ها واحد السلاام، وجدووو ليا راسكم غنرجع ليكم و بقوة هاهاهاها حيت هاد الغبرة كان عندي فيها الشغل و ستريس مي دبا مزيان و نيت قاديت المخطط دالقصة و كتبتو ف مذكرة باش مايكون تا غلط و يكون تسلسل فالأحداث ، نخليكم مع البارت ❤
........................................
من بعد ما نيهاد و رضى رجعو لدارهم هاد الأخير فكر تا عيا و هو ينوض يهبط للكوزينة (دار فيها جوج طوابق لفوق ٢ بيوتا واحد ليه و واحد لخوه ، و لتحت صالون وكوزينة وبيت د مو ) فاش هبط ملقا مايدور وهو يخرج لبرا ،وهو يتلاقا ب آدم مفركس و مقاد ولابس و ريحتو سابقاه، كان لابس سروال دجين كحل و مخليه هابط شوية مع تريكو كحل فيه كتبة بيضة ، و هو معروف كيلبس غا الكيطمات قلييل فين كيلبس هادشي
رضى : ويتك ويتك على الخوينز كبر و خارج مفركس شتما ؟
آدم : الخانزة هي ختك ، و راك راك فاهم فين غادي (غمزو )
رضى : اممم و أنا نفهم ولكن حكمها شوية ديك زبي ليوم كنت انزدح زامل بوها كدخل فشي قلوة بعيدة عليها
آدم : ويااك ضربها ولا شي بلان ارضى راني كنعرفك يدك سابقاك
رضى : واريح القلاوي شمن راه غي تاقيت فيها ربي عارفها تويشية ديالك العود
آدم : وهكاك العشيير ،اجي بعدا لاش اضربها مالها شدارت ؟
رضى : اوا راه ديك ختنا صدقت العشيرة د الساطة ديالي و ليوم بغيت نتفاهم معاها على شي بيانات وناضت كتنقز و دبا سير تلاح تلاح قبل ما اتعطل على حبك
آدم :امممم و أنا نفهم يعني ديناهم صحابات ههههههههه ماعلينا قوليا بهدا كيجيتك مقود ؟
رضى : تا ورق ليا على القوادة كيديما ، راك مقود من ديما غا زدتي تهيبتي الزامل
آدم (ميق فيه) : و صافي قود تا نتقاشعو
........
عند قمر لي من 3.30 وهي كتفكر شنو تلبس و جالسة كتقاد ف شعرها و صونات على نيهاد ابيل فيديو باش تقوليها شنو اللبس، واللخخر ختارت كسيوة حد الركبة و كتجي مزيرة و محلولة من جيهة الصدر و واسعة من لتحت مع سبرديلة نايك فالبيض ،ودارت ميكاب خفيف مي خدمات على العينين بشكل ترابي وجات مقودة و فاش كانت خارجة رشات عليها بارفام ولا نقولو دوشات بيها هاها ، خرجات من الدار من بعد ما سلمات على مها و قاتلها انمشي نتمشى شوية راه تخنقت و عطاتها مها واحد 200 dh ، مع وصلات برأس الدرب لقاتو واقف بوقفتو الرجولية و جالس كيكمي و زاد تهيب و هي كانت غدوب من حر الجمال د دري لي واقف قدامها و قلبها كيضرب وتزنكت و هو قشعها و تم جاي عندها
آدم : جيتي الهبيلة
قمر : قول غا السلام ولا شي هدرة زوين يخ
آدم : زيدي قودي حسن مانزدق ضارب حبك
قمر : هانا زايدة تفو
آدم : دفلي على مك
آدم لي معجبوش لباس ديالها حيت الفرقة د صدرها كانت كتبان بزاف و إذا حنات صدرها كولو كيبان
آدم : شهاد اللبس جاية بيه نتي ؟
قمر (بقا فيها الحال يحسابليها مجاتش زوينة ) : علاش واش جيت خايبة ؟ (لوات شنوفتها التحتانية وبانت كيوت)
آدم(كان غيدوب من هاد الحركة مي دار راسو قاصح): تي لاا راه جيتي قرطاسسة، ولكن شوفي صدرك كلو كيبان و تا داك الرجلين علاش كيبانو ؟
قمر(عجبها الحال و ضحكات ): وا أنا هاكا دايرة و حوايجي كلهم هكا
آدم(ميق فيها ) : واا منضمنش ليك لامجبدتش لشي ولد القحبة عينو لا شاف فيك أنا دري و عارف العقلية كيدايرة و المرة جاية تجي عندي بحال هاكا نزدح مك
قمر : واخا واخا غا زيد راه عييت و أنا كنتمشا
آدم : انمشيو ناكلو ؟
قمر : يلاه راه فيا جوع
آدم : مجواعة هههههههههه
قمر (دابت من ديك الضحكة الرجولية ): بزاااف علك الخرية
آدم (جمع الضحكة ): جمعي فمك القلاوي
قمر : كتقلب بحال الزمان الله يستر
مهم بقاو كيتمشاو وكيهدرو على أي حاجة و تعرفو على بعضياتهم ، وصلو للمطعم طلبو داكشي لي بغاو كيديما قمر طلبات طاكوس ب شاوارما وهو اكتفى ب عصير ،تحطات الماكلة و هي غا كتخشي ففمها و فاش كتحني كيبان ليها صدرها وهو كيستغفر ربو و يقلب عينو واش كيشوف فيها شي حد وهي تجي عينو فواحد خونا كلاها بعينيه أو بالأحرى كلا صدرها ،هو تعصب والقرودة كيشطحو ليه فوق راسو
آدم (دار عندو ): القلاوي وا تشا جمع عينيك قبل ما نجي نشقبهم لخويا
داك دري خاف و جمع الوقفة و مشا بحالو
آدم :(دار عندها) واش عند مك العقل خارجة هاكا واش كتبغي الزوامل يشوفو فيك ؟
قمر : وييك وييك صافي غا سكتي درتي الشوهة كلشي كيشوف فينا
آدم (هبط عينو لصدرها) : و يلاه ماباغاش الشوهة طلعي داك الملاوي ولا ديري شي قلوة
قمر : تفو على زمر كايداير(بدات كتقاد فيه ) أصلا معندكش الحق تحكم فيا شكون نتايا أصلا داير ليا غا شوهة ندمت لاش خرجت معاك كون بقيت فدارنا حسن (هي مكانتش قاصدة هدرتها غا العصبية موراها عاد وعات على رأسها شنو قالت )
آدم (تقرص و بقا فيه الحال على هاد الهدرة وجابها ببرود ) : ندمتي ياك (ناض واقف و جرها ) يلاه رجعي لداركم أنا غنتقود أصلا أنا جايب لك غا الشوهة و غا شمكار دالخلا منسواش (خدا نفس عميق ) قودي بحالك
أنت تقرأ
عشقي للمشرمل (بالدارجة المغربية )
Teen Fictionهاي زيونات المهم هادي هي أول قصة ليا ، ومعرفتش كفاش فكرت نكتبها وكيفاش جبت الأفكار لي فيها المهم أنها قصة راااائعة تتضمن الحب ،الدراما ، الغضب ، العنف ، التشويق،السفاااالة لي كتبغييو كااملين بيكم .....و لي مبني عليها القصة كاملة هي تشرميييييل و تشم...
