إنجاد ألغياث (متوقفه)

البـارت " الثالث

'أنجاد ألغياث'
بِـقلم الكاتِبه :- شَمسِ
……………………………………………………

ركضت ب هلع للصاله..
باوعت للمنظر عبير مكفوشه وشعرها بأيد زينب..

زينب وهي تهادد ولازمه شعر عبير بقوه..
زينب: تطلعون من بيتي لا اخلي سامر يهججكم..
(سامر خالي)

اريج: هدي اختي من ايدج النگـسه لاتنگسيها عوفيها..
تقربتلها وبحركة سريعه دفعت عبير من ايادي زينب ورفست زينب برجلـها..

زينب: اااخخ بنت الكـ**** طلعععو من بيتيي..

امي السُكر عاميها عمي.. كتفت بالنظر النه وعيونها تصب..

مشيت بأتجاه امي ولزمت ايدها وطبعت بوسه ع باطن ايدها..

همست بصوت مبحوح منلبجي..باوعتلها بنظره توسل..
اريج: فدوه اروحلج يايمه خل نطلع واني ادبر عيشته فدوه اروحلج ابوس ايدج..

باوعتلي وعيونها مغورگه..
ساجده: هاهيه يمه خلي نطلع..

صحت خواتي وفهمتهم انو راح نطلع ومانضل بعد..
غيد: كل عقلج شلون ندبر العيشه..

من العصبيه البيه ماتحملت كلامها ورفعت اصبعي بوجهها احذر..
اريج: اياج ثم اياج ياغيد انو تتبطرين راح نطلع ونشتغل اني وهمسه بس في سبيل نعيشج عيشه هنيه.. ف لاتصير عينج ضيگه وتباعين لغيرج وتتبطرين..

باوعتلي بنظرة خوف.. وهيه تهز براسها بمعنى لا..
غيد: لا لا والله بس جنت اريد اسئل..

طبطت ع جتفها وهزيت راسي بمعنى عادي..
بلشنه نخلي ملابسنه بجنطنه حته نطلع..

امي ع نفس كعدتها وصافنه وسبحتها بيدها تفر بيها وتستغفر...

واحنه نمشي بلبيت ونلم بغراضنه بلجنط.. لحد ما خلصنه كلشي وقررنه نطلع..

اريج: طلعو الجنط..

باوعتلي امي بنظرة قلق..
ساجده: وين راح نروح..

بست راسها وحجيت بهمس..
اريج: بگاع الله الواسعه يمه..

طلعنه ووكفت ع شارع حته اخذ تكسي.. والحجي يتشمر علي و ع خواتي..
اريج: السلام عليكم بس وديني للـ ^^^^^ اذا متصير زحمه

- صعدو

صعدنه ووره تقريباً نص ساعه نزلنه.. لمجمع سكني بي شقق..

نزلت للمكتب مالته ووصيت امي وخواتي ينتظروني..
تحمحمت...
اريج: السلام عليكم..

- وعليكم السلام..

اريج: متوفر عدكم شقه مناسبه بسعرها حته لو تعبانه؟..

هز براسه وهو يباوع بعيوني.. مارتاحيت لنظراته..

- اكيد متوفر..

اريج: اكدر اخذ شقه وادفعلكم بعد مده يعني بس استلم اول راتب الي؟..