المهم الآنسة نيهاد فرحااات بزاااف وعجبها الحال حيتاش أولا اتسكن حدا صاحبتها قمر وايبقاو يمشيو بجوج بيهم للمدرسة ويتلاقاو فالدرب وتانيا حتاش درب السلطان حي شعبي وهي كتموت على الأحياء الشعبية (امممممم اتسكني حدا حبيب القلب ههههه)
المهم لي معرفش قمر :قمر هي صاحبت نيهاد الأنتيم وكانت كتقرا معاها من أيامات الكوليج وهي ضريييفة ونعم الصداقة
نوصلها ليكم هي بنت فعمرها 23 عام شعرها بني فاتح وقصيير دايرا ليه carré وعينيها تا هما بالبني فااااتح وملامحها مخطلة بين كيوت وحادة اما لاطاي ويلي ويلي الطايح كتر من النايض والنايض fatigué ههههههه
نيهاد : ماما أنا مشيت أونصل عماد للمدرسة ونمشي للجامعة أنا
حبيبة (ماماها) : صافي سيري ابنتي الله يرضي عليك
المهم نيهاد شدات فيد خوها ومشات للطوبيس باش توصل دغيا حسن من طاكسي
°°°°°°°°°°°°°°°°°°°°°°
في جهة أخرى سي رضى باقيي نااعس وخووه وماماه كيفيقوووه من نعاس وواولو مع هو تبارك الله نعس بكري مع 4 دالصباح وهو ساهر مع عشييرو ادم (دبا نقولكم شكون هاد )
امين : وااااا خوويا عفااك نووض راه انزدق معطل فالنهار لول
*متستغربوش من الطريقة باش كيهدر مع خوه راه هاكا دايرين علاقتهم بحال العشران*
رضى (كيتفوه): سير الله ينعل طبنمك يا الحمار مفيقني مع 8 دالصباح
امين : وا عفاك راه خصني نمشي تعطلت
رضى : واخا واخا سير أنا انلبس ونجي عندك اززمرر
امين : يااااااي كنبغييك
رضى (خنزر فيه ):ياك قتليك الهدرة ددريات بلاش
امين : صافي صافي
رضى نااض لبس علييه سورفيت بالتأكيد لبسها بالخضر مغلوب مع سبرديلة كوبرا فالكحل رش العطر ديالو الرجووولي (CK free)وااااعرة قاد شعرو بيدو جا بياااساا ،المهم خرج عند امين شد ليه فيدو ومشاو ركبو فالكوازاكي د رضى وانطلقو للمدرسة نييشان
°°°°°°°°°°°°°°°°°
نيهاد وصلات خووها وبقات واقفة معاه على ما يصوني الحرس دالدخول وحتى رضى بقا واقف امام ومحاملش راسو وفيه الموووت ديال النعاس واقف بالسيف المهم مع دق الجرس مشا كلشي كيجري باش يدخل وف ديك اللقطة سيدكم امين تزدح مع عماد بالراس يعني تناطحو اوا البكاي ديال عماد بدا يبكي مع هو شوي كيليميني عكس امين
نيهاد: اويييؤيليي مالك شواقع لاش كتبكي ؟
عماد: اهييييئ تناطحت معاه(شير يدو ل امين )
نيهاد : ادري اجي اجي واش نتا داخل فيه وماقايلش تا سمحلي
شوية نيهاد سمعات صوت رجووولي موراها ومخلط بالنعااس (احححح)
رضى: مالكم تاني
نيهاد(مع صارت وهي تصدم ولكن مبيناتش ):شوف خووك ولا ولدك راه تزادح مع خويا ومقلوش تا سمحلي
رضى:ومن بعد قولي لخوك يترجل شوية وهو كيبكي بحال الوليات خويا مادارليه والو ومشافوش أصلا
نيهاد: واش نتا سوقك ديها فالجهة ضاراك هااء
رضى(تعصب): وريحي هنينا من تسلكيط دوالو الخرا كيداير
نيهاد:بالناقص من شي سماحة نتا سير قلب عليا الروايض يلاه
رضى(زااد تعصب): واخا دسرتي يا القصيييورة يا الحمارة بغيت نبقا معاك مزيان ولكن نتي ما صلاحش معاك (شدها من يدها)امين والدري لاخر سيرو دخلو يلاه دبا
مشاو دخلو ورضى جر نيهاد لواحد الزنقة خااوية وهي كتغوت وكتنتر منو
رضى : مال طبنمك نتي مكتحشميش ولا كيفاش
نيهاد : ولا بعاااد بعاااد مالك شدرت ليك أنا
رضى :وها الزبل كيداير نتي جالسة ترطاي غا بوحدك(وضربها بتصرفييقة تا دار وجهها للجهة الأخرى)
نيهاد(كتبكي):اهييييى شكون نتا شكوووون باش تقيصني اهييييى
رضى:أنا مكنتش باغي نضربك ولكن نتي لي كترطاي بزاف
نيهاد:شمااااتة تفو عليك
رضى :شو القحبة أناااااا شماتة أنوريك الشماتة(ضربها مرة أخرى تا سال الدم من فمها)كيجيتك شماتة ياااك
نيهاد:اهييييى بعد منييي اهييئ خصني نمشي للجامعة طلاااااااق اههييئ
رضى : هادا غا كادو المرة الجاية ونتفاهمو مزيااان لبقيتي طيري غا بوحدك(وغمزها)يلاه تهلاي
مشا وطلقها نيهاد بقات كتعاير فيه فأنفاسها ومشات كتجرييي للجامعة اتكون الحصة الاولى داازت اتسنى تا الحصة التانية ولكن وخا هكاك باقا كتفكر فيه فاش قرب ليها وغي هو وهي صافي ومتكدبش بلي عجبهاااا بزااف وتا هو تعجب بيهااا وبزاااف
........................
سمحولي البارت قصيير عاااارفة ولكن راه ضروري ننزلو
كتبولي شنو كتوقعو فالبارت جاي
شي vote و comments ♥️
أنت تقرأ
عشقي للمشرمل (بالدارجة المغربية )
Teen Fictionهاي زيونات المهم هادي هي أول قصة ليا ، ومعرفتش كفاش فكرت نكتبها وكيفاش جبت الأفكار لي فيها المهم أنها قصة راااائعة تتضمن الحب ،الدراما ، الغضب ، العنف ، التشويق،السفاااالة لي كتبغييو كااملين بيكم .....و لي مبني عليها القصة كاملة هي تشرميييييل و تشم...
