#ثأر_وارحام
#جوبا
البارت الرابع
Huda_zaede
الليلة مدري شجاس
گلبي تذكريتك
الليلة گلبت الرسايل
بوحدة مكتوب
"اني يمك"
دورت بس مالگيتك🤷♀️
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اماني
نريمان _ يا أرزاق وانتي جايه تهدمين بيتي
نورس _اني شوكت واصله بيتج حتى اهدمه ليش هل ظلم
بيبي _ ليش تطوليها وهي قصيره هذاك خالد وروحي تعاركي ويا احنه شعلينه
نورس _ انتم ساس الطرده حرام الي دتسوو
نريمان _ حرمت عليج عيشتج بت الاوادم دنكول احنه معلينه ذاك خالد حاجي
على صوت العياط طبن جاراتنه يردن يفتهمن
الموضوع ليش هل عياط
ونورس ماقصرت بس شافتهن موتت نفسها
فورا تربعت بالكاع وكعدت تلطم وتحجي والدموع عشره عشره
نورس _ يتبلون عليه فوك ما شايلتهم بعيوني والله ما اطبخ اكله الا وذاكرتهم
وهم بساطه نكرو الزاد والملح
جنت اكول اخيي ابو برهم وعزوتي بعد ما ضامني
الضيم واستقوت الكلاب حشاكم عليه
واجيته دخيله تالي يسمع كلام مرته ويطردني
جنت من اجيب الاكل ما اكول غير هذا لاخي ابو
برهم واذا سمير موجود اكول هذا لاخوتي
وتالي سووني على علاقه ب ابو برهم
شهكن جاراتنه جانن اثنين وحده اسمها ام عامر هاي
مره الخبر بحلكها طلقه نازله مقابيلنه والثانيه ام جميل وهاي التك الثاني مال ام عامر
يعني بين قوسين انفضحنه
ونورس ماقصرت سوتنه يهود واخر شي اخذنها
وطلعن وهنه يدعن علينه وامي وبيبي صافنات
ميعرفن شيحجن
بيبي بقت تلوب عرفت السالفه طشت وخافت
على أبويه و عليك من الفضيحه وخاف تتاذون
لل٣ اجه بابه من الشغل وبيبي كالت لمامه لا
تحجين خلي يرتاح هستوه كعد ياكل اندك الباب
كام برهم يشوف منو رجع وكل لبابه
برهم _ يابه اجه سعد جنفص عليك يكول
المختار داز عليك وكايل ورا ميرتاح خلي يجي عليه عدي ويا موضوع ضروري
بابه عاف الاكل وراد يروح بس بيبي لزمته
وكلتله كمل اكلك واحنه نفهمك شيريد المختار
ابو برهم _يا ستار شصاير
بيبي _ هسه اكل وارتاح وبعدين نتكلم
رجع ابويه ياكل ابويه عنده نوع من البرود عند المشاكل مو مثل عمي سمير حار بسرعه يتعصب
لا بابه عنده اي مشكله تنتهي بالهدوء
وابسط مثال هسه لو عمي سمير جان بسرعه ترك كلشي وطلع
أنت تقرأ
ثأر وارحام
Chick-Lit. من انتِ؟ بحر بلا ماء مريض بلا دواء واغنيه بلا كلمات شجر بلا اوراق. كيف الحال! _لم نعد كما كنا.. ما حدث؟ _مات الروح وانتها ما كان . قصي لي ما حدث. .... هذا ما حدث لم البكاء؟ لم أعد اريد البكاء لكن دموعي لا تتوقف.
