سر_الطاغي
بقلم سما الهاشمي*
لتنسون التصويت والتعليق
.
.
واحنه شَما زِرعنه الزين على الموزين نتحاسب
.
.
ام شجون وهية تباوع صفح ومتخصرة - كومي الحجي رايدج
شجون - اووف عندي امتحان اليوم ما اخلص يمة ولي اسلمج كليلة نايمة
الام - اني ما اكذب اكلة ما تنزل
شجون - اريد اعرف اني بنتج لو بنت رجلج
الام وهية تطلع - لدوخيني يلة ونزلي
شجون - هية هاي امي ماعرف شنو السبب هيج تعاملني تفرق بيني وبين اخواني من اني صغيرة جانت حتى اكلي تاخذة وتنطي الهم
نرجع بالزمن
شجون -ماما ماما اريد اكعد يمج مثل خالة وبنتهة
الام - وخري عني الجو حار وتريدين تكعدين يمي
شجون بدموع - بس شوية ماما
الام وهية تدفعها - لج ماما حارة ودشوفين شايلة كوب الجاي
شجون بقهر - تمام
بعدني مو طالعة من الهول واجة اخوية كعد يمهة
وجان تحضنة ويسولفون وتسئلة عن دروسة
ولا عبالك اني موجودة
بيومهة حسيت بقهر وبجيت وكلت مستحيل ترجع معزتهة ولهذا اليوم هية تفرق بيني وبينهم ومن كبرت صارت تعاملني بسؤ وقسوة بس هيهات تهتم شجون الصغيرة وتبجي
قاطع ذاكرتي صوت جدي
ونزلت
واليوم حتى عماتي يمنة ماعرف شكو مو من عادتهن يجن يومية وهنة البارحة اجني
حجي سطام - انا مو كتلج واحد من الحرس اضل وياج انتي ليش تكسرين كلمتي
شجون بنفاذ صبر - والله مو اني كسرتهة حراسك الكسروهة واصلاً اجيت وية صديقتي حضرت جناب استاذ عقيل ما اجة وتأخر علية هوة والسايق
حجي سطام - انا جمعتكم اليوم وعندي موضوع لازم تعرفو وهوة بين قوسين سر مدفون من سنين
الجدة - خوفتنة ابو ضاري شنو سر مدفون
حجي سطام يحجي بكل برود - أنا بعمري ماقصرت عليكم عايشن ملوك والدنيا كلها تحسب الف حساب الكم صح أقسى عليكم بس مو معناته ما اخاف عليكم وانتي ام ضاري ما جان المفروض اضم عليج بس اضطريت مو خوف لا بالله بس حفض على بيتي
- قلقتنا يابة شكو
-انا متزوج وعندي عائلة ثانية ولد وبنية وحتى احافد عندي
شهكت الجدة :شنوو يبوو ضاري متزوج علية معقولة بعد هل عمرر
حجي سطام ¯ سكتي ولا تقاطعيني انا كبرت واليوم الدكتور كال كلبي ماكو أي امل منة تعبان واريد اشوف عيالي كلهم بيت واحد كبل ما اموت رضيتو ولة ما رضيتو
ومنذر مات اريد سند لضاري بعدة مات وما يعرف عندة اخوة وخوات
الجدة تحجي بكسرة ودموع وصدمة : ليش بشنو قصرت وتروح تزوج
حجي سطام بهدؤ ¯ ما قصرتي بشي لا تكلبيها دراما علينا
تحجي بهدوء ودموع : معقولة بعد هل عذاب والضيم وياك تطلع متزوج بالسر بشنو قصرت وياك فهمني
أنت تقرأ
سر _الطاغي
General Fictionفي بيت يسود به الطاغي وحكم العادات والتقاليد والعز وطغيان متوارث بينهم وفي مكان ما... بيت لا توجد به سوى الراحة والأمان لكن هناك السر... الذي يسقلب حياتهم؟ أسرار مدفونة أسرار ماضي وأسرار تكشف كل يوم . ومن سيكون الضحية
