05:00
نضت صباح فرحاانة ما تتوقعووش قدااش راني فرحاانة اصلا رقدت غير زوج سواريع هههه والله ما نجمت نرقد تحمست هههه ، ليوم راح نحقق حلمي ، الحلم لي تعبت بزاااف باش وصلتله ، الحلم لي ضحيت باعز ما عندي باش ما نسمحش فيه ، و اخيييرا راح نولي محققة جنائية 😍🕵🏻♀️ ، اليوم راح نتخرج من ديك الجامعة تاع الهم و الذل لي فوت فيها اسوء ايام ، مالڨري كنت نقرأ بكل شغف و حب بصح المحيط تاعي مخلانيش ، بمعنى كنت نقرأ في جامعة غير تاع خماج ، الحمد الله الكلية لي كنت نقرأ فيها نظيفة بزاااف على الجامعة تعرفت فيها على ناس بزاااف مشاء الله جوليت يدخلوا للقلب منهم صحبتي العزيزة رهف ، حقا نسيت ما عرفتكمش بروحي هههه : انا نور اليقين في عمري 22 سنة نسكن معا خالتي و بس والديا ماتوا في حادث ربي يرحمهم ، بصح حمد الله خالتي رباتني من لي كان في عمري 12 سنة ربتني احسن تربية و كبرت و مزالني في نفس تربيتي ما خرجتش على طريق .
- 5 ans غادي نزلوا 5 سنين للوراء
يعني مين كان عندي 18ans عام الباك كنت نقرأ عادي في جانفي دخل معانا واحد جديد مانكذبش عليكم زعما بڨووووص هههه زين و دين و طاعة الوالدين ، هي صح عجبني بصح مابغيتش نعطيه أهمية ، كان يجمع مورايا و ما يهدر معا حتى وحدة من غيري ، ههه غير يسقسيني على القرايا و شا عندنا ممبعد بحكم ما عندهش استعمال الزمن ايا انا كنت نجاوبه ، معا مرور الوقت بدينا نقصروا بزاف في وقت الفراغ مين ما يجوش الأساتذة نضحكوا و نزعقوا و خطرات نلعبوا act vrt بديت نعرف عليه صوالح و كان ناس ملاااح بزاااف جامي جبدلي صوالح عيانيين ، خطرة قالي انستا تاعك صحا عطيته و ولينا قراب بزاف حتى ولاو يحسبونا اون كوبل ، و هو يقولي خليهم يهدروا راهم فارغين شغل ، بقا 3 اشهر على الباك ولينا نقروا في رحبا خطرات نتلاقاو بالمكتبة و خطرات نقروا ابال فيديو نسهروا كيف كيف نرقدوا كيف كيف ، حتى وليت كون ما نهدرش معاه نحس بفرااغ في حياتي نحس حاجة ناقصتني ، بصح انا من النوع لي مايحبش يولي اون كوبل ، نبغي نكون غير صديقة هاكا زعما ، وحد الخطرة عيطلي بالتليفون
غيث : وبيبي عينيا
نور : ماشي قتلك ماتقوليش هاك
غيث : نورمال واشبيك معقدة
نور : صحا ويب عمري
غيث : الوو شكون نتي نتي ماشي نور
نور : هههه رنك ، مالك واش تسحق
غيث : فهميني وحد الحاجة
نور : ايا علاه ما عيطتش ابال فيديوا
غيث : نووو غادي نروحوا للريسطورون منها نفطروا و منها نقروا
نور : ايا اوك
جا داني بلوطو (هوما صحاب الدراهم هههه) نزلت شفت روسطورون كبير و فاخر غير تاع ليكس و انا كنت رايحة بسروال و تريكو ههههه
نور: واش هادا 🙂
غيث: دخلي و بلعي
🌼صحا دخلنا و خيرنا شا ناكلوا بغيت نجبد صوالح باش نفهمه قالي حتى ممبعد ، فات شوية وقت و حنا ناكلوا و نضحكوا حتى شفت الطفل ناض و جا من جبهتي و ركع كيما المسلسلات و جبد خاتم و قاعد يشعر ناعلاباليش قاع واش قال. ، و لكم أن تتخيلوا هداك الموقف و انا ولييت طوماطيسة و ناس نشوف فينا و تصفق و يقولوا قولي واه قولي واه ، ماعرفتش شا ندير من الفرحة و الخلعة قلت واه ، ايا ركبلي الخاتم و كذا منا ملهيه ممبعد نضنا و انا غير نشوف فالخاتم و ساااكتة ، هوا يهدر فاللوطوا و انا حشمااانة اول مرة تصرالي واحد يعترفلي ، وصلنا على وحد البلاصة تطل على البحر قالي نزلي ، نزلنا جمعنا
