هانا جيت ، خرية أنا والله سمحوليا ولكن را كنعكز و عاد كانو عندي متيحانات بزاف مؤخرا يلاه ساليتهم هد السيمانة ، منطولش عليكم بزاف ،نخليكم مع البارت ، كنبغييكم😍💋
●●●●●●●●●
بعد مرور أسبوع على أخر الأحداث ، ف هاد الأسبوع متغيرت تا حاجة ، نيهاد لي مزالة كتنسي ف رضى و لي من داك النهار مزادت شافتو حتى بالصدفة ، و نيت هي بغات هكاك حيت بصح باغا تنساه واخا هي مقادراش ، قلبها متعلق بيه لدرجة لا يمكن ، أما قمر و آدم لي قصة حبهم غير مكتزيد تطور ، و آدم رجع كيفكر ليل و نهار ف كيفاش يبدل مستقبل ديالو باش يقدر يخطب قمر و يعيش معاه فالحلال حيت عرف بلي تا بنت مغادي تملك قلبو من غير قمر ، و أيضا أسعد و نور لي علاقتهم تطورات بزاف ، طوال ديك السيمانة و هوما كيتلاقاو و كيجي عندها للجامعة لي كتقرى فيها و تعرف عليها كثر و كثر و كان إعجاب من طرفين بجوج ! و عندنا العلاقة الغريبة ديال عمر و لارا لي طرف واخدها بجدية و كرف كيحاول يتأقلم واخا عارف بلي قلبو را ملكها من زمان .
نبداو من عند نيهاد ، لي يلاه راجعة من الجامعة هي و قمر ، و نفس الموضوع كتهدر فيه قمر و لي هو آدم ! أما نيهاد فهي غير كتعطي نصائح ليها و كيفاش ميدابزوش من الرغم أن علاقتها مكفسة مع رضى ، فطريقهم تلاقاو مع عمر و ريان لي كانو جايين اتجاهم بحكم أن ريان غيب مجددا
ريان : وا فين الدريااتش صافا
قمر : واش اصاط، مدخلتيش؟
ريان : لا دخلت و درت مود الاختفاء، ازبي را شتيني مكنتش
نيهاد : وا تهدن را غا سولاتك اسلعة ، طالعين للدرب طلعو معانا
ريان : اه وا...
عمر (قاطعو) : لا لا لا لا منطلعوش
قمر : علاش ؟
عمر : لا لا اختي متمشيش لتما أنايا مالي مريض
نيهاد (بضحك): ياكما خايف تموت هههههه
عمر (بتوتر و خلعة): الله ينجيني من الموت منيتك اختي اللله يستر سيري سيري تقودي
نيهاد: اضحكنا معاك اخويا مالك ؟ سير سير تميقود من حدايا ، قمر يلا نتحركو
و زادو و خلاو ريان كيعيط ليهم و مستغرب من فكرة كيفاش أن عمر مكيخملش يمشي لدرب السلطان واخا يوقع لي وقع ، و شحال من مرة كيختفي بدون سابق إنذار و بدون سبب معين .
مشاو البنات للدار و نيهاد و ضلات قمر تلدارها و من تما طلعت للدار ، و فاش وصلت تقريبا ، شافت رضى لي واقف بهيبتو كيالعادة و لابس كلشي كحل ، فيدو جوان كيبرم فيه و يابن فيه معصب و كاعي، ضربات قلبها بقاو غادين و كيرتافعو و هي كتشوفو قدامها ، تفركت شنو دارليها و شنو سمعها و كيفاش أهانها فالشرف ديالها و مع ذلك مزال كتبغيه ، الغالبية ايقول هادا دل ، و لكن الحب معندوش قوانين ، القلب إذا بغى يا ويلك منو .
كالمات راسها و هزات راسها و زادت بكل ثقة فالنفس متجاهلة الوجود ديالو تماما ، عكس قلبها لي شاعلة فيه النار ، هو هز راسو و نيشان اطيح عيينو على الهيئة ديالها ، إحساس غريب تملك القلب ديالو و إحساس لي ممفهومش ، جيهة منو باغاها و جيهة نرجسيتها مكتسمحش ليه أنه يبغيها ، شاف فيها بنظرات باردة كتحمل بزاف ديال العيا و التعب لي واضح من عينيه ، عكس قلبو لي كيضرب بجهد و هي حداه . دخلات لدارها بلا ماتشوف حتى فيه ، و غير دخلات محاتو من دماغها أو بالأحرى كتخاول تمحيه حيت مبغاش تفكر فيه بتاتا .
مشات سلمت على ماماها لي جات عندها جارتهم كتعاونها فالمسمن.
نيهاد : اححح اللله ريحة ديال المسمن عاطية ، متكون غير ماما و خالتي نادية لي دايرينها هههه
بقاو كيضحكو و كيتجمعو و نيهاد تلهات معاهم فلهدرة ، تا سالاو و مشات طلعات لبيتها تخدم شي تمارين و تمشي للجامعة فالعشية .
أنت تقرأ
عشقي للمشرمل (بالدارجة المغربية )
Teen Fictionهاي زيونات المهم هادي هي أول قصة ليا ، ومعرفتش كفاش فكرت نكتبها وكيفاش جبت الأفكار لي فيها المهم أنها قصة راااائعة تتضمن الحب ،الدراما ، الغضب ، العنف ، التشويق،السفاااالة لي كتبغييو كااملين بيكم .....و لي مبني عليها القصة كاملة هي تشرميييييل و تشم...
