صرامة الحب

💛part3💛

دخلت عيشة .. دموعها ولات وديان و هي تشوف في بنتها و كبدتها هكا .. راحت عنقتها و تبوس فيها
نورس: علاه راكي ساكتة يما حاسبيني نتي ثاني اهدري
عيشة: تتت
نورس: يما قزليلي علاه درتي هكا يا بنتي ؟؟ اهدري يما
عيشة: خلاص نورس اسكتي بلا بكى هو صح انتي غلطتي و درتي حاجة اكثر من عمرك
نورس: كيفاه اكثر من عمري يما انا راني كبيرة مرانيش صغيرة عمري 21 سنة الي قدي متزوجين و بولادهم يما
عيشة:خلاص سيبون بصح يا بنتي نحبك اديري في بالك العلاقات هاذي الي الأهل ميكونوش في بالهم بيها و تتبنى في الحرام عمرها متكون في الحلال .. انا منلومكش وعلاه درتي هكا ..نتي حبيتيه و واحد ميقدر يتحكم في القلب بصح يا بنتي هو لوكان جا يبغيك لوكان جا خطبك من هاذاك النهار
نورس (تفكرت كي قالها بلي يماه باش تخطبلو بنت خالتو و هي لالا عرفت بلي امها كلامها صحيح 💯/💯)
صحا ماما شكون قلك بلي نبغيه؟؟
عيشة: وعلاه نسيتي بلي انا ماماك و الأم تحس بولادها
نورس: إيه ... بصح انا حايرة إلياس كيفاه عرف
عيشة: قاتلو الطفلة بلي نورس ماتجيش للافاك
نورس: إيه قاتلو بلي منروحش للافاك ماشي على وليد
عيشة: هاذيك معلاباليش .. بصح انتي ناسية بلي خوك متغيبلو حتى حاجة واقيل
نورس: سي بصح انا و وليد عندنا شحال من عام و هو معلابالوش و الصباح رحنا كيف كيف مكانش علابالو كيفاه عرف درك؟؟
عيشة: يا بنتي إلياس كان داير فيك الكونفيونص و ميحبش يخرب  من وراك بصح نتي تعرفيه كي يحب يوصل لحاجة في دقيقة يوصللها
نورس: ايه .. ماما تعيشي خليني وحدي
عيشة: اوكي
...........
حسين: جوز يا وليدي
الياس: صحا خالي .. نيرة لهنا
حسين: أيه في بيتها جوز ادخل درك نعيطلها
إلياس : لالا متشقيش روحك درك نطلعلها أنا
حسين: كيما تحب
.......
كانت قاعدة  فوق الفوتاي ضامة رجليها و ادير باpc .. غير تفتح الباب بلا متشوف شكون نطقت
نيرة: واش حسين تزدم برك متقوليش بالك التبدل بالك عريانة بالك كشما ادير
إلياس: نتي متحشميش تهدري مع باباك هكذا
نيرة تفجعت كي سمعت صوتو حطت الpc و ناضت
نيرة: هذا نتا ... مكان مدخلك ماكش تجي نتا لخر تعلمني كيفاه نهدر مع بابا (لالة دايرة في خاطرها منو كشفاتو مع لميس)
إلياس: ايه ا سيدي شوفو لالة كيفاه طوال لسانها .. من وقتاش وليتي تحكي معايا هكذا 
نيرة: مدخلكش فيا نهدر كيما تحب ديجا شكون نتا باه تعلمني كيفاه نهدر
إلياس قلقل من الهدرة نتاحها معاه .. شكون هيا حتى لتهدر معاه هكذا زير على يديه و بدا يقربلها .. هو يقرب و هي توخر هو يقرب و هي توخر حتى لوصلت للحيط و هو قرب ليها لدرجة انو نفس نتاعو ولات تحس بيه  و حط يديه على الحيط و بدا يهدر
إلياس: شوفي نيرة وقيلا ناسية روحك مع شكون تحكي هاذي   c'est la premier fois et la dernier fois تحكي معايا بالfaçon هاذي d'accord لحاجة الدوزيام نتي كان علابالك بلي نورس مراهيش تجي لالافاك و كان علابالك بوليد و مع هاذا مقلتليش و لا مقلتيش ليها الي تقوليلها عمتي 
نيرة: مممكاننش عللبالييي (تهدر و هي خايفة)
إلياس: وقيلا تستخايليني طفل صغير انا قدامك .. ياو إلياس قدامك إلياس .. و لوكا نعرف شكون لعب بعقل نورس بخلافف وليد ولله ندمو فالنهار الي ولد فيها ..و نجيبهالك ماللخر انا راني شاك فيك .. درك راهو مجرد شك بصح كون يضهر شكي في محلو ولله يا نيرة ناكلك بسناني ولله و قد أعذر من أنذر
نيرة كانت خايفة ترعش و هو يهدر معاها هكذاك و يهدد فيها مراهيش مصدقة بلي الي قدامها إلياس
الياس الي يضل يحمي فيها من ولاد الكرتي  .. إلياس .. الي عشقاتو عندها سنين يهدد فيها و يعيط عليها و فوق من هاذا شاكك فيها .. سيات تقوى قدامو مقدرتش دموعها سبقوها .. ولات تبكي و تشهق .. الياس بعد عليها و دور وجهو
إلياس: نيرة نتي تعرفيني منحبش نشوف طفلة تبكي (تكذب يا إلياس نتا متحبش تشوف نيرة تبكي ماشي متحبش تشوف طفلة تبكي ياو فاقو )
نيرة: علاه راك ممتبدل معايا هكذا
خرج بلا ما يجاوب باسكو كوون قعد و شافها في حالة هاذيك و هي تبكي و تشهق يحن عليها و هو ماشي وقته .. باسكو بالنسبة ليه مهما تكون بلاصت عبد في قلبو كيغلط لازم يخلص
.....
نيرة: علاه  يا ربي 😭😭
حسين: نيرة وعلاه جا إليا.. بنوتي راكي تبكي
نيرة: لالا بابا مرانيش نبكي تكون كشما دخلت لعيني
حسين: متكذبيش يا بنتي .. وراح ليها ..ترمات في حضنو و ولات تبكي
حسين: اوووو علاه تبكي يزي قلبي يوجعني كي نشوفك هكذا .. قوليلي كشما دارلك إلياس
نيرة: تتت
حسين: اهدري متخافيش لوكان كشما دارلك ولله ولله نقتلو مزال ميعرف واقيل الي يبكيلي بنتي مزال مجابتوش يماه
نيرة: لالا لالا مدارلي والو بابا خلاص
حسين: يعني
نيرة: ايه
حسين : مالا بركاي من البكى و امسحي وجهك قبل متجي يماك من سوق و تشوفك هكذا تعرفيها متحبش تشوفك قلقانة ولا تبكي
نيرة : ايه
خرج حسين من غرفة نيرة و قفل الباب
حسين: اااااه يا بنتي مهما حاولتي تخبي مشاعرك مقدرتيش .. و هذاك إلياس واقيل مزال ميعرفش حساب الي يبكيلي بنتي 

يتبع....💛💛