الرجوع

الفصل الحادي عشر

نظر عمر وسارة لخالد بإندهاش وكذلك هدى فلم بتوقع احد منهم ان ذلك هو سؤال خالد لهدى
عمر بعصبية:ايه الي انت بتقوله دا يا خالد طب يا اخي كنت عارفني اعملي احترام حتي.
خالد:عمر والله انا مكنتش قصدي
عمر:خلاص يا خالد
قام عمر وامسك بيد هدي ليذهبوا و حاول خالد تهدأته و لكنه كان لا يريد التحدث و ذهب عمر وهدي واثناء رجوعهم الي المنزل بدأت هدى الحديث مع عمر فهي تعرف انه يشعر بالغضب وتريد ان تهدأه
هدى:عمر ممكن تهدا ونتكلم
عمر:نتكلم نقول ايه يا هدي هو حتي مقاليش
هدى:هو دا الي مضايقك
عمر:ايوة طبعا المفروض يعملي احترام ويقولي
هدى:يعني لو جه اتقدملي هترفضه
عمر:لاء طبعا دا قرارك
هدى:عمر خالد مكنش قصده هو عمل كدة في وجودك يعني برده احترامك
عمر بعصبية:هو انتي كنتي عايزه بتقدملك من غير ما يقولي وكمان وانا مش موجود
هدى:لاء مش قصدي
قاطعها عمر قائلا:هدي انا عارف انك بتحبيه وانا مش هقف في طريق سعادتك
نظرت هدى لعمر و ابتسمت وابتسم لها ثم امسك بيدها واكملوا طريقهم للمنزل
سارة:ايه الي انت عملته دا بتقدملها في بيتك وقدام اخوها
خالد :والله يا سارة مكنتش قصدي
سارة:يعني ايه يا خالد مكنتش قصدك انت عرض عليها الجواز
خالد:مش عارف هتصدقيني ولا لاء بس اول ما عيني جت في عنيها محستش بنفسي غير وانا بقول كدة
سارة وهي تبتسم:الله الله يا عم الرومانسي بص كلم عمر وهو اصلا طيب وجدع وهو اكيد هيصلحك
خالد:وانتي عرفتي منين انه طيب وجدع وبعدين مالك بتقوليها وانتي مبتسمة كدة
سارة:من كلام ماما عليه والي كان بيعملوا معاك.
خالد:ماشي هعديها
سارة:تعدي إيه
خالد:ابتسامتك الي ظهرت وانتي بتحكي عنه دي
سارة:بص انا هقولك حاجة بس انت مش هتزغل
خالد:قولي في ايه
سارة:الصراحة يا خالد أنا.. أنا .
خالد:انتي إيه
ثم ابتعدت سارة عن خالد وقالت :انا معجبة بعمر
ابتسم قائلا:تعالي يا هبلة مش هضربك انا عارف
اقتربت سارة وجلست بجانبه قائلة بإندهاش:عارف منين
خالد:علي اساس اني اهبل مش واخد بالي من طريقة كلامك عنه
سارة:يعني مش متضايق
خالد وهو يبتسم:هضايق ليه يا هبلة
اقتربت سارة من خالد وضمته قائلة:بجد ربنا يخليك ليا ي ريتك عملت الحادثة من زمان عشان تتغير كدة
خالد وهو يبتسم:طب كملي الحلو للآخر يا رب هدعي علي اختي
سارة وهي تبتسم:طب روح كلم عمر يلا صالحه وانا هروح اشوف بابا
خالد:ماشي يا ست روحي
امسك خالد بهاتفه كي يهاتف عمر ويعتذر له وهو يعرف ان عمر لن يرفض اعتذاره فهو أعز أصدقاءه
خالد:ايه يا صاحبي لسه زعلان
عمر:انا بس كنت عايزك تعرفي
خالد:انا اسف يا عمر انا عارف اني غلط بس اكيد انت هتسامحني دا انت اخويا ويا عم انا بقولك اهو اني جاي اتقدم لهدي يوم التلات
عمر:تنور يا صاحبي
خالد :يعني مش زعلان خلاص
عمر:خلاص يا صاحبيمش زعلان مع السلامة
خالد:مع السلامة
بعد انتهاء المكالمة نادى عمر هدي وقال لها هذا الخبر فإبتسمت ونظرت في الارض ثم ضمها عمر وقال
عمر:مبروك يا ست البنات
هدى:الله يبارك فيك هروح اقول لباب و ماما وانت تعالى معايا
عمر:ماشي تعالى
جاء يوم الثلاثاء وجاء خالد وسارة و والديهما لمنزل هدي ليطلبوها للزواج رحب اهل هدي بهم وجلسوا و وافق الاهل بعد سألوا هدي وانا كانت موافقة او لا وقاموا بتحديد موعد الخطبة وكان خالد و هدى في غاية السعادة وكان عمر ينظر لسارة طوال الوقت