Unicode
ညအမှောင်က ယွမ်နန်းတော်တစ်ခွင် ကြီးစိုးနေတယ်။
ညပိုးကောင်တို့ရဲ့ တကျီကျီ အော်မြည်သံကလည်း
ညရဲ့တိတ်ဆိတ်မှုကို ဖြိုခွင်းကာ ထွက်ပေါ်နေတယ်။ထိုအသံတို့နဲ့အတူ ဒွန်တွဲထွက်ပေါ်လာတဲ့
ညစည်တီးသံကြောင့် ညဉ့်အတော်နက်နေပြီဖြစ်ကြောင်း
ယွန်းဂီ သိလိုက်ရတယ်။သို့သည့်တိုင် သူ့မှာ အိပ်မပျော်ပဲ ရှိနေသေးသည်မို့
လဲလျောင်းနေရာ ကုတင်ထက်မှ ထလိုက်မိတယ်။ထို့နောက် အိပ်ခန်းဆောင်တံခါးအား အနည်းငယ် ဖွင့်ဟကာ
အပြင်မှ အခြေအနေကို အကဲခတ်လိုက်တယ်။အထိန်းတော်ချွဲ၊ ဝေါလ်နဲ့ တချို့သော နန်းတွင်းသူများမှာ
သက်ဆိုင်ရာအဆောင်သို့ ပြန်အိပ်ကြတာမို့
အိပ်ခန်းဆောင်ရဲ့အပြင်မှာ နန်းတွင်းသူအနည်းငယ်သာ
ရှိနေတယ်။တစ်ဖန် ပြတင်းတံခါးဆီသို့သွားကာ နန်းဆောင်အပြင်မှ
အခြေအနေကို အကဲခတ်မိပြန်တယ်။နန်းဆောင်အပြင်တွင်လည်း ထိုနည်း၎င်းပင်။
အနည်းငယ်သော ရဲမက်များသာ ရှိနေတယ်။အခြေအနေအလုံးစုံကို အကဲခတ်ကြည့်ရှုပြီးနောက်
ယွန်းဂီ ပြတင်းတံခါးကို သေချာပိတ်လိုက်တယ်။ပြီးနောက် အိပ်စက်ရာကုတင်ရဲ့ ဘေးမှာရှိတဲ့
ကြေးမုံနဲ့ တခြား မျက်နှာချေ၊ဆိုးဆေးတို့ တင်ထားရာ
စားပွဲခုံရှေ့မှ ထိုင်ခုံထက်တွင် ထိုင်ကာ မျက်နှာထက်
စည်းနှောင်ထားတဲ့ ပိုးပုဝါစကို ဆွဲဖြည်လိုက်တယ်။တစ်ဆက်တည်းမှာပဲ ထုံးဖွဲ့ထားတဲ့ ဆံနွယ်တချို့ကိုလည်း
ဖြည်ချပြီး ဆံထိုးလေးကိုဖြင့် စားပွဲထက်
တင်ထားလိုက်တယ်။*အဟင်း*
သက်ပြင်းရှိုက်သံဟုလည်း မဆိုသာ၊
ရယ်သံဟုလည်း မသတ်မှတ်သာတဲ့ အသံတစ်ခုကို
ခပ်တိုးတိုးပြုရင်း ကြေးမုံထက်မှ ပုံရိပ်ကို ယွန်းဂီ
ကြည့်နေမိတယ်။ကြည့်နေမိရင်းက ကြေးမုံရဲ့မျက်နှာပြင်မှာ
ထင်ဟပ်နေတဲ့ သူ့ပုံရိပ်က တဖြည်းဖြည်းဝေဝါးလာကာ
တကယ့်မိဖုရား အွန်းဂျီအဖြစ် ပြောင်းလဲသွားတယ်။
ESTÁS LEYENDO
𝐓𝐡𝐞 𝑯𝒆𝒓𝒂𝒍𝒅 𝑜𝒻 𝑺𝒑𝒓𝒊𝒏𝒈
Fanficမဲ့ဟွားတွေက သံတော်ဆင့်ခေါ်ဆောင်ခဲ့တဲ့ နွေဦးရဲ့အချစ်ပုံပြင်တစ်ပုဒ် Yoonkook fanfiction