الرجوع

الفصل التاسع

سارة بإندهاش:ماما وبابا انتوا ايه الي جابكوا دلوقتي
دخل الام والاب ثم جلسوا وجلست سارة وبدأوا الحديث
الام:الصراحة يا بنتي خوفت عليكي خوفت اسيبك لوحدك فقولت لابوكي قالي خلاص هاجي معاكي
سارة و هي تبتسم:في ايه يا ماما انا كنت مسافرة لوحدي
الام:ماشي يبنتي علي الاقل كنتي عايشة مع أصحابك مش قاعدة لوحدك
سارة:ماشي طب وخالد
الاب:متخافيش انا لما قولت لامك اني هاجي معاها قالتلي زيك كدة بس عمر قالنا روحوا انتوا وانا هقعد معاها ولد جدع
سارة و هي تبتسم:ماشي طب انا هدخل انام بقي عشان تعبانة
الام:استني يا حبيبتي هروق الاوضة
سارة:لاء يا متتعبيش نفسك انا روقتها
الام:ليه بس كدة يا بنتي
سارة:كان لازم أعملها عشان انام
الام:ماشي يا حبيبتي تسلم ايدك
سارة:طب يا جماعة انا هنام تصبحوا علي خير
الام والاب في صوت واحد:وانتي من اهله
كان عمر يجلس بجوار خالد في غرفته في المستشفي و كان خالد نائم شعر عمر بالتعب وذهب الي الأريكة لنوم ولكن جاءه اتصال من شقيقته هدي
هدي:ايه يا عمر انت مرجعتش ليه لحد دلوقتي.
عمر:مفيش هقعد مع خالد لحد ما يمشي اصبح وهروح معاه عشان اوصله وهرجع
هدي:ماشي يا حبيبي
صمتت هدي فإبتسم عمر وقال:متخفيش هو كويس وهيرجع بكرة وكمان عنده اخت اسمها سارة هتحبيها جدا 
هدي:بجد عايزة اشوفها
عمر:ماشي هنروحلهم بكرة بليل
هدي:ماشي.
بدأ عمر يرتب الأريكة للنوم عليها واستيقظ خالد لطلب الماء فأعطاه عمر الماء وقبل ان يذهب خالد الي نومه قال
خالد:تعبتك معايا
عمر:تعبتني ايه يا عبيط انت نام يلا
ابتسم خالد ورجع لنومه ثم نام عمر وفي الصباح استيقظ خالد و وجد عمر مستيقظ يحضر له ملابسه ويجمع اشياءه ابتسم خالد
خالد:صباخ الخير
عمر وهو يبتسم: صباح النور انا لمتلك حاجاتك وجهزتلك الطقم الي هتلبسه يلا قوم اغسل وشك.
خالد وهو يبتسم:حاضر يا اخويا .
دخل خالد وكان عمر يجلس في انتظاره وبعد ان انتهي من جمع اشياءه ثم دخل والدا خالد وسارة
الام:ازيك يا حبيبي
عمر:ازي حضرتك يا طنط
الام:اومال فين خالد
عمر:دخل الحمام
الام:ماشي يا حبيبي
الاب:والله يا عمر احنا مش عارفين نقول ايه كتر خيرك يا بني
عمر:متقولش حاجة يا عمي خالد اخويا
الام:يلا يا سارة لمي حاجات اخوكي
عمر:لاء يا طنط انا لمتها
الام:منحرمش منك يا حبيبي
ابتسم عمرو قال:دا واجبي يا طنط
نظر عمر لسارة وقال:ازيك يا سارة
سارة: ازيك يا عمر
خرج خالد من الحمام وقد ارتدي ملابسه ثم سلم علي والديه واخته سارة
خالد:ها يا جماعة يلا نمشي بقى.
الام: يلا يا حبيبي
خرجوا من المستشفي وكان عمر ينظر لسارة طوال الطريق حتي جاءه اتصال من هدي
هدي:ها روحتوا
عمر:اه احنا في الطريق اهو هوصله وهاجي
هدي:ماشي يا حبيبي توصل بالسلامة
عمر:ماشي يا حبيبتي
خالد:هي دي هدي
عمر:اه عايزة تاجي عشان تتعرف علي سارة
خالد بلهفة :خليها تاجي
عمر:هروحك و هناجي بليل
عشان تكونوا ارتحتوا واكون انا كمان نمت
خالد:ماشي يا عم تنوروا هنستناكم
ظل عمر ينظر لسارة حتي وصلوا الي المنزل سلم عمر علي عليهم ثم استأذن بالإنصراف و وعدهم بلقاءهم  ليلا
سارة:ممكن تبقي تجيب هدي
عمر:اكيد طبعا.
انصرف عمر ودخلوا هم المنزل دخلت سارة غرفتها لتغير ملابسها ثم جلست علي السرير وتذكرت عمر ونظراته لها طوال الطريق والتي تدل علي اعجابه بها وهي أيضاً معجبه به ولكن هناك شئ يشغل عقلها.