عليهم النعمة] ويكونوا نذرا لقومهم. وأمر الله رسوله أن يقص نبأهم على الناس، وذلك أنهم لما حضروه، قالوا: أنصتوا، فلما أنصتوا فهموا معانيه، ووصلت حقائقه إلى قلوبهم، { فَقَالُوا إِنَّا سَمِعْنَا قُرْآنًا عَجَبًا } أي: من العجائب الغالية، والمطالب العالية
..
فهمو وعقلو وأمنو لم يقل الرسول لهم عليكم السمع والطاعه حدثهم بكلام الله الذى يخاطب العقل أولا ويتماشى مع المنطق ويمس القلوب سيطر على الحواس عشان كدا أمن لما فهم وحس  .. لم يكن الرسول فظ او غليظ حاشا لله بل كان رحيم  حتى فى توصيل الدين للناس .. عارف إن الفظاظه والغلظه هاتنفر الناس من الدين ومنه فا صعب تتكلم عن الدين وأنت مجرد بغبغان بتردد او بتتبع دا ودا وخلاص .. صعب تخاطب  إنسان نفسه ضعيفه فا تقفل الطرق فى وشه بالضبه والمفتاااح وتحرم كل شئ وكأن الدنيا عقاب بنأدى فيه عقوبه هايجرى منك وهاتنفره من دين الله عشان الرساله توصل صح لازم أنت نفسك تكون شخص رحيم ولين وعارف أمتى توصل دا وأمتى تستنى شويه  ..
من الأراء إلا عجبتنى ودخلت قلبى رأى الشيخ الشعراوى الله يرحمه فى مسئله السمع والطاعه .. وبإذن الله ها أكتبه فى الجزء التالت ..
ورأى عن الأغانى ..
وسبب أنتشار العلمانيه والتضاد الكبير فى كلامهم والكذب والتضليل فعلا بردو ها أكتبه عشان تعرفو ازاى يبقى عندك حكمه فى توصيل المعلومه  وتأدى مهمتك بأمر الله بنجاح .. طبعا كل واحد حر بطريقة تفكيره  وربنا سبحانه وتعالى وحده إلا بيحاسب
أنا طولت عليكم جدا ودا توضيح كامل شامل لأغلب فكرى وإزاى بنقل عن لسان الشيوخ والدكاتره والأفاضل
اللهم أرنى الحق حقا وأرزقنى إتباعه وأرنى الباطل باطلا وأرزقنى إجتنابه  والله والله والله إنها خالصه لوجه الله ويعلم الله أنى لا أضل أحدا ولا أريد الضلال لأحد