سر _الطاغي

بارت اول

سر_الطاغي
بقلم سما الهاشمي*

لتنسون التصويت والتعليق

اخافن
اجيك بلهفتي التجوي
وارد منك عشك _ بردان
وادفه بندم جيتي
.
.
.

كاعدة وياهم ودموعي تنزل بهدؤ بحياتي ما بجيت على شخص بس هذا غير والله غير رجعت ذاكرتي لليوم الجان اسوء يوم بنسبة الي

.
.
.
.

.. ست ست
توني راجعة للبيت وكاعدة أكل : خير عقيل شرايد داخل للبيت مثل الإعصار
.. وين حجي سطام وينة خل يلحكلي
¯مو دا اكلك شبيك احجي
.. ست لخاطر الله صيحي
¯ شكد تلح روح ادخل علية مابية حيل اكوم

شو هذا دخل للبيت يركض وصيح
.. حجي الحك راح الحك
- يول شجرالك داخل للبيت وتصيح

يحجي ويرجف وكوة اجر النفس : حجي منذر راح
- وخلة يروح هي جديدة علية لازم الدروب ومادري شعندة خوفي يطلع البالي صدك

.. لا حجي هل مرة منذر بعد ما يرجع كتلو راح كتلو

حجة برجفة : شني ولك منو كتلة جاي تخربط فوك راسي لا بارك الله بيك

ودخلت عليهم مثل الإعصار من سمعت يكول كتلو شنو :هييي انتة شتحجي منو كتل منذر وية منو تعارك اكيد متأذي وهسة بالمستشفى موو احجي شبيك تلطم على راسك

.. منذر مات وهسة عمي ضاري هناك مهدود حيلة

جدي وكع من طولة اني احس سرت رجفة بجسمي وبرود بأطرافي وصارت الدنية سودة مادري شصار بعدهة

كعدت على صوت صريخ واني بغرفتي
اكيد اني احلم منذر ما يتركني اكيد
دموعي تنزل بهدؤ واريد انزل ما اكدر احس جسمي مشلول
كوة وصلت باب الغرفة ونزلت
كل ما يقرب الدرج يخلص الصوت اصير اعلى
البيت عبارة عن ناس لابسة اسود عماتي وجدتي منتهيات ويصرخن

شكوو شبيكم تراا ما مات هسة يجي
جدة كافي هسة يلكاج بهل حالة وينقهر
.. اويلي وليدي وج شجيبة وهمة راحو دفنو ريت مدفونة ويا وخلصانة راح الحنين ابو الطول الحلو

حجيت بصوت يرجف وكلمات متقطعة : ش شيعو دفنو دفنو
ليش ما خليتوني اودعة هاااا احجن ليش

.. كافي ماما انتي من البارحة فاقدة

حسيت روحي فرفحت كمت الطم وابجي
افتر بلبيت اريد النار البكلبي تهدي
الوحيد من بعد جدتي حنين بهل بيت هذا البيت عبارة عن دمار كوة جنت اصبر روحي وياهم لأن جان هوة موجود اصبرني على جحيم حجي سطام
وعائلتة عبار عن دمار

كلشي موجود بحياتنة بس السعادة والراحة ماكو شايف من ربنة ينطي شي ويأخذ شي هيجي احنة اخذ منة السعادة والراحة والأمان وانطانة الرفاهية والعز
محد يعرف أسرار هذا البيت شنو كل يوم ينكشف سر ادمر اكثر من الي قبلة
وسر قتلة اكيد ينكشف