سر_الطاغي
بقلم سما الهاشمي*
لتنسون التصويت والتعليق
.
.
.
.
.
مرت اسابيع
بيوم جدي خلص عشا وكام
وبعد خطوات وما حسينة الة واكع من طولة
كلنة ركضنة علية
واخذو للمستشفى وصارت ساعة وحدة اتصلو كالو ما يطلع لباجر وكالو ضغطة نازل
حسيت كذبو جدي بي شي
مهما سوة يبقى جدي وما انسى ربيت بحضنة
والصبح اجو للبيت وكالو رح نطلع لبغداد لأن الطبيب مالتة هناك
سألت عمي مو بس ضغط ليش لبغداد ويتعب
حردان - ان شاء الله خير بس مراجعة نطمن علية احسن
طلعو لبغداد
ورة ايام رجعت من الدوام وين الكل مختفين
-عقيل وين الكل
-ست معزوميم بيت عمتج كال الحجي من ترجع جيبهة
- تمام ارتاح نص ساعة واروح
كعدت بالحديقة والحارس اجة كال اكو ضيف اجة
ادخلة
كتلة دخلة سمعت صوت مو غريب
-عادي اكعد
بضوجة - هم انت
وهوة يكعد - ليش ضايجة
-هيي ترا ما سمحتلك تكعد الحجي مو هنا ولا ولدة يعني الي جاي علية مو هنا
بضحكة - ههههه رووحي لا جاي عليج مخصوص وادري بس انتي بلبيت واني حالياً
وكفت ورفعت اصبعهة -اكلك شي كوم اطلع برة اثاري انت مو خوش انسان طايح حضك لو مو قليل ادب ما تجي ولة مو صوجك صوجي اني من البداية تركتك وتماديت سهلة ادلل
وكف بكل هدوء ولزم اصبعها بقوة وباسة وجريتة ايدي وضربتة
يا قليل الادب شلون تجرأ اطلع برا ولوو اصيح الحرس احسن وخليهم يمسحون بكرامتك الأرض
- حلالي انتي هههههه رايح بس بعدين نتقابل
وكف قريب علية وحاط ادية ورا وكال
تليد - لهجم عليهم بليل خل رجال تكابلني
خل رجال تكابلني
الة أخذهة بالكوة وتصير جنة لمي
-ايييع صوتك موحلو وتحلم هواي خيالك واسع قهرتني يلة اطلع برة يلة
-يجرالج اطلع ليش ما اطلع بينة الايام واذكرج بهل كلام وكفتنة
بعصبية-بابا شبيك خيالك واسع تحلم هواي احذرك هاي اخر مرة اشوف وجهك
-ههههههه الله كريم
بقهر - بلا اخلاق گلعة يجي جدي وسهلة عبالة مثل البنات هسة اني اعلمك
عقيل اتصل بيهم وكللهم عدهة امتحان
بدلت. وكعدت افكر شلون افتح الموضوع وية جدي
شلون موقف ياربي بس اذا اسكت يتمادة
نمت وكعدت على صوت الباب
-هلو شجون كومي صار المغرب
-هلا شذر اي كعدت
-كومي جدي يريدج بالمكتب
اخذت نفس - جاية وراج
عرفت شنو يريد لأن ما رحت لبيت عمتي
نزلت سلمت علية وكال كعدي كدامي
-شني هذا ودار الابتوب علية تسجيل الكامرات من اجة تليد
بصدمة - حجي سؤ فهم خل احجيلك
بغضب _احجي يلة
شجون بتوتر - والله اول مرة شفتة من اجة اول مرة
وراهة هم اجة وانت كايلة روح للبيت اخذ أوراق ماعرف شنو من ضاري ولا واحد منكم جان بلبيت وامي كالت انتي اطلعي شوفي مني وما رضت تطلع
طلعت وهوة ضل كاعدة وبعدين كام ينطي ويأخذ بالكلام وعرفني عنة وراد يعرف اسمي وعقيل اجة وكال ست شجون
