وقعت في حب مسلمة

1

'طرقات خفيفة على الباب تعلن وصول أحدهم"

زينب_ صباح الخير
عائشة مبتسمة_صباح النور 
زينب_صلي الضحى وتعالي افطري
عائشة_ هو لازم اصلي الضحى
زينب_ طبعا لما تعرفي ان الرسول صلى الله عليه وسلم قال انها بتعادل ٣٦٠صدقة وصلاة الاوابين (اواب_كثير الرجوع والتوبة لله) مش عايزة تتصدقي وتبقي اوابه؟
ناقص نص ساعة على الضهر يعني يدوب تلحقي تصلي قبل ما الظهر يأذن متنسيش ركعتين وتسلمي ركعتين وتسلمي اقلها ركعتين واخرها ٨ ركعات.
عائشة_ربنا يباركلي فيكي يا امي

ذهبت عائشة لدورة المياه توضأت وقامت بفرش سجادة الصلاة قرأت الفاتحة ثم بدأت بتلاوة السورة الاقرب لقلبها سورة يوسف ،  لقد أنعم الله عليها بحفظ القرآن الكريم وتلاوته بصوت عذب
إِنَّا أَنْزَلْنَاهُ قُرْآَنًا عَرَبِيًّا لَعَلَّكُمْ تَعْقِلُونَ

عائشة_السلام عليكم ورحمة الله
ثم التفت الى جهة اليسار _ السلام عليكم ورحمه الله

عائشة_صباح الخير يا بابا
محمد_ صباح الخير يا عائش
عائشة بابتسامة_ يااا يا بابا بحب منك دلع عائش ده جدا ، لأن الرسول صلى الله عليه وسلم كان بينادي بيه عائشة وده يكفيني فخرا ان اسمي على اسم ام المؤمنين وياليتني كنت مثلها الطبيبة الفقيهة زوجة رسول الله وحبيبته رضي الله عنها وأرضاها
محمد_رضي الله عنها
عائشة_طيب لما انا مزاجنا عال عال النهارده فا انا حابة اقولكم اني قررت خلاص انا هسافر
زينب بضيق_يعني برضوا يبنتي قررتي تسبينا وتمشي
عائشة_يا أمي ما انتي عارفة دي منحة متتعوضش ،لازم استغلها وبعدين هما خمس شهور وهرجع في الاجازة وهروح تاني وكذالك لحد ما اكمل ال٣سنين هناك اللي باقيين
زينب_بس يا بنتي انتي رايحة بلد تانية مش محافظة في مصر ، وعايزاني مخافش عليكي  يا بنتي مينفعش نحط نفسنا جنب الفتنه ونقول مش هنقربلها ببساطة مينفعش نحط نفسنا جنب البحر ونقول مش هنغرق.
عائشة_كلامك صح بس ده تعليمي دي منحة جاتلي انا وكمان بنت وشاب يتدعوا على الصوابع يا امي ده حتى السفر على نفقة الدولة ولما ارجع واخده شهادة من جامعة طب في امريكا هشتغل دكتورة عالية هنا وهيبقى ليا اسمي الدكتورة عائشة اللي متخرجة من جامعة في امريكا عايزة ابني مستقبل ليا يا أمي
زينب_ لا انا تعبت يا محمد كلمها انت
محمد_ يا بنتي بس برضوا دي بلد تانية اكيد هنقلق عليكي
عائشة_اوعدك اني هكلمكم كل يوم ومكالمة فيديو وكل اخباري هقولهالكم اول بأول ، كأني معاكم بالظبط ما هو النت مخلاش حاجة
زينب_دي بتاكل بعقلنا حلاوة انا مش داخل عليا الكلام ده ومفهاش سفرة يا عائش هاا
"عائشة نظرت لوالدها بحزن واتجهت لغرفتها وهي تبكي بكاء شديد "
محمد_ليه كده يا مودة البنت هتبقى نفسيتها وحشة جدا
زينب_ ما انا خايفة عليها يا محمد   ، أخاف حد يمسها بسوء هناك
محمد_فاهم خوفك وانا خايف اكثر منك بس هيبقى معاها صحباتها البنات وان شاء الله خير
زينب_لا مش موافقة يا محمد واكيد ابراهيم اخوها مش هيوافق بي ده لو عرف