إنجاد ألغياث (متوقفه)

الـبارت " الثاني

'أنجاد ألغياث'
بِـقلم الكاتِبه :- شَمسِ
"غموض من الحاضر والماضي للتشويق"
............................................................

جان صريخ امي تارس الشارع.. لميت خواتي بحضني وتظاهرت انو ماكو شي لأن بعدهم صغار...

عفتهم بره وفتت للبيت..المَنظر جان جداً يرعب..

امي جانت تصرخ بطريقة هستيريه وتضرب نفسها..
والنسوان جيراننه كلهم ملتمين ع امي..

بقيت صافنه اباوع ومامفتهمه شي..اسئل بلناس شكو ومحد يجاوبني..

گرفصت كدام امي ودموعـي تسيل ع خدي بحراره..
سئلتها..

اريج: ماما فدوه لعينج گليلي شكو ليش تمردين بگلبي..

سحبتني من ايدي وحضنتني لصدرها..

ساجده: گتلو ابوج اريج..

حسيت دمي جمد بجسمي.. ختل توازني كله ووكعت بلگاع.. ماجنت اشوف واسمع غير انو صريخ امي يزيد فوكاي..

فتحت عيوني راسي بحضنها وايدها تمسد ع شعري..
درت وجهي وحضنت ايدها وبجيت..

اريج: ليش المظلوم والمامسوي شي هيج ينقتل بدم بارد..

جاوبتني وصوتها مبحوح من البـجي..

ساجده: هيه هاي الدنيا..

سحبت راسي من حضنها وخليت جوه راسـها مخده..

اريج: نامي ماما انتِ تعبانه..

مرت علينه اسوء ايام مُمكن اعيشها بعد وفاة ابوي...

اخواتي الكبار ... همسه وغيد جانو كُلش متاذين.. وعبير جنت اني اواسيها لأن بعدها صغيره ومامتعمقه بفكره الموت...

٢٠١٦ ..

مِن بعد وفاة ابوي البيت الي نقتل بسببه ابوي.. توارثو عمامي واحنه رجعنه لبيت جدتي..

كعدت الصـبح اول خواتي.. حاولت ادرس ماگدرت واهسي كُلش مكسور وعيوني تأذيني..

مشيت بأتجاه المطبخ..

فتحت الماي اغسل الگلاص حته اسوي جاي..

اجتني دفعه قويه طيرت الكلاص من ايدي.. تطشر الكزاز ترس الگاع.. ثلث ارباعه دخل برجلي..

فتحت عيوني اباوع للمنظر مخروعه.. درت عيني..

اريج: ليش هيج سويتي..