ثأر وارحام

البارت الثاني عشر

#ثأر_وارحام

البارت الثاني عشر

#حلم_في_الماضي

‏"اللهُمّ طاقة، طاقة بها نعيش، ونتحمّل، ونرضى، ونتأقلم، ونتقبّل، ونهوّن، ونتجاهل، ونغفر، ونسامح، ونغامر، ونجازف، ونصبر كثيراً.."

،،،،،،،،،،،،،،،،،،،،،،،،،،،....

ضحكو و الحمدلله مركزو هواي
والا منو ياخذ وحده اختها خبله
احنه هم ضحكنه و سويناها شقه
تحمم عمي خالد وكال

خالد _ قبل الخطبة لازم نحجي شويه تعرفون ابني
امير ما قاصر موضف وعده راتب زين
وبنتكم هم نعمه التربيه والأخلاق وهذني اهم
من كلشي عدنه
بس ابنه عده صرع بس حالته تعتمد ع اعصابه
اتمنى
تتفهمون هذا مرض
من ربي العالمين والخيار الكم

بيبي سكتت و باوعت عليه و اني هم سكتت
منتضره رئي بيبي لان هل موضوع مياثر
عدي بشي

هزت رأسها بيبي وحجت
هناء _ خلي نتوكل الموت والحياه على الله

ابو أمير _ يالله نتوكل على الله ونقرأ الفاتحه
قرينه الفاتحه
وهلهلت ام امير حيلللل من سنه ل ٧٩ اخر مره
سمعنه بيها صوت هلاهل

الحمدلله على كل حال حجه عمي خالد
عمي خالد _ خلي نشرب الشربت وناكل هل كليجه
صار كومه مضايك كليجه
المدام متحبها ومسويه حضر عليها
ندسته ام امير

رفع ادينه وصاح
ابو أمير _ محجيت شي
خلصت ساعه وهو ياكل ويحجي ع ام امير
وهي تندس بي تريده بس يسكت ماكو تالي
كمل اكل وكام وحجه بجديه

ابو أمير _ احنه نتوكل وياريت تخلون العرسان
وحدهم

هسه يلله تذكرت الموضوع الي جاين عليه
اندمجت بسوالف عمو خالد
باوعت على امير شفته حاط ايده جوه
خده ويباوع عليه احس دخنت

هذوله سوها صدك طلعو وعافونه
بقينه ساكتين واحد صافن على الثاني
اخر شي تنهد وحجه.

امير _ اترخص

وكام طلع بقيت صافنه على كرسي التخم الجان
كاعد عليه صدك يحجي هذا لو يشاقه
لا حجه ولا كال دخلينه نتفاهم
نتعارف
شو طفر

هزيت ايدي وطلعت وراهم لكيتهم يسولفون
بالطرمه
وعمو خالد عاقد حواجبه ويهز برجله
وكل شويه خازر امير شكيت جابري

بس امه كالت هو رايدج بقيت منتجيه على
باب الاستقبال
منتضرتهم يطلعون ردت احجي
وي بيبي ابد ما مرتاحه لهل زواجه

واخيرا طلعو خليت البنات يطبن لل غرفه
وحجيت وي بيبي

اماني _ بيبي انهي هل خطبه ترا ما مرتاحه

جانت ناويه تروح لغرفتها وكفت واندارت عليه
وحجت

هناء _ ليش سوالج شي من ضليتو وحدكم