Omegaតូចកំពូលស្នេហ៍🍑✨ [Complete ✅]

Ep34 : អារម្មណ៍ច្របូកច្របល់

« ត្រូវហើយប្រពន្ធបងឆ្លាតយ៉ាងនេះ...ចាំបាច់ទៅជួលបុគ្គលិកផ្សេងនាំតែខាតលុយធ្វើអី!! » ជុងគុកនិយាយឡើងព្រមទាំងដួសម្ហូបដាក់ទៅក្នុងចានរបស់ថេយ៉ុងទាំងញញឹមបិទមាត់មិនជិត

« ប្រពន្ធនិងហើយរឹតតែត្រូវចំណាយលុយខុសពីបុគ្គលិកធម្មតាទៀតនោះ...បើមិនអញ្ចឹងអូនមិនធ្វើទេណ៎ា »

« ក៏បានលុយរបស់បងក៏ដូចជាលុយរបស់អូនស្រាប់ហើយ!! » ជុងគុកនិយាយទាំងញាក់ស្មាបន្តិចលុយពិនៗនេះគ្មានបញ្ហាសម្រាប់គេនោះទេ ទោះចង់យកអស់ពីក្នុងខ្លួនគេទៀតក៏បានដែល

« បានហើយញុាំបាយទៅ...ម្ហូបត្រជាក់អស់ហើយ នេះជេយ៉ុងញុាំអានេះទៅអោយឆ្លាតកុំអោយល្ងង់ដូចជាប៉ារបស់ឯងអី » អ្នកស្រីហ្វាសៃក៏រហ័សមកកាត់សម្ដីប្ដីប្រពន្ធពីរនាក់នេះបើនៅបន្តទៀតខ្លាចក្រែងតែម៉ោងដប់យប់មិនទាន់ញុាំរួចទេ

« អេ-អ្នកម៉ាក់និយាយបែបនេះយ៉ាងមិចកើត? កូនប្រុសម៉ាក់ ស្អាត ឆ្លាត ពូកែ ពិននិងហើយម៉ាក់នៅថាល្ងង់ទៀតហេស?? »

« បានហើយឆាប់ញុាំបាយទៅ » លើកនេះជាថេយ៉ុងម្ដងជាអ្នកនិយាយព្រោះថាបើនៅវែកញែកតែបន្តិចទៀតម្ហូបនៅលើតុនេះប្រហែលជាអស់ដោយសារជេយ៉ុងជាមិនខាន នេះមើលទៅកំពុងតែដួសញាត់ៗហើយប្រយ័ត្នអត់ម្ហូបញុាំណា!!

បន្ទាប់ពីអាហារពេលល្ងាចបានបញ្ចប់ទៅអ្នកបម្រើផ្សេងទៀតក៏ទៅធ្វើការតាមងាររបស់ខ្លួន ចំណែកឯជេយ៉ុងនិងអ្នកស្រីហ្វាសៃក៏នាំគ្នាទៅបន្ទប់តែពីរនាក់មើលទៅពេលនេះអ្នកស្រីហ្វាសៃហាក់ដូចជាពេញស្រឡាញ់ជេយ៉ុងខ្លាំងណាស់ហើយសូម្បីតែមុនពេលចូលគេងក៏នៅឆ្លៀតអានរឿងនិទានអោយជេយ៉ុងស្ដាប់ដែល រីឯជុងគុកនិងថេយ៉ុងវិញគេក៏ចូលបន្ទប់របស់ខ្លួនដូចធម្មតាតាមទម្លាប់។

មកដល់ខាងក្នុងបន្ទប់ថេយ៉ុងក៏ទម្លាក់ខ្លួនទៅលើពូកទាំងភ្នែកកំពុងតែបិទពេលនេះគេពិតជាអស់កម្លាំងមែនទែនហើយ ជុងគុកដោយឃើញភាពហត់នឿយរបស់ប្រពន្ធបែបនេះគេក៏ទាញថេយ៉ុងអោយគេងត្រឹមត្រូវបន្តិចរួចហើយក៏ភ្ជាប់មកជាមួយស្នាមថើបពេលរាត្រីបន្តិចផងដែល។