صرامة الحب

🩷part 7🩷

بعد أسبوع
جاز أسبوع و نيرة في بيت جدها نفس روتين يتعاود من نهار إلي جات فيه حاجة متبدلت ... على جوايه الوحدة تاع الليل نيرة قاعدة في الجنينة تبكي دايرة حالة ماش توحشت باباها و نورس و عمتها و إلياس تاني مالغري حاولت تنساه و مقدرتش ماش مخالفة تبعد عليهم حتى نهار ... و في نفس الوقت غيلاس كان جايز و سمع شهقاتها و هي تبكي

غيلاس : نيرة !! (بإستغراب) ... علاه راكي تبكي
نيرة: (مسحت دموعها لاكن شهقاتها مزالت): وا..ل.و
غيلاس: تتمقعدي بيا راكي قريب تعومي بالدموع و تقوليلي والو
نيرة: توحشت بابا و نورس و عمتي و (سكتت)
غيلاس: و واش و ولد عمتك كمليها إسمو إلياس ياك
نيرة: لالا و وعلاه نتوحش فيه
غيلاس: باسكو وليد عمتك و كي خوك ولا لالا ( موعرك يا غيلاس)
نيرة: مكان مدخلك (وراحت و خلاتو)

....
غدوة مين ذاك
نيرة :ماما وقتاه نروحو
مريم : ولله معلابالي يا بنتي
نيرة: كيفاه هاذي معلابالكش ... و بابا !!
مريم:: واشبيه باباك
نيرة: ماما بابا وحدو من جيت أنا لدنيا جامي جا نهار و و بتي في دار بخلاف دارنا
دخلت عليهم سعاد: اياه الأم و بنتها قارنين الراس زعما في شكون قاعدين يريشو
مريم: كانت تسقسي فيا وقتاه نروحو
سعاد : لبارح وين جيتو و ليوم تروحو مزال لحال مزال و ايا درك للفطور ماو عبالكم هنا في دار هاذي أفراد العائلة كامل يجمعو في الطابلة وحدة و في وقت واحد للفطور

راحو حكمو بلايصهم و نيرة مقابلة غيلاس في الطابلة
الجد: هيه يا مريم بنتك ماشاءالله فولة و تقسمت عليك
الجدة: راك تشوف الله يبارك ماشاءالله عليها بنت بنتي
نيرة: (فوق من قلبها) يعيشكم
الجد: هيه غيلاس مش راح يهديك ربي و تستحسن
غيلاس: اوو جدي تعرفني الموضوع هذا مش دايرو في راسي قاع وقت الي يكتب ربي تما ساهل
حياة: يا عمي قريب انشاءالله
سيرين: اوو غيلاس لقاولك مرا ههه
غيلاس: أيا أنا نروح خير
مريم : أنا نروح نغسل لماعن نيرة ارواحي معايا
حياة : اسناي نجي معاك
منير: غيلاس و نتا خارج أفتح معاك الباب راهو يدق

.......
غيلاس: اووو شكون جانا
إلياس: غيلاس هاذي غيبة يا خو
غيلاس: صافي 3سنين متلاقيناش على هاذي توحشتنا جيت اطل علينا
إلياس: ولله يا غيلاس مانيش ميت عليك باه نقطع المسافة هاذي كامل غير باه نشوفك
غيلاس: ههه مزلت سامط
الجدة: شكون جا يا وليدي
غيلاس: حفيدك الثاني
جد : متقوليش إلياس
إلياس : أنا بشحمو و لحمو

علابالي ماكمش فاهمين والو
إلياس تقلق على نيرة يعيطلها و متهزش عليه أصلن عارفها بلي راحت لبيت جدها زكارة فيه باه تبعد عليهم يعرفها الدار هاذيك حالفة عليها و تموت و متدخلش ليها قرر يدي la dress من عند حسين و غدوة يروح
غدوة مينذاك كي راح تشوكا نفس دار صاحبو ... قبل كي نجح الباك قرا في ولاية بعيدة ولاية غيلاس و بما إنو غيلاس صاحبو داه معاه لدارهم إلي هي بيت جد نيرة يحبوه و محطيينو واحد من العائلة
نرجعو للحاضر درك ههكانو قاعدين كامل في صالون بخلاف نيرة و أمها

