بعنوان: 🔥دَهــاء، أنثى الـكـازيـنـو 🔥
بأنامل: رباب نجمة ᴿᵃᵇᵃᵇ ᴺᵃʲᵐᵃ🖋🍷
"لن أنكر أنكِ أوقعتني بدهائك، فإرحميني"🔥
الجزء الرابع:
وقفات رانيا محيدة ليها الطابليت من يديها وقربات منها و دهاء كتتراجع للوراء مخلياها مرتبكة، مصرة تكون هاد الأنثى لي أمامها قوية وشرسة من خلال تصرفاتها معها ونطقات بهمس....
رانيا: لا نتي تقدري........
بلعات دهاء ريقها ونزلات بعينيها ليدين رانيا لي شادة في معصمها بقوة حاسة بالألم من القبضة ديالها......
خدودها احمرت بتوتر ورفعات عينيها العسلية لوجه رانيا مراقباها وهي كتخرج كلماتها يتحدي......
رانيا: ختاريتك نتي من بين الجميع حيت مختلفة و فاتنة وعندي يقين ومتأكدة بلي غاتنجحي وغاتخليني نكون راضية كل الرضى........غاتقدري أدهاء، غاتقدري، رانيا ماكتخطأش في إختياراتها.........
تهز صدر رانيا بطريقة مفاجئة كأنها تذكرات شي حاجة إثر نطقها لجملتها الأخيرة...... الشيء لي ماخفاش على دهاء...
تداركات رانيا نفسها ورخفات من على معصم دهاء متراجعة للخلف باش تبعد عليها متجهة للنافذة الزجاجية الكبيرة لي كطل على الجردة ديال الڤيلا.........
بقات دهاء مصمرة في مكانها كتربط الأحداث مع بعضها وكتستنتج خلاصة هادشي كامل والسؤال المطروح داخل رأسها هو واش القصة لي عاودات رانيا صحيحة ولا كاينة شي حاجة مخبية مور هاد الإنتقام حيت تصرفاتها غريبة وكتحمل في طياتها الكثير من الغموض، تفكيرها مشتت ولكن الحاجة لي متأكدة منها انها خصها تخطي هاد الخطوة وتربح في هاد الإنتقام....... عضات على شفتها السفلية بحيرة واتجهات عند رانيا مقربة منها هي لي كانت عاطاها بالظهر وكتحس بدهاء موراها.........
قربات دهاء من رانيا ونطقات.....
دهاء: أنثى الكازينو في خدمتك أ رانيا...... مستحيل نخون ثقتك فيا.......
ابتسمت رانيا برضى وضارت عندها وفلحظة ماقدراتش دهاء تستوعبها.....كانت رانيا حاضناها بقوة....السؤال الوحيد لي كيدور في راس دهاء هو واش قبولها تتكلف بهاد المهمة لهاد الدرجة مهم بالنسبة لرانيا........
بعدات رانيا عليها فاش سمعات صوت الهاتف ديال دهاء وتمشات كتحك رقبتها بتوتر محرجة من تصرفها هي مامولفاش تكون حنينة ومنسجمة مع الناس هي من ديما إنسانة قاسية غير مبالية لكن رغبتها في الإنتقام مشتعلة في قلبها وهي لي كتحركها وكتتحكم في تصرفاتها........
جاوبات دهاء على هاتفها وفجأة ملامحها تبدلات باش تولي ملامح مصدومة ناطقة بصوت عالي......
دهاء: شنو !! أنا جاية دبا........
قطعات الهاتف ديالها باش تقابل رانيا لي كتشوف فيها بتساءل منتظرة تفسير منها......فحين نطقات دهاء وهي كتلبس كعبها العالي وكتقلب على صاكها......
دهاء: خصني نمشي دبا ضروري........مكانظنش غدا غانقدر نكون واجدة باش ندير أول خطة في المهمة كنعتاذر منك أرانيا........
قربات منها رانيا وتكلمات بهدوء وبجدية كيفما تعودات.....
رانيا: غانوصلك.......
تبعاتها دهاء بسرعة ركبات معها في سيارتها الفاخرة وانطلقوا بسرعة بعدما عطاتها دهاء العنوان.......وصلوا للمكان لي كان عبارة عن حي شعبي......نزلات دهاء من السيارة وتبعاتها رانيا تمشاو مع بعضياتهم حتى وقف عليهم واحد الدري.....
الشخص: الخوادريا خوك داوه البو*ل*يس.....
رانيا لي كانت غير كتخنزر وماعاجبهاش المكان لي هي فيه......جاوبات دهاء بملامح مرهقة......
دهاء: أويلي على المسخوط مامشا تادارها وشنو دار الشمكار لاخور......
الشخص: بغا يتعدا على حنان بنت مول الفران راكي عارفة خوك كيبغيها وهي مقصحة راسها اوا دار شرع يدو......ختي دهاء غانقولك واحد الحاجة ولكن ماتخلعيش......خالتي حياة داوها للسبيطار.......
ماقدراتش دهاء تتمالك أعصابها المضغوطة وهي طيح للأرض لكن كانت رانيا شداتها بالمساعدة ديال داك الشخص داوها للطموبيل جلسوها في المقعد الأمامي.....عطاتها رانيا القرعة ديال الماء وتكلمات بحنان.....
رانيا: ماتخافيش أنا معك أدهاء حتى حاجة خايبة مغاتوقع......
#يتبع....بأنامل: رباب نجمة 🔥 رأيك في القصة وتوقعك؟ ديري إشهار 🍷
أنت تقرأ
دَهــاء، أنثى الـكـازيـنـو🔥
Romanceبعنوان: 🔥دَهــاء، أنثى الـكـازيـنـو🔥 بأنامل: رباب نجمة ᴿᵃᵇᵃᵇ ᴺᵃʲᵐᵃ🖋🍷 "لن أنكر أنكِ أوقعتني بدهائك، فإرحميني"🔥 #حصريا على الألــفــة الــســرمــديــة للقصص والروايات الجريئة🍷🖋️ 🇲🇦 ᴿᵃᵇᵃᵇ ᴺᵃʲᵐᵃ أسطورات الجمان الاسود❤ سأفتتح المجموعة الجدي...