غيث: والله ما غادي تندمي غادي نعيشك كي الأميرة في هاد الدنيا و كدا و كدا (المهم هدر بزاااف )
نور : (حشمااانة )
🌼 ايا صاي ممبعد نضنا وصلني لداار ، رحت ديراكت لبلاصتي قعدت نبكي منعرف علاه هههه بقرة بصح ممبعد قعدت تضحك و فرحانة ، مور ما دخلت دوشت تلاقيته معيطلي عاودت عيطتله كوبا عليا و عاود هههه ، ايا قعدنا نتمعشقوا حتى رقدنا ، قعدنا على هاد المنوال حتى نهار الأول تاع الباك تفاهمنا يجي يديني و نروحوا في رحبة حتى عيطلي قالي رسلتلك واحد يديك و انا ممبعد نجي قتلك وينتا قالي مانيش فدار غادي نجي ديراكت ايا و كوبا ، رحت معا داك شوفار و نخمم واش بيه صوته مكانش مليح وصلت تما و كانوا غادي يدخلوا و غادي يبلغوا ، قعدت نعيطله تليفونه مبلع عيطت إمامته بحكم ماماه كانت خطرة خطرة تعيطلي قاع قايلها هي تاني تليفونها مبلع والو خففت بزاااف ، ممبعد مين دخلت للساحة عيطلي نيميرو بريفي رفدت هو غيث بصح صوته مبدل قتله وراااك غادي يبلعوا و يقصوك ، قالي ماتقارعيليش روحي عيشي حياتك و اهلي في روحك ما جيت نهدر حتى كوبا في وجهي ، واااو ماعرفتش شا ندير وليت نشوف ضباب حتى جاو صحاباتي عطاوني لما و يعدوا يهدروا معايا و انا في عالم اخر ، دخلت فوت العربية و عقلي مبلوكي نخمم غير واش صرا ، خرجت قعدت تحت شجرة مابغيتش نروح لدار تشوفني خالتي عاما ، قعدت نبكي نبكي كرهت الدنيا كلها ، ممبعد جمعت قوتي و رحت فكرت باش ننجم نفوت الإسلامية و قلت عشية و ربي برحمته ، خرجت عشية رحت كول لدار دوشت و عيطتله والو تليفون مبلع و زدت كامله والوا دنيا ظلامت في وجهي ، قررت ننساه و نلهى في الباك ما نضيعش حياتي على طال طفل ، بصح قاع هاك و كل دقيقة نبكي ، فاتت سيمانة تاع بيتك و كل يوم نقابه بلاك يعيطلي ، بصح والو قاعدة نتخيل ، دخلت سيمانة في اكتئاب بصح حمدالله سلكت منها و قررت نكمل حياتي و جامي ندير ثقة في طفل .
(مانيش نحكيلكم عليه باطل ، عنده دور فالحكاية ممبعد)
🌼نزلوا للحاضر :
كيما قلتلكم نضت صباح فرحانة و رايحة نتخرج ، سلمت على خالتي و شربت قهوتي و خرجت ركبت في قطار بالسكوت لجامعة لي نقرأ فيها بعيدة وحد 3h ركبت كي العادة جمعت في بلاصة وحدي درت كيتمان و نسمع فالغناء ،حتى شفت الحركة دورت راسي لقيت وحد العجوزة واقفة و تشوف فيا نزعت الكيتمان
نور : واه الحاجة واش تسحقي
الحاجة : (تشوف فيا و ساكتة )
نور: الحاجة خصك حاجة!
الحاجة : خصني نتي
نور : وااش؟؟!(استغربت)
الحاجة : باغيا نديك
نور : وييين؟؟؟!
الحاجة : (ساااكتة و تشوف فيا )
نضت باش نشوف معاكم راها حتى حكمتني من ذراعي
نور : واش بييك
الحاجة : نتي هي نتي هي صح
نور : اطلقيني ياخي مهبولة
جاوو الأمن بعدوها بسييف عليا مابغاتش تطلقتي، حتى جا وحد الراجل داها قال للأمن هادي جداتي مريضة ما تديروش عليها
قعدت مستغربة من شئ لي صرا ، و حسيت هداك ماشي حفيدها ، قعدت نشوف فالتاقة حتى .................يتبع
