جوايه 20:30 نتاع الليل... نيرة و باباها قاعدين في صالون يتفرجو في الماتش نتاع الريال و ليفربول و امها في ااكوزينة اطيب... نيرة: اوه يا ربي فكاوله البالون البهيم هاذا علاه يا ماني علاه
حسين(باباها): ههههه الربح او للريال غير متعولي
نيرة: ههه ضحكتني ياودي لوكان تربح الريال ابزقلي على وجهي
حسين: اشاءلله ياربي خلي نبزقلها على وجها
نيرة: و لكان تربح اليفربول نتروشك بكف👋
حسين: باهي
مريم (امها): نيرة بنتي هاكي صحن نتاع شخشوة اديه لدار بيت عمتك
نيرة: خلي خلي مباعد راني نتفرج درك... بعدي ياماما مخلتنيش تشوف
مريم: يابنتي درك مباعد تبرد تولي متتكلش هيا عيش بنتي
نيرة : باهي اوكي ... وراحت تجري متحبش تفوتها حتى لقطى تموت على الماتشات ... طبطبت الباب حلت عليها عيشة
نيرة: هاكي عمتي ... شخشوشة .. هيا باي
عيشة: علاه راكي مزروبة هكا ادخلي
نيرة : عندي ماتش
عيشة : ههه انتي تاني كيما الياس محبش يتعشا غير باه يتفرج آلاز .... ادخلي اتفرجيه معاه
دخلت لقات نورس تتعشى و إلياس يتفرج راحت قعدت حذاه و هو من كثرت ماهو مكنسنطري مع الماتش مفقلهاش بلي قاعدة حذاه
إلياس: لخرى هاذا نتاع هزارد يعرفوه رجليه عوجة مميدولهاش ليه ازح
نيرة: ههههه كل بهيم يمد الخوه و هي ماشيا
إلياس تخلع ..... ياخي من وقتاه جيتي نتي
نيرة: مزلت نمشي ههه ... نورس ارواحي تفرجي معانا
نورس: بالون ماش جوي.... اني طالعة لبيتي كي تكملي ارواحي بحدايا
إلياس: شوفي تفرجي و نتي ساكتة باسكو نعرفك تحبي ليفربول
نيرة: ياو الربح لينا يا إلياسو
إلياس: ناناك
نيرة: وراس إلياس الربح لليفر ههه... سكت عليها و كمل يتفرج
نيرة: هيا يا صلاح هيا يا حبي متضيعهاش ساهلة غير ترميها في قول هيا يا عمري هيا ... هي تهدر و إلياس تايه فيها تصرفاتها يعشقها سرح فيها و هي واقفة و كيفاه تشجعع في فريقها قلب و رب ... فاق من سرحتو ليها كيف سمعها تعيط..... قوووووووول قوووول قوووول ورياي قوووول ... شفت يا إلياس قتلك ولله قتلك الربح لينا ريزمون في دقيقة لخرة الهدف ههه
مات عليها بضحك ملقري فريقو خاسر و هو فارح
نيرة: ههه قيو قيو ههه ... واقيلا فرحت كي ربحت الليفر ... كي سمعها قالت هكا تبدلت ملامح وجو رجع مقلق على الماتش ... ضربها بالوسادة على وجها .. رجعتهالو و هربت طول لبيت نورس
نورس: شكون ربح
نيرة: اليفر ا حبي اليفر
نورس: مبروك عليك مالا
نيرة: هههه ... هيه كاش جديد
نورس: عيطلي وليد قال عندي معاك هدرة ضرورية ماش نتاع تيليفون ولا نتاع فايسبوك ولازم غدوة نتلقاو
نيرة: تسما غدوة تاني راح تهربي من لافاك
نورس : معندي حتى حل واحداخر
نيرة: ولله يا نورس و يفيق بيك الياس بلي عندك شحال مرحتيش للافاك يقتلك
نورس: دبري عليا واش ندير مالا
نيرة: انتي ادرى هيا انا مروحة غدوة نحكو باي
نورس: باي
جات خارجة قابلها إلياس .... إلياس: مروحة؟
نيرة: لالا رايحة نطلب في طريق صدقة صدقة يا ناس يا محسنين ... هاي باينة مروحة 22h نتاع ليل وين عندي نروح
إلياس : امممم بلا بلادتك برك .. استناي نوصلك
نيرة: لواه باش توصلني دارنا اي هنا حذا داركمم ماهيش في مالديف ههه قالو يوصلني .... سكت عليها ووصلها للباب نتاع دارهم هي روحت و هو روح
مريم: طولتي يا بنيتي
نيرة: حكمتني عمتي... بابا وينو
مريم: في بيتو قال تاعب باش نرقد
نيرة: ههه تاعب ولا هارب من الكف... أمها ما فاهمة شئ و هي طلعت نطارة لبيت باباها....حلت عليه الباب كي العسكر .. نيرة: السلامووووو عليكم ..قالتها بنبرة نتاع العسكر ... ناض باباها مفجوع من نوم
حسين: خلعتيني واش بيك ياخي ماكيش تشوفي فيا راقد
نيرة: بلى أشوف يا سيدي لاكن أسالك كف كما تفاهمنا ( خلطتها عربية فصحى و دارجة)
حسين: يا نيرة ماشي وقتها ولله ... روحي اخطايني روحي ... نيرة دارت روحا مغششة كمشت فمها و دارت كي البيبيات
حسين: باهي ارواحي بصح بشوية .. الله مايهون عليا زعلك
نيرة مشات تبنن بصفتو و مباعد رجعت يديها لتالي و ضرباتو كف كيما نتاع الهنود 👋و هربت😂
VOUS LISEZ
صرامة الحب
Short Storyصديقان يقعان في حب نفس الفتاة 💔 فيا ترى القدر بمن سيجمعها 🥺 كورنيك جزائرية من خيالي 🤍
