#ثأر_وارحام
#محاوله_فاشله
البارت الثاني والعشرون م
أكابر ع الجرح ومن احچي اگول بخير
وامشي على الجمر واضحك من اتعثر
ابچي بداخلي واضحك بوجه الناس
واجامل بالفرح وبداخلي اتحسر
وللغير اضمد جروح واني جروحي چتالات
وأعلم ع الصبر وما گادر اني اصبر
ألملم دمع عيني اشلون خاف يطيح
لگيت جروح گلبي دم وألم تمطر
،،،،،،،،،،،،،،،،،،،،،،،،،،،،،،،،،
حجيت واني مستغرب شنو اكو بعد
بيها
محمد _ شنو هي
تنهد وحجه بضوجه
اسلاف _ ال...... مسقطيها اجباري
محمد _ مفهمت شنو الي تحجي بي
اسلاف _ من سولها تحاليل لگو عدها
إسقاط وبنسبه جبيره جان اكو اكثر من
طفل واضح انهم كبار لان الرحم منتهي
ومن سوو تحليل دم لگو أعشاب فالدكتور شاك
انو هل أعشاب سبب اسقاطها
لذالك راد يتأكد وبعث كميه من الدم للمختبر
حتى يتأكد اكثر
وبقيه التحاليل راح تطلع بالايام الجايه
وبعدها راح يحدد الدكتور شنو
علاجها
واكو خلل بيدها مواضح شنو بالاشعه فلازم
نعيد الاشعه الها حتى نعرف
شنو هو وعلي الأكثر عدها خلع قديم
محمد _ زين هسه شلون
اسلاف _ هي مراح تطلع منا الا بعد
اسبوع و وجودنه ماله داعي لذالك
خلي نطلع نفتر
محمد _ انا مجاي افتر جاي اطمن على صحت
الطفله وراجع لبيتي
اسلاف _ والله ماله داعي وجودك
و وجودي اصلا همه انطوها منوم
مراح تكعد لصبح خلي نروح نرتاح بالبيت
محمد _ ابد انا عدي امانه ولازم اديها
مراح اعوفها تريد توكل وانا باقي هنا لحد متطلع
واطمئن عليها منك يلله اروح
اسلاف _ لو بس تبطل بسمره ادري غلطت
بس المسامح كريم راح يصير ب ٦ سنوات
وانتو مغافرين ميصير هيج
محمد _ دكافي نوح سد الموضوع
عفته يدردم وزخفت بجسمي على الكرسي
حتى اريح جسمي نمت وانا افكر
منو سوه هيج بيها شيردون اكثر زين ليش
طلك عدنان حسب علمي عدهم الموت
اهون من الطلاق
واكيد هسه بقريتهم عرفو بسرابيل بنت
دعاء وانحسبت عليهم
عجيب هل امر محد راح يكشفه غيرها
لسرابيل
رحت بنوم عميق رغم الكرسي مو مريح
بس تعب السفر لسه بيه
،،،،،،،،،،،،،،،،،،،،،،،،،،،،،،،
أنت تقرأ
ثأر وارحام
أدب نسائي. من انتِ؟ بحر بلا ماء مريض بلا دواء واغنيه بلا كلمات شجر بلا اوراق. كيف الحال! _لم نعد كما كنا.. ما حدث؟ _مات الروح وانتها ما كان . قصي لي ما حدث. .... هذا ما حدث لم البكاء؟ لم أعد اريد البكاء لكن دموعي لا تتوقف.