وبعدين بدة يتمادة وكل يوم جاي للجامعة و
بمقاطعة وصياح - وانتي ساكتة هسة يلة حجيتي سهلة حسابج بعدين بس خل اصرف وية هذا الخاين
شون تسكتين ضرج بشي تعرضلج وين انطي وجهي هااا عود يفيدج لسانج وگوايتج
هم اخسر مرة ثانية اذا اول مرة لحد هسة اداوي الجروح هل مرة اموت
كاعدة ومنزلة راسي كلامة صح ومن خوفة علية
من كال كلامة الاخير رفعت راسي بصدمة
-شنوو جدي ترة ما فهمت
-مو شغلج ما يخصج
قاطع صوت جدي العالي الباب ودخول ابوية
بستغراب- خير يابة بيك شي شمسوية شجون
-لا يابة ما بية اطلع برة ما مسوية شي اني جنت احجي وياهة وسد الباب وراك
انطيني التلفون ضلي هنا
طلع برة
مرت دقايق ورجع
-روحي هسة ومن ادز عليج تجين
-تأمر
وطلعت للحديقة احس اكثر مكان بلبيت ارتاح بي
اخذت نفس عميق اوووف ياربي هيج اكضي العمر وما اشوف راحة
زين على منو اتصل ليكون على ذاك ويجي يذب سالفة براسي لالا شحدة غير اشوفة شي مو شايفة
مرت نص ساعة والأفكار اكلت عقلي
فجأة سمعت صوت عقيل اكول ادخل الحجي بالمكتب انتضر هنا بس انطي خبر
نداريت وهذا الحقير جاي كمت دا ادخل وستوقفني صوتة
-سويتهة وكلتيلة موو
ما جاوبتة
-يعني صدك سويتيهة بس احذرج قبل كلشي
اذا حجي سطام بعد هاي السالفة خسرني شغلي وضر عائلتي امحيج من الوجد لو مو روحي تصيرين
امحيج كلشي ولا عائلتي شكد احبج بس مو اغلا منهم وانتي جنيتي على روحج
برود - اكلك يابة شو انت ماخذ مقلب بروحك زايد عبالك فدشي اذا انت تكدر كلشي سوي فة لا عبالك اني هينة شجون اذا حطت شي براسهة سوي واذا واحد حط راسة براسهة تعذبة وتمحي اني مو هينة عبالك اسكت يعني تكدرلي هههههه احلفك اخذ مقلب ثاني بروحك
ومشيت
وكال هوة مندار دا يروح لجدي
بضحكة - نشوف
دخل والتوتر سرة بداخلي معقولة يكذب اي اكيد هذا شنو كلشي اتوقع منة
مرت ساعة الوضع هدؤ
وطلع جدي وتليد واني سويت نفسي ما ادري بيهم ولا انتبهت همة طلعو
ورجع جدي
- حضري نفسج باجر ولا داومين
- لشنو وليش
..
شنوووو حجي تحجي صدك
.
.
.
.
.
.
.
شنو كال الحجي لشجون وصدمهة؟
وشنو الدار بيت تليد والحجي وليش ضل هادئ؟
معقولة رد فعلة عادية؟
معقولة الحجي رح حيات شجون لو هية الي دمر حياتهة؟
توقعاتكم للبارت الجاي **
لهنا وينتهي البارت
لتنسون الدعم
سما الهاشمي ***
أنت تقرأ
سر _الطاغي
General Fictionفي بيت يسود به الطاغي وحكم العادات والتقاليد والعز وطغيان متوارث بينهم وفي مكان ما... بيت لا توجد به سوى الراحة والأمان لكن هناك السر... الذي يسقلب حياتهم؟ أسرار مدفونة أسرار ماضي وأسرار تكشف كل يوم . ومن سيكون الضحية