الجدة: أه يا إلياس مطل متقول يتوحشوني 3 سنين راهم 3 سنين
إلياس: ولله يا ماني ضروف و دار وحدهم اكي تعرفي
......
في الكوزينة
مريم: سعاد عندكم الضيف
حياة : وي هاذا إلياس صاحب غيلاس ولدي
سعاد: تقدري تقولي واحد من العايلة
نيرة تسمع و و تكذب سبحان الله هاذ النفس الصوت و نفس و الضحكة زعما ميكونش إلياس صاحب غيلاس هو ولد عمتي
مريم: نيرة واش بيكي
نيرة: اه والو ماما نروح بحذاهم

كل متقرب للصالة كل ما تزيد تتأكد و قلبها يضرب في 100 دخلت عليهم و يقابلها إلياس جات العين في العين قعدت تخزرلو غايسة فيه توحشاتو لدرجة كبيرة .. فطنت على صوت مانها
الجدة: أرواحي يا بنتي أقعدي وعلاه واقفة
سيرين : هاذا ألياس صاحب خويا
نيرة: إيه
إلياس : واش نيرة متسلميش
بيرم: زعما زعما تحشم هههه
غيلاس: علاه راكي تشنفي
نيرة: صاحبك هذا مدخلش لقلبي
الجد: عيب يا نيرة تحكي مع واحد متعرفيهش هكا
نيرة: الي في قلبي على لساني
إلياس: خليها خليها علابالي هدرة هاذي مش من قلبها و لا لا نيروش ( زعما يفكر فيها كي قاتلو نحبك )
غيلاس: واش كيفاه علابالك بلي الهدرة مش من قلبها .. و نيروش !!! تعرفها ؟
مريم: اووو إلياس هاذ نتا
إلياس: وي انا يا خالتي هه واش حوالك
بيرم: ماني فاهم والو
سيرين : ماكش وحدك
الجد: تعرفو بعضاكم
مريم: هذا إلياس ولد لوزتي
غيلاس: آآآ درك فهمت كلش أنا .. و انا نقول كيفاه جا لهنا بعد 3 سنين
إلياس: هه غيلاس يزي يا خو ....  اسمحولي نيرة تجي معايا دقيقة
بيرم: oh my good
مريم : يا بنتي راهو يهدر معاك
نيرة: منروحش
إلياس: (قحرلها) نيرة الهدرة منعاودهاش مرتين

راحت تبعاتو و و دخلو للكوزينة
إلياس: وعلاه نعيطلك و متريبونديش
اي راني نهدر معاك .. نتي جيتي هنا باسكو زعفتي من هدرتي ياك نتي اصلن متحبيش تجي لهنا كنتي تقوليلي نموت و مندخلش للدار هاذي ولا أنا غالط .. نيرة متوحشتينيش
نيرة: (دورتلو براسها لالا)
إلياس: بصح عينيك ميقولوش لالا نتي تحبيني علابالي مهما نجرحك تبقاي تحبيني
نيرة:  كيفاه هاذي مهما تجرحني نبقى نحبك كلب أنا أه ولله مليحة هاذي لكان نتا إلياس أنا نيرة مي نتا ضهرت  ولله ما تحشمها صح وجهك صحيح تابعني للهنا باه تقليي لهدرة هاذي خسارة عليك يا وليد عمتي أنا كي شفتك هنا قلت جاي يطلب سماح مي نتا إلياس تبقا إلياس متتبدلش و كان قتلك حبيتك من نهار هاذاك تبدل الحب لكره
إلياس: نيرة وعلاه تهدري هكا أنا جاي  علاجالك من دنيا خلاف و نتي تهدري هكا ؟؟؟
نيرة: اخرج من هنا أخرج قتلك اخرج روح اخطيني علاه راكي تابعني حتى لهنا ياك قتلي بعدي علينا و انساينا روح لللميس نتاعك
إلياس: ههه ههه لميس !! شكون لميس هاذي نيرة ( يهدر و يقربلها)
نيرة: سقسي روحك
إلياس: منعرف حتى وحدة إسمها لميس
نيرة : حتى لكذب و تكذب .. روح بعدني
إلياس: ههه قتلو لميس ههه وعلاه راح نكذب
نيرة : إيه إيه

..........
تمهيد للبارت الجاي
مريم: كيفاه هاذي نزوجو نيرة و غيلاس هبلتو واقيل  يما  تسمعي واش راهو يقول  !؟ منير  تسمع و ساكت متقوليش علابالك !!

Hada eli 9dert 3lih wch raykom !! t3icho diro j'aime tafa3el na9ess khlah w partajiwhaa lah ystreeem🤍🙏🥹