بعنوان: 🔥دَهــاء، أنثى الـكـازيـنـو 🔥
بأنامل: رباب نجمة ᴿᵃᵇᵃᵇ ᴺᵃʲᵐᵃ🖋🍷
"لن أنكر أنكِ أوقعتني بدهائك، فإرحميني"🔥
الجزء الثاني:
رفعات دهاء حاجبها بتساؤل وهي كتراقب ملامح رانيا وكتفحص ملابسها الباهضة الثمن مقررة أنها تخطي هاد الخطوة وتدخل في هاد اللعبة المربحة لي غاتخليها تصبح كتعوم في الثراء.......
دهاء: ولكن شنو هي هاد المهمة ؟
بعدات رانيا من أمامها وتمشات بإتجاه الصنبور كتغسل يديها وكتراقب دهاء من خلال المرآة متكلمة بحدة وهي كتذكر عدوها اللذوذ ولي هي هنا على قبل باش دمرو....
رانيا: مهمة إنتقام....يعني أدهاء خصكي تخدمي عقلك وذكاءك وتعاونيني باش ننتاقم من واحد الشخص.......
زاد فضول دهاء بعد كلام رانيا الغامض وتقدمات مقربة منها كتجبد من صاكها العكار ديالها كاتقاد الحمرة ديالها وهي كتكلم بفضول.....
دهاء: إذن الأمر بهاد الشكل ولكن شنو هو سبب هاد الانتقام........
ضارت عندها رانيا......
رانيا: هداك الحقـ__ـير ضحك على بابا وخداليه گاع الأموال دياله في القمر......
ابتسمت دهاء بسخرية ناطقة بنبرة مستفزة....
دهاء: وشنو الفرق ما حتى باباك قمار وهو لي بغا يلعب واللعبة حتمات عليه الخسارة فعلاش نتي ماراضياش بالنتيجة؟
تحرك فك رانيا دليل على غضبها وتكلمات بحدة والحقد ظاهر في عينيها اتجاه داك الشخص....
رانيا: هو ماكانش نزيه في اللعب دياله هو غش بابا وضحك عليه وخلاه يخسر في الوقت لي كان غايربحوا هو لعبها مزيان وأنا بغيت نخليه يمر من نفس التجربة دبابا ونتي هي الورقة الرابحة عندي...
كملات كلامها وهي كتنظر في عينيها العسلية......
رانيا: نتي أدهاء بوحدك لي قادرة تعاونيني وغانخليك إنسانة غنية غانخليك من الطبقة الثرية غير خصك تحطي يديك فيديا وغانشكلوا فريق وثنائي ناجح......
بلعات دهاء ريقها بتوتر واضح ونطقات بصعوبة......
دهاء: المهمة هاد المرة صعبة مولفة غير كنخلي الرجال يوقعوا في إعجابي وكيحطوا لي قدامهم ولي وراهم ولكن مهمة إنتقام ماعرفتش....شنو المطلوب مني إذن ؟
نطقات رانيا بهدوء....
رانيا: فتنة شفتيك وهاد الفتحة الظاهرة من الفستان ديالك، نظراتك الجريئة وكلامك الأنثوي كلها أشياء كافية باش طيحيه في غرامك وتكسبي ثقته ثيقي بيا إلا درتي هاد المرحلة الباقي كله ساهل.......
عضات دهاء شفتها السفلية بتوتر ونطقات بصوت هادئ.....
دهاء: موافقة......
ابتسمت رانيا برضى وخدات يد دهاء مصافحاها وقربات منها أكثر ناطقة بحدة....
رانيا: أنا رانيا وغانكون البوص ديالك في هاد المهمة.....غاتمشي معيا دبا حيت غدا أول نهار في المهمة وأول خطة غانطبقوها......والليلة خص نوجدك ليها مزيان ونعرفك على العدو ديالي لي عنداك تفكري ولو للحظة أنك توقعي ليه خصو هو لي يوقع في حبك ويطلب الرحمة من دهائك.......
رفعات دهاء راسها بإيماء وبادلاتها المصافحة.....
دهاء: غانخليه يبغيني ماتخافيش غايكون خاتم في صباعي......
#يتبع.....بأنامل: رباب نجمة 🔥🍷 أراؤكم سرمدياتي رانيا ودهاء غايكونوا فريق خطير متافقين معيا والقصة غاتكون شيقة بسبب الخطط ديالهم ولي غايكون زوين في هادشي كامل هو رانيا هي الرئيسة في هاد المهمة ❤️ ديروا إشهارات ضروري باش نكمل ليكم 🔥👑
أنت تقرأ
دَهــاء، أنثى الـكـازيـنـو🔥
Romanceبعنوان: 🔥دَهــاء، أنثى الـكـازيـنـو🔥 بأنامل: رباب نجمة ᴿᵃᵇᵃᵇ ᴺᵃʲᵐᵃ🖋🍷 "لن أنكر أنكِ أوقعتني بدهائك، فإرحميني"🔥 #حصريا على الألــفــة الــســرمــديــة للقصص والروايات الجريئة🍷🖋️ 🇲🇦 ᴿᵃᵇᵃᵇ ᴺᵃʲᵐᵃ أسطورات الجمان الاسود❤ سأفتتح المجموعة الجدي...
